Jɔɔnn 5:39 - Yennu Gbouŋ Mɔɔr

³⁹ “Tɔn, i tuu karin Yennu gbouŋ, kimaan i mi nan i saa la manfoor nba kaa gbennu leŋe, ki Yennu gbouŋ maŋ want n poe,

Yennu Gbounpaauŋ Mɔɔr

³⁹ “Tɔn, ŋaan i lek tuu karin Yennu gbouŋ na, kimaan i tuu dukii mi a manfoor nba kaa gbennu be leŋe, ki Yennu gbouŋ maŋ want n po,

Jɔɔnn 5:39 ပူးပေါင်းရင်းမြစ်များ

Yaŋ 1:2

Bi parmaasir nyi baa saak Yennu sennu na niŋe, kimaan bi dukii sennu maŋ poe yoo kur.

Yaŋ 119:11

N dia a sennu nae n par ni a lin te ki n daa tuun biit ki teena ni.

Yaŋ 133:3

Li tee nan Hermonn kunkonn paak marin nba saa baa Sayɔnn kunkona paak nae. Leŋe ki Yennu senn mɔsonn, u piisin po, ki li tee manfoor nba kaa gbennu.

Yaŋ 16:11

A saa wannin sɔnu nba saa manfoor niŋa. A benu teenin kpinkpammuk bonchiann, ki baat nan parmann n boor yoo kur.

Yaŋ 21:4

U boi manfoor po, ki a turɔ manfoor nba kaa gbennu.

Yaŋ 36:9

A niŋe ki manfoor kur nyi. Ki a yentu nie ki ti laat yeenin.

Barjokit 6:23

Bi tumiiu maŋ tee yentu nba nyiirie; ki bi ŋmakitu na saa fit wanna faa sii be biaŋinba.

Aisaya 34:16

Gotir Yennu gbouŋ ni siaminba sɔb jiin bonfoa po na, ki karin laa yaa linba. Bonfoa na nan yenɔkɔɔwa kan boti, bonfoor kur sii mɔk u benanlɔɔe. Yennu-e wann a lii tee nna, u mɔŋe saa taamm boyennkɔɔ ni.

Aisaya 8:20

Ii yetib a, “Gbiintir linba ki Yennu wanti na. I daa gbiin ninnyɔɔn damm yari. Linba ki bi wanti na kan sommini.”

Jeremaya 8:9

I subindamm na dii fei-e ki li ŋmatib ki bi sik baruk ni. Bi yêt n maame, ki mɔtana bi mɔk subinlannpoe?

Daniel 12:2

Ki bi bonchiann nba dɔŋ kpo na saa fiir kuun ni. Bi siab saa la manfoor nba kaa gbennu, ki bi siab mun tan saa di fei nba kaa gbennu.

Matiu 22:29

Ki Yiisa betib a “I bota, kimaan i ki mi Yennu gbouŋ, ki bia ki mi waa mɔk paŋ biaŋinba.

Barŋanii nba ki MAK din sɔb nae na 10:3

Ŋanne ki u mun boib a “Moses din turi sennu nlee ki jiin li po?”

Barŋanii nba ki MAK din sɔb nae na 12:10

I daa ki mi karin laa sɔb Yennu gbouŋ ni biaŋinba-a? Li sɔb a, ‘Tann nba ki tanmaara yêtir na, ŋanne tan tee lɔtik ni tanŋann, Yennu-e teen nna, ki li teent bakitnauŋ.’ ”

Barŋanii nba ki LUK din sɔb nae na 16:29

Ki Abraham yetɔ a ‘A waarii mɔk Moses nan Yennu sɔkiniinba gbouŋ. Bin gbiint bi maan.’

Barŋanii nba ki LUK din sɔb nae na 16:31

Ki Abraham yetɔ a ‘Bi-i kii gbiint Moses nan Yennu sɔkiniinba maan, nirɔ-i lekii fiir kuun ni gbaa, ŋaan bi kan sak u mɔbi.’ ”

Barŋanii nba ki LUK din sɔb nae na 24:25

Ki ŋɔɔ Yiisa betib a “Bee yankpeensime ki i mantik mɔki, ki mei nan yin teen Yennu sɔkiniinba maan kur yada.

Barŋanii nba ki LUK din sɔb nae na 24:27

Ŋanne ki u wantib u barii nba sɔb Yennu gbouŋ ni na kur paak, ki piin Moses sɔbu ni ki saan tuu Yennu sɔkiniinba kura sɔbu ni.

Barŋanii nba ki LUK din sɔb nae na 24:44

Ŋanne ki u betib a “Ii tian man n mɔmaan nba ki n daan wanti maa daan be i boor yoo nba na, a n barii kur nba sɔb Moses sennu ni, nan Yennu sɔkiniinba sɔbu ni, nan Yennu gbouŋ nba ki bi yi yanii na ni kpaa talas nan li kur n tan tun ki gbeen.”

