Jɔɔnn 4:10 - Yennu Gbouŋ Mɔɔr

¹⁰ Ki Yiisa jiinɔ a, “Li-i tee ki a bo mi bakitnauŋ piinii nba ki Yennu loon wun pia na, ki bia mi maa tee wunba ki meia nyun na, a bo saa boin a n tura manfoor nyun, ki n set bo saa turawa.”

Yennu Gbounpaauŋ Mɔɔr

¹⁰ Ki Yisa din jiinɔ, “Li-i tee ki a bo mi bakitnauŋ piinii nba ki Yennu loon wun pia na, ki bia mi ma tee wunba ki meia nyun na, a bo sa boin ki n tura manfoor nyun, ki n set bo sa turawa.”

Jɔɔnn 4:10 ပူးပေါင်းရင်းမြစ်များ

Yaŋ 10:17

Yennu, a saa gbiint binba sikint bi mɔŋ na miaruwa. A saa turib parcheenna.

Yaŋ 46:4

Mɔkisiar be ki teen yabint daanɔ Yennu doo nba tee u kasii binbeboor na parpeenn.

Nyinu 17:6

N saa set tann paak, a tɔɔnn, Sainai jɔɔr paak. A faa tann na, ki nyun saa nyi tann na ni, ki niib na n nyu.” Ki Moses tun nna, Israel teeb tɔɔndamm na boor,

Yankpaŋii 4:15

Ki nyuntona maant kpaab na, ki bunii nyun nyi Lebanonn kunkona ni ki puub nan paŋ ki kɔɔ kpaab na ni.

Aisaya 12:3

Nyunmaasin nba baat nan kpinkpammuk kunkɔkoonn paak biaŋinba na, nnae ki Yennu niib tuu kpamm, yoo nba ki Yennu tinnib.”

Aisaya 35:6

ki dianii sii yuuk ki mobit, ki waa waak, ki binba ki fit piak na saa hoot nan parpeenn. Nyun nan kpenii saa pubir kunkoouk paak;

Aisaya 42:6

“Min Yennu-e yiina ki tura yiikoo maa fan te ki mamɔmm-i be tingbouŋ na paak. Li saa nyi a nie, ki n saa lor mɔlor nan nisaarii; li saa nyi a nie, ki n saa baar nan yentu, digbana kur paak.

Aisaya 43:20

Muuk ni bonkobit gbaa saa baakin; mɔbɔi nan naamiant saa dontin, yoo nba ki n te mɔka puub kunkoouk paak a lin tur n nigannkab nyun na.

Aisaya 44:3

N saa tur tiŋ nba ki nyunkon be na nyun, ki te kpenii puub tinkooŋ ni. N saa mɔɔn n Seek i waas paak, ki bia mɔɔn n piisin i yaaboona paak.

Aisaya 49:10

nyunnyukuru koo kon kan soorib. Yonnu nan tinkorik wɔruk kan teenib siar, kimaan wunba mɔk lomm namme saa gar bi tɔɔnn. U saa saan namm nyuntona boa.

Aisaya 9:6

Bi mar bik ki turita. Bi turit bonjaka. Ŋɔɔe sii tee ti diatɔɔ. Bi sii yiu, “Bakitnauŋ ŋmakit-tɔɔ,” nan “Yabint Yennu,” nan “Baa nba yɔɔ be,” nan “Parmaasir kpanbar.”

Jeremaya 2:13

kimaan n niib tun biit booru munlee-e; bi ŋmant bi poor ki tur min nba teen nyunŋanin na, ŋaan gbiir gbiit nba tee bonyiant, ki nyun kan fit be leŋ.

Esekiel 16:35

Ki Yennu ŋamm yet a, “Jerusalem, fin bonchonchonn na, gbiintir linba ki min Yennu piak.

Sekaria 13:1

Yabint Yennu yet a, “Li yoo-i baar, nyuntonn tan saa put, ki wuur binba tee Defid yaaboona, nan Jerusalem teeb, ki bin nyi bi patjiantu, nan bi yanbɔnlia ni.

Sekaria 14:8

Li daar-i baar, manfoor nyun tan sii puub ki nyi Jerusalem, ki li bɔkyenn saa Mɔk-kpeenn na ni, ki bɔkleer na mun saa Sinsuuk ni mɔkgbeŋir na ni. Li sii puube piar nan siɔk kur.

