Jɔɔnn 20:17 - Yennu Gbouŋ Mɔɔr

¹⁷ Ki Yiisa betɔ a, “Daa somi, kimaan n daa ki doo sanpaapo n Baa boori; ŋaan i saa n naa waas boor, ki saa betib a n saa do sanpaapo, wunba tee n Baa nan i Baa na boora; ŋɔɔe bia tee n Yennu nan i Yennu na.”

Yennu Gbounpaauŋ Mɔɔr

¹⁷ Ki Yisa betɔ “Ji daa siitimi, kimaan n daa ki do sanpaapo n Baa boor ni; ŋaan i saa n naa waas peŋ, ki saa betib a n sa do sanpaapo, wunba tee n Baa nan i Baa na peŋa; ŋɔɔe bia tee n Yennu nan i Yennu na.”

Jɔɔnn 20:17 ပူးပေါင်းရင်းမြစ်များ

2 Kpanbara 4:29

Ki Elaisa ŋmat Gehasi paak ki yetɔ a, “Kakitir. Jiin n patu kii saa. A daa see sɔnu ni ki foont wunba kur ki a chet, ki wunba chet ki foonta, a daa biir yoo ki gaan u foontii. Ii saa ki saa kɔɔ ŋaak na ni, ki donn n patu na kii goon bik na paak.”

2 Kpanbara 7:9

ki ji yet bi leeb a, “Ti daa tuun nna. Ti mɔk labamann, ti daa diar ti kuukɔɔ. Ti-i guur a lin yenta tin kumii, ti saa la tubdatuwa. Ŋaant ti saan yian ki wann kpanbar ŋaasaakab.”

Yaŋ 22:22

Ki n saa wann n niib faa tun ŋamm nba ki turin, ki saa dont a sann bi tintaanu ni.

Yaŋ 43:4

Yennu, n saa saan a maruŋ binbintir boore, fine tee n parpeenn nyakir, ki n saa faa kɔnn ki yin yaŋ ki donta. Yennu, fine tee n Yennu.

Yaŋ 48:14

“Yennu na tee ti Yennu-e mɔkmɔk nan mɔkmɔk, ki sii tee ti ŋmakit-tɔɔ nan durinya gbennu.”

Yaŋ 68:18

U saa jii binba ki u nyann ki soorib na, ki do namm sanpaapo, ki saa gaar piinii niib boor, niib nba tee mɔyêtdamm na gbaa, u saa gaar bi piiniiwa. Yabint Yennu, a sii be leŋe.

Yaŋ 89:26

Ki u saa betin a, ‘Fine tee n baa nan n Yennu, ki bia tee n guutɔɔ nan tinntɔɔ.’

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Jeremaya 31:33

Mɔlorpaann nba ki n saa lor nan Israel teeb na sii tee nnae: n ji saa teen n sennii maŋ bi dudukit nie, ki sɔbir bi para ni. Mine sii tee bi Yennu, ki bi tee n niib.

Jeremaya 32:38

Ki bi sii tee n niib, ki n tee bi Yennu.

Esekiel 36:28

Ki i ji saa kɔɔ kar tiŋ nba ki n tur i yeejamm na ni. Ki i sii tee n niib, ki n tee i Yennu.

Esekiel 37:27

Leŋe ki n sii be namm; ki tee bi Yennu, ki bi mun tee n niib.

Matiu 12:50

Wunba kur tuun n Baa Yennu nba be sanpaapo na loommu, ŋɔɔe tee n ninja, nan n niipoo, nan n naa.”

Matiu 25:40

Ki min Bat mun tan saa jiin a ‘Barmɔniie ki n beeri na, yaa din tun linba ki tur wunba tee tatimɔɔ n naa waas sinsuuk ni na, i din tuun ki teen mine.’

Matiu 28:7

Ii saa man yian yian, ki saa yet u poorpoweiteeb a u fiir kuun ni ki gar saan Galilii-wa. Leŋewa ki i saa lau. Barmɔniie ki n beeri na.”

Barŋanii nba ki MAK din sɔb nae na 12:26

Tɔn, ki jiin kpeemm fiiru po, i ki mi karin Yennu sɔkinii Moses sɔbu ni, siaminba yeen jagotuk po na-a? Li sɔb a Yennu din bet Moses a ŋɔɔ Yennu-e tee Abraham Yennu, nan Aisak Yennu, nan Jakɔb Yennu.

Barŋanii nba ki MAK din sɔb nae na 16:19

Tɔn, Yiisa nba pak barii na ki gbenn yoo nba, ki Yennu te ki u doo Yendɔuŋ ni ki saa kar ŋɔɔ Yennu niidiitu po.