Jɔɔnn 1:45

Ki Filip mun saan ki saa lon Natanael boor ki betɔ a, “Ti la wunba ki Moses din sɔb u po Yennu sennu gbouŋ ni, ki sɔkiniinba bia din sɔb u po, ki pak a u saa baar na. Ŋɔɔe tee Yiisa, wunba tee Joosef bija, ki nyii Nasaref na.”

Jɔɔnn 5:32

Ŋaan sɔɔe bewa ki piak linba want niib maa tee wunba. Ŋɔɔe tee Yennu; ki n mi nan waa piak linba n po maŋ na tee barmɔniie.

Jɔɔnn 5:36

“Bakitnauŋ toonjaana nba ki n tuun na, ŋanne want n siara ki chee Jɔɔnn siara na. Ki bia jenna, toonjaana nba ki n tuun na, n Baae yaa mii tuun, ki toona maŋ tee siara nan n Baa Yennu-e tumin.

Jɔɔnn 5:40

ŋaan ki i lek yêt yin baar n peŋ ki n turi manfoor maŋ.

Jɔɔnn 5:46

I-i setiki bonni teen Moses sɔbu na yada, i bo saa teenin yadawa mun, kimaan u din sɔb ki jiin n poe.

Jɔɔnn 7:52

Ki bi boiɔ a, “A mun ji tee Galilii nirɔe-e? Gotir Yennu gbouŋ ni. A saa la nan Yennu sɔkinii ki mi nyii Galilii yent ni.”

Toona 13:27

Niib nba be Jerusalem, nan bi yudamm na, din ki mi nan nirɔ nba nae tee Yennu Niganntɔɔ, ki bia ki bann Yennu sɔkiniinba maan nba ki bi tuu karin foon daar kur na paaki; ŋaan baa din pak biirɔ na, bi din gbeen Yennu sɔkiniinba maan maŋa.

Toona 17:11

Leŋ niib yan din kɔɔ Yiisa maan maŋ ni ki gar Tesalonika teeba, ki bi sak maan na nan bi para kur, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ set tee mɔnii koo nlee.

Toona 26:27

Chanbaa Agripa, a teen Yennu sɔkiniinba maan yadawa-a? Ŋaan n lek mi nan a teen yadawa.”

Rom Teeb 1:2

Yennu din dɔŋ senn u mɔsonn barŋanii maŋ poewa, ki u sɔkiniinba din mɔɔntir u mɔsonn maŋ, nan laa sɔb u kasii gbouŋ ni na.

Rom Teeb 3:2

Li mɔk nyɔɔt bonchiann. Sinsinn tee Yennu din jii u sennu mɔbona na ki guun Juu teebe;

Sennu 18:15

Ŋɔɔ Yennu saa turi sɔkinii, ki u sii tee nan min na, ki saa nyi i booru ni. Ii sak u mɔb man.

Sennu 18:18

N saa turib sɔkinii nba sii tee nan fin na, ki u saa nyi bi booru ni. N saa wannɔ linba ki u saa pak, ki u saa bet niib na n sennu kur.

Sennu 29:29

“Ti Yomdaanɔ Yennu bɔr mayena nbae ki li be woonin ni, ŋaan fiit u sennu ki turit, a timm nan ti yaaboona n weir mɔkmɔk nan mɔkmɔk.

Sennu 32:47

Wannu na ki tee mɔbonkoona kaa, li tee i manfoore. Ii mɔk mɔsaku nann, ki i saa wei tiŋ nba be Jɔɔdann mɔk-pootir, ki i saa kɔɔ kar na ni.”

Kolosa teeb 3:16

Li kpaa talas ki Masia labaar na-ii be i para ni chib chib, ki yii want i leeb, kii bia kii kpaan i leeb nan yan; kii yiin Yennu gbouŋ ni yanii, nan Yenpaku yanii, nan Seyeeŋ yanii; kii yiin yanii maŋ nan niipoturu para kii teen Yennu.

Hiibru teeb 11:16

Ŋaan bi baka din be siaminba chee ki tee yendɔuŋ na poe. Li paak, Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 11:35

Ki poosiab la bi nikpiimm nba din kpo na fiir kuun ni. Ki siab nba din teen Yennu yada na paak ki bi boo kpiib, ki bi ki yêt Yennu weiu a bin nyi kuun maŋ ni, kimaan bi loon bin fiir kuun ni ki la manfoor nba chee.

Joosua 1:8

Yabit ki tuu te sennu gbouŋ na-ii karin jiantii ni yoo kur. A tumii gbouŋ maŋ yonnu nan nyiɔk kur, ki sak linba kur sɔb gbouŋ na ni, ŋanne saa te ki a mɔkit ki bia nyann.

Fiitu 19:10

Li yoo ki n baa fabin u tɔɔnn, a n jiantɔ. Ki u yetin a n daa tee nna kaa, a u tee min nan n naa waas nba dia Yiisa barŋanii na toontunnanlɔɔe, a n jiant Yennu-e. Yennu sɔkiniinba nba sɔkint ki yeen na, bi piak Yiisa poe.