Jɔɔnn 5:14 - Yennu Gbouŋ Mɔɔr

¹⁴ Li poorpoe ki Yiisa tan lau Yenjiantu ŋasaakak ni, ki betɔ a, “Gotir, a la laafiawa, ŋaan a ji daa mi tuun toonbiiti, ki bonbisiar tan saa baara ki gar na.”

Yennu Gbounpaauŋ Mɔɔr

¹⁴ Li poorpoe ki Yisa ji lon jɔɔ na, ki tan lau Yennu jiantu ŋasaakak ni, ki betɔ a “Gotir, a ji paaka, ŋaan a ji daa mi ki tuun toonbiiti, ki siara bonbisiar tan sa kpet baara ki gar na.”

Jɔɔnn 5:14 ပူးပေါင်းရင်းမြစ်များ

2 Barkperii 28:22

Yoo nba ki kpanbar Ahas daamii din pukin na, ŋaan u lek din ŋamii tuun biite ki teen Yennu.

Nehemaya 9:28

Parmaasir nba din tan be yoo nba na, ki niib na bia ŋamm tun yanbɔmm, ki a bia te ki bi datai na nyannib; ŋaan baa tan kat bi yanbɔmm ki lebit bi binbeŋ ki boia sommir po yoo nba, ki a be sanpaapo ki gbiint, ki teenib gatu, ki tintib yoo nan yoo, a ninbatinu nba yab na paak.

Yaŋ 118:18

U dat n tubir bonchiann, ŋaan u ki te ki n kpo.

Yaŋ 18:22

N sak wei u sennii na kurawa; N ki mɔk mɔyêtuk nan u sennii na.

Yaŋ 27:6

Ki n saa nyann n datai nba lintin na; ki u ŋasaakak niŋe ki n saa yikin nan kpinkpammuk, ki mann maruŋ, ki yin yaŋ ki dont Yennu.

Yaŋ 9:13

Yennu, ii mɔk ninbatinu nanin, gotir n datai nba kɔɔnin biak nba ni na. Yennu, nyintin kuun ni,

Aisaya 38:20

Yennu, a turin laafiawa. Ti saa faa kɔna ki donta, ki yin donta, a jiantu ŋasaakak ni, ti manfoor ni kur.

Aisaya 38:22

Ki kpanbar Hesekia boi a, “Nyinlanne want nan n tan saa fit saan Yenjiantu ŋasaakak ni?”

Liifai teeb 13:20

Ki manntɔɔ na saa fiitir, ki li-i tee ki li sumii gar gbananbɔŋ na, ki li ni kobit peeni, manntɔɔ na n mɔɔnt nan u mɔk jakint. Li tee gbanant paak nar yoonn nae, ki put nyii siaminba bo mɔr na.

Liifai teeb 26:27

“Ki li-i lekii tee linba na kur tun ŋaan ki i ki sak gaar n sennu,

Liifai teeb 7:12

Li-i tee ki sɔɔ mann maruŋ na booru, ki li tee niipoturu, wun baar nan bonkobuk nan boroboro nba ki ŋmat datiŋ. Li-i tee boroboro nba ŋmat kpan ki kpakii, koo lilaat nba ki bi far kpan, koo lilaat nba ki bi jii yon nba ŋmat kpan ki sinnir,

Matiu 12:45

u ji saa ŋmat nyie ki saa yiin narinbileeb banlore, binba bi ki chee u, ki baar namm, ki bin kɔɔ ki lakin be; nirɔ maŋ binbeŋ sii bi bonchiann ki gar waa daan tuu be sinsinn biaŋinba na. Linba nae tan saa baar mɔtana nigbouŋ nba tee biitdamm na paak.”

Barŋanii nba ki MAK din sɔb nae na 2:5

Yiisa nba din la baa teenɔ yada biaŋinba na, ki u yet baatɔɔ na a “N bik, n nyik chab a biita.”

Jɔɔnn 5:13

Ŋaan jɔɔ na din ki mi wunba te ki u la laafia, kimaan Yiisa ji din nyii leŋa, niib bonchiann nba din tikir na paak.

Jɔɔnn 5:5

Tɔn, jasɔɔ din be leŋ, ki yiar bina piintaa nan ŋanniin.

Jɔɔnn 8:11

Ki u jiin a, “Chanbaa, sɔɔ ki biari.” Ki Yiisa yetɔ a, “N mun kan pak biirani. Ii kun. A ji daa mi tuun toonbiiti.”))

1 Piita 4:3

Yoo nba gar, i din jii i yoo ki tuun toonbiite. I din tuun i mɔŋ loonbiite, ki nyu daan yib, ki di diina ki mɔk fuut, ki tikii leeb danyuboa, ki mann pata, ki tuun nan binba ki tee Masiaweira na nba loon biaŋinba na.