Jɔɔnn 3:29 - Yennu Gbouŋ Mɔɔr

²⁹ Poosɔrɔe tee wunba yen pooyookir. Wunba tee poosɔrɔ na yɔɔk, ki be u boor ki gbiin na, ŋɔɔe mɔk parpeenn, yoo nba ki u gbat poosɔrɔ na kunkɔr. Nnae ki n mun set mɔk parpeenn bonchiann Masia paak.

Yennu Gbounpaauŋ Mɔɔr

²⁹ Poosɔrɔe tee wunba yen pooyookir na. Wunba tee poosɔrɔ na yɔɔk ki be u boor ki gbiintirɔ, ŋɔɔe mɔk parpeenn poosɔrɔ na kunkɔr paak. Nnee ki n mun set mɔk parpeenn bonchiann Masia na paak.

Jɔɔnn 3:29 ပူးပေါင်းရင်းမြစ်များ

Yankpaŋii 3:11

Sayɔnn poob, baat ki tan barii kpanbar Solomonn. U yir naan fokirik nba ki u naa din yirimɔ, u pookɔɔnt daar nae, ki li tee u parpeenn nan kpinkpammuk daar na.

Yankpaŋii 5:1

N pooloŋir, n pooyookir, n kɔɔ n kpaab niwa. N pɔ n baarii nan bonnunubit nba tee mir nae; n di siat nan sagbente; n nyu tilɔɔna daame nan naabiin. N yɔɔsnba, ii di kii biaki nyu man nan yaa tan saa gboo.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 66:11

I saa di u mɔkint na mant, nan bik nba tuu tuuk u naa biir ni biaŋinba nae.

Jeremaya 2:2

a man mɔɔnt maan na ki tur sɔɔ kur nba be Jerusalem a, “N tian yaa din waan fanu biaŋinba, yoo nba ki i din tee nipaauŋ na, yoo nba ki i din sint jii i mɔŋ ki turin na. I din wei n poor ki gar kunkoouk paak, tiŋ nba ki bi ki ban bur siar na ni.

Esekiel 16:8

“Maa bia ŋamm gar a boor yoo nba, ki n la nan a jaŋ jakunta, ki n jii n chinchenn ki dɔkin a payann na, ki sat mɔb nan n saa kɔɔna. Barmɔnii, ki n lor pookɔɔnt mɔlor nana, ki a teen n yɔɔ. Linba nae ki Yabint Yennu yet.

Hosea 2:19

Israel digbann, n saa teena n poo, ki sii tee barmɔndaanɔ nan burchimɔ. N saa wanna n lomm nba yɔɔ be nana, ki sii mɔk ninbatinu; ki a sii tee n yɔɔ nan yoo nba kaa paak.

Matiu 22:2

“Yennu naan tee nan batsɔɔ nba din teen siir a wun teen poochiann jaamm ki tur u bija nae.

Matiu 25:1

“Yennu naan labaar tee nan sapaamm piik nba din jii bi fita ki saa a bin took pooyookir sɔrɔ nae.

Matiu 9:15

Ki Yiisa jiin ki boib a “Poochiann-i be, saamm sii mɔk parbiir, yoo nba ki pooyookir sɔrɔ daa be bi boor ni nawa-a? Aaii. Ŋaan yoo baat, ki bi tan saa nyinn pooyookir sɔrɔ na bi boor; li yooe ki bi saa lor mɔi.

Barŋanii nba ki LUK din sɔb nae na 15:6

ki kun ŋaak ni, ki yiin u yɔɔsnba nan ŋakpiasnba ki lakimm ki yet a, ‘Ii mɔk parpeenn man, kimaan n la n pebotikauk nawa.’ ”

Jɔɔnn 15:11

“N pak na ki turi a n parpeenn na boorue-ii be i ni, ki yin gbee nan parpeenn.

Jɔɔnn 16:24

Ŋaan nan mɔtana, i daa ki mi miarɔ bonsiar n sann ni. Ii miarɔ, ki i saa la, ki gbee nan parpeenn.

Jɔɔnn 17:13

Ki mɔtana n baat a peŋe; ki maa daa be tingbouŋ na ni na, n piak linba nae ki teemm, a bi para n gbee nan parpeenn nba ki n mɔk na.

Jɔɔnn 3:30

“Li kpaa talas ŋɔɔ Masia sann-ii yabitir, ŋaan ki n sann-ii waabit.”

2 Korint teeb 11:2

N looni bonchiann nan Yennu nba looni biaŋinba na. I tee nan sapaamɔ nba ki mi jɔɔ nae, ki n loon ki n jii-i ki tur Masia ki yii waa ŋɔɔ kuukɔɔ.

Filipi teeb 2:2

ŋanne te ki n beeri maa yii mɔk dudukyennkɔɔ ki pukinin parpeenn na, kii mɔk lomm yennkɔɔ, ki i dudukit kura-ii tee yomm.

1 Jɔɔnn 1:4

ki ti loon ki ti kur n ŋamm la parpeenn bonchiann. Li paake teen ki n sɔbin teeni na.

2 Jɔɔnn 1:12

N mɔk mɔbona bonchiann ki loon ki n bo turi, ŋaan n ki loon ki n sɔb gbouŋ ni kaa ki turini. N mɔk dindann nan n saa baar ki gɔni, ki tin pak nan leeb, ki li-i tun nna, li saa maŋit bonchiann.

Fiitu 21:9

Li yoo na, ki malakanba banlore nba daan dia senii ŋanlore, ki li gbee nan biak booru munlore nba joont na yenɔ betin, a n baar ki wun wannin Pegann na pooyookir.