Jɔɔnn 6:14 - Yennu Gbouŋ Mɔɔr

¹⁴ Niib maŋ nba la bakitnauŋ toonjaann nba ki Yiisa tun na, ki bi yet a, “Barmɔniie setik, nirɔ nae tee Yennu sɔkinii nba yaa wun baar tingbouŋ na ni na.”

Yennu Gbounpaauŋ Mɔɔr

¹⁴ Niib maŋ nba la bakitnauŋ toonjaann nba ki Yisa tun na, ki bi yet a “Barmɔniie setik, nirɔ nee tee Yennu sɔkinii nba yaa wun tan baar tingbouŋ na ni na.”

Jɔɔnn 6:14 ပူးပေါင်းရင်းမြစ်များ

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

Matiu 11:3

a bin saa boiɔ a “Fine tee wunba yaa wun tan baar na, koo tii daa kii guu sɔɔ?”

Matiu 21:11

Ki nibur na jiin a “Yiisa, wunba tee Yennu sɔkinii ki nyii Nasaref nba be Galilii yent ni nae.”

Barŋanii nba ki LUK din sɔb nae na 24:19

Ki u boib a “Lannpoe?” Ki bi yetɔ a “Ki jiin Nasaref nirɔ Yiisa na po; jɔɔ na daan tee Yennu sɔkiniie, ki tun toonjaana; ki u maan bia daan mɔk paŋ; ki u pent Yennu nan niib kur para.

Barŋanii nba ki LUK din sɔb nae na 7:16

Ki jaŋmaanii ji soor niib nba be leŋ na kur, ki bi dont Yennu sann. Bi din yeen leeb a “Yennu sɔkiniijaann be ti sinsuuk ni. Yennu-e sik a wun somm u niib.”

Jɔɔnn 1:21

Ŋanne ki bi boiɔ a, “Ki a tee ŋmee? A tee Elaija-ee?” Ki u jiin a, “N ki tee ŋɔɔ kaa.” Ki bi bia boiɔ a, “Ki a tee sɔkinii nba nae-e?” Ki u jiin a, “N ki tee ŋɔɔ kaa biaki.”

Jɔɔnn 11:27

Ki u jiin a, “N Yomdaanɔ, nn, n teen yada nan fine tee Yennu Niganntɔɔ Masia, ki bia tee ŋɔɔ Yennu Bija, wunba ki ti tuu daan u baaru na.”

Jɔɔnn 2:11

Tɔn, Yiisa nba din tun toonjaann maŋ Keena nba be Galilii yent ni na, ŋanne din tee u sinsinn toonjaann, ki li wann niib waa mɔk Yennu yiikoo biaŋinba; ki u poorpoweiteeb na teenɔ yada.

Jɔɔnn 4:19

Ki poo na yetɔ a, “Chanbaa, n ji bann nan a tee Yennu sɔkiniie.

Jɔɔnn 4:25

Ki poo na yetɔ a, “N mi nan Masia nba ki bi yiu Yennu niganntɔɔ na tan saa baara. U-u taŋi baar yoo nba, u saa betit barii kura.”

Jɔɔnn 4:42

Li yoo na ki bi ji bet poo na a, “Taa teenɔ yada mɔtana na, li ki tee faa betit u po na kuukɔɔ kaa, ŋaan taa gbat u mɔŋ mɔb ni na paak ki ti teenɔ yada, ki bann nan ŋɔɔe set tee tingbouŋ na Tinntɔɔ.”

Jɔɔnn 6:2

Ki nibur waa u poor po, kimaan bi din la u bakitnauŋ toonjaana nba ki u tuun ki te ki baatib laat laafia na.

Jɔɔnn 6:26

Ki Yiisa yetib a, “Barmɔniie ki n beeri na, maa won turi jeet ki i dii gboo nae te ki i loonin na, ŋaan li ki tee yaa la n bakitnauŋ toonjaana na kaa.

Jɔɔnn 6:30

Ki bi bia boiɔ a, “Toonjaanlannpoe ki a saa tun ki tin la ki teena yada? A saa tun bee?

Jɔɔnn 7:40

Niib bonchiann nba din be nibur na ni ki gbat ki u yet nna maŋ, ki bi yet a, “Jɔɔ na set tee Yennu sɔkiniie nan barmɔnii,”

Toona 7:37

Li Moses-e bia din yet Israel teeb a ‘Yennu tan saa tun sɔkiniisɔɔ i boor nan waa tumin biaŋinba na, ki u sii tee i booru.’