Barŋanii nba ki LUK din sɔb nae na 10:4

Ŋaan i daa jikit likbɔɔrii koo miat-ŋmanii koo taasaati. I bia daa see sɔnu ni ki foont sɔɔ.

Jɔɔnn 13:1

Yoo nba ki yukitgar tiaru jaamm daa ki piin na, ŋaan ki Yiisa mi nan u yoo baara, ki u saa nyi tingbouŋ na ni, ki ŋmat u Baa peŋ. U din loon u tiɔŋ poorpoweiteeb nba be tingbouŋ na ni na, ki ji yaa wun wannib biaŋinba ki u mantik loomm.

Jɔɔnn 13:3

Ŋaan Yiisa ŋarin din mi nan u Baa Yennu teen bont kur ŋɔɔ Yiisa nuu niwa, ki bia mi nan u nyii u Baa Yennu boore, ki saa ŋmat u peŋa.

Jɔɔnn 14:2

Diit bonchiann be n Baa Yennu ŋaak, ki n kun maa n saa teen i diit siir. Li-i bonni kii tee barmɔnii, n bo kan betini.

Jɔɔnn 14:28

I poŋ gbat ki n yeti a ‘N nyikitie, ŋaan n bia saa jen i boor niwa.’ I-i set kii loonimie, i sii mɔk parpeenn nan maa saa n Baa Yennu boor na, kimaan u cheen.

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.

Jɔɔnn 16:28

N din nyii n Baa maŋ peŋe ki baar tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa saa biar tingbouŋ na niwa. Tɔn, n Baa, Popeendaanɔ, i diab fanu a sann ni, sann nba ki a din purin na, ki bin taan yomm nan min nan fin nba tee yomm na.

Jɔɔnn 17:25

N Baa, Popeendaanɔ, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:5

N Baa, turimin dontir a boor mɔtana, dontbooru nba ki n din laat, maa din be a boor ki a daa ki nan durinya na.

Jɔɔnn 20:27

ŋaan bet Tomas a, “Jiin a niibir ki tun n niipant ni, ŋaan bia tant a nuu ki tun n lokir ni, ki ji daa birisi, ŋaan teenin yada.”

Jɔɔnn 7:33

Ŋaan ki Yiisa bet nibur na a, “N sii be nani yoo waaminnae, ki li poorpo ki n ŋmat ki saan wunba tumin na peŋ.

Rom Teeb 8:29

U poŋ din senn nan binba ki u yiimm na, bi binbeŋ-ii tee nan u Bija binbeŋ nae, ki u Bija na n teen Bikperik, waas bonchiann sinsuuk ni.

2 Korint teeb 6:18

N sii tee i Baae, ki i tee n naasimm nan n sapaamm. Min, Yabint Yennu-e pak na.”

Galasia teeb 3:26

Yaa teen Yiisa Masia yada ki be u ni na, li paake ki i tee Yennu waas.

Hiibru teeb 11:16

Ŋaan bi baka din be siaminba chee ki tee yendɔuŋ na poe. Li paak, Yennu mɔk yuugontir nan bin yiinɔ bi Yennu, kimaan u poŋ din ŋamm dosaue ki guumm.

Hiibru teeb 8:10

Min Yennu yet nan n saa senn mɔlor nba nae ki tur Israel teeb, daa nba baat na ni: N ji saa teen n sennii maŋ bi dudukit nie, ki sɔbir bi para ni. Mine sii tee bi Yennu, ki bi tee n niib.

1 Piita 1:3

Pakin Yennu nba tee ti Yomdaanɔ Yiisa Masia Baa na man, kimaan u tint ninbaauk bonchiann ki turit manfopaann Yiisa Masia kuun fiiru paak. Linba nae te ki ti mɔk dindann nan ti tan sii mɔk manfoor,

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent taa tan sii be biaŋinba. Ŋaan taa daa mi linbae na, a Yiisa-i taŋi jen, ti tan saa la waa set tee biaŋinbawa, li paak, ti tan saa kpint ki tee nan ŋɔɔ nae.

Fiitu 21:3

Ki n gbat ki kunkɔsaakar nyii naangbouŋ na boor ki yeen a “Nnara, Yennu ŋaak ji be nisaarii boore, ki ŋɔɔ Yennu sii be namm, ki bi sii tee u niib, ki ŋɔɔ Yennu mɔŋ sii be bi boor ki tee bi Yennu,

Fiitu 21:7

Ki wunba nyann nyannu na, u saa gaar linba na n boor, ki n sii tee u Yennu, ki u mun tee n bik.