Barŋanii nba ki LUK din sɔb nae na 11:13

Ki li-i tee yimm nba tee biitdamm na mi biaŋinba ki i saa tur i waas bonŋana, i Baa Yennu nba be sanpaapo na mantik kan jii u Seyeeŋ maŋ ki tur binba meiɔ li po na-a?”

Jɔɔnn 16:3

Bi tan saa tun linba na ki turiwa, kimaan bi ki mimi, ki bia ki mi n Baa.

Jɔɔnn 17:3

Ki manfoor maŋe tee niib n bann fin nba tee Yennu nan barmɔnii, ki sɔɔ ji kaa; ki bia mun saa bann min Yiisa Masia nba ki a tumin na.

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Jɔɔnn 4:14

ŋaan mi-i tur wunba n nyun na ki u nyuu, nyunnyukuru kan mi soorɔ, kimaan mi-i tur wunba n nyun na, li sii bunii manfoor nyume u ni, ki bia turɔ manfoor nba kaa gbennu.”

Jɔɔnn 6:35

Ki u betib a, “Mine tee manfoor jeet maŋ. Daanɔ nba baar n boor, kon kan mi soorɔ, ki wunba teenin yada, nyunnyukuru kan mi soorɔ.

Jɔɔnn 6:51

Mine tee manfoor jeet nba nyii Yendɔuŋ ni na. Wunba dii jeet maŋ sii be nan yoo nba kaa gbennu, ki jeet nba ki n saa turɔ na tee n gbanante, ki n tan saa jii n gbanant maŋ ki chab, ki tingbouŋ na ŋaateeb n fit la manfoor maŋ.”

Toona 9:11

Ki ti Yomdaanɔ yetɔ a, “Fiit ki saan tɔkin sɔnu nba yi Sɔnsunsonn na, ki saa kɔɔ Judas ŋaak ki boi jɔɔ nba nyii Tarsus, ki u sann tee Sɔɔl na po. U mei Yennu-e mɔtana,

Rom Teeb 8:32

Yennu ki minnit u mɔŋ Bija na, ŋaan jiiu ki u tee maruŋ ti kur paak. Ŋɔɔ Yennu-e turit u Bija maŋ, ki nlee ki u ji kan turit linba kur biari?

1 Korint teeb 1:30

Ŋɔɔ Yennu-e taan timm nan Yiisa Masia ki u tee ti yan. U paake ki Yennu nyinnit daabisin ni, ki yet a ti tee niŋamm u boor, ki ji tee u niib.

1 Korint teeb 10:4

ki bia lakin nyuu nyun nba ki Seyeeŋ maŋ turib na; kimaan bi lakin nyuu nyun nba nyii Yennu Seek, tanpiiuk nba chiamm na ni. Tanpiiuk maŋ din tee Masia-e.

2 Korint teeb 9:15

Ŋaant man ki tin tur Yennu niipoouk, kimaan ŋɔɔe turit u Bija nba gar piinii kur na.

Efesus teeb 2:8

Yennu ninbatinu na paake ki i tinn, kimaan yaa teen Masia yada na.

Hiibru teeb 6:4

Masiaweira nba yêt u weiu, li tan sii paar nan bin jen ki lebit bi dudukit. Sianyoo bi din tuu be Yennu maŋ yentu nie, ki gaar bi tora nba tee Yennu Seyeeŋ na, ki lemm Yendɔuŋ ni piiniiwa,

1 Jɔɔnn 5:20

Ti mi nan Yennu Bija Yiisa din sik tingbouŋ na ni ki tan turit yan a tin bann ŋɔɔ barmɔnii Yennu. Taa gaa nan u Bija Yiisa Masia na paak, ŋanne bia te ki ti gaa nan u Baa Yennu; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 21:6

Ki u bia yetin a “Li poŋ tuma. N tee Alfa nan Omega-e; li paak tee piinu nan joontu. Binba ki nyunnyukuru mɔkib na, n saa pib manfoor nyun nba bunii ki nyi nyuntona ni na, ki bin nyu.

Fiitu 22:17

Tɔn, ki Yennu Seyeeŋ nan Pegann na pooyookir na yet a “Baat.” Ki wunba gbatir n mun yet a “Baat.” Ki wunba kur ki nyunnyukuru soorɔ, wun baar; ki wunba loon nyun maŋ, wun gaar yann.

Fiitu 7:17

ki Pegann nba be naangbouŋ tɔɔnn na sii guub, ki saan namm nyunbuur nba teen manfoor na boor, ki Yennu saa fiar bi ninnyuut kur.”