Jɔɔnn 20:16 - Yennu Gbouŋ Mɔɔr

¹⁶ Ki Yiisa yiinɔ a, “Meeri.” Ki u ŋmant ki tokinɔ, ki yiinɔ Juu teeb maan ni a, “Raboni!” (Li paak tee “Wanntɔɔ.”)

Yennu Gbounpaauŋ Mɔɔr

¹⁶ Ki Yisa yiinɔ a “Mari.” Ki u ŋmant ki tokinɔ, ki yiinɔ Juu teeb maan ni a “Rabboni!” (Li paak tee a “Wanntɔɔ.”)

Jɔɔnn 20:16 ပူးပေါင်းရင်းမြစ်များ

Pinpiik 22:1

Sian yoo ki Yennu din tan bikin Abraham. U din yiinɔe a, “Abraham,” ki Abraham toon a, “Mine na.”

Pinpiik 22:11

Ki Yennu malaka be Yendɔuŋ niwa ŋaan tian yiinɔ a, “Abraham, Abraham.” Ki u jiin a “Mine na.”

Pinpiik 45:12

Ki Joosef bia pak pukin a, “Mɔtana, i kura, nan fin Benjaminn, i saa fit ki la nan n tee Joosef nan mɔnii.

Nyinu 3:4

Yennu nba la nan Moses baat leŋ yoo nba, ki u be tibik na sinsuuk ni, ŋaan yiinɔ ki yet a, “Moses, Moses.” Ki u jiin a, “N gbia. Mine na.”

Nyinu 33:17

Ki Yennu yet Moses a, “N saa tun nan faa boi biaŋinba nawa, kimaan n mia fanu, ki n par mei a paak.”

Yankpaŋii 3:4

Maa gar guuteeb na yoo nba, ki n ji la n yɔɔk. Ki n kubɔ, ki ji kan ŋaan ki wun yaat, see ki n tan jiiu ki saan nanɔ n naa ŋaak, ki kɔɔ nanɔ diiuk nba ki bi din marin na ni.

Yankpaŋii 5:2

N dɔɔr gɔɔne, ki damii damiit, ki li damiit ni ki n yɔɔk koon n tammɔb. N yɔɔk, ŋaant man kɔɔ. N pooloŋir, a tee nan ŋmann nae n boor. Marin borik n yura, ki n yut borik nan sinsamiin.

Aisaya 43:1

Israel teeb, Yennu nba nami na yeen a, “I daa tiin jaŋmaanii, n saa tinniwa. N yi i sanae, kimaan i tee n yabe.

Matiu 14:27

Li taakpaak ni ki u betib a “Cheen i para man, li tee mine; i daa tiin jaŋmaanii.”

Barŋanii nba ki MAK din sɔb nae na 10:51

Ki u jiin a “Chanbaa, n loon ki a nyɔɔnt n ninbinae.”

Barŋanii nba ki LUK din sɔb nae na 10:41

Ki Yiisa jiinɔ a “Maata, n mi nan a gbaa nan bona bonchiann, ki li mukisa ki biir a par,

Jɔɔnn 1:38

Ki Yiisa saa jiant ki la ki bi waau, ki u boib a, “I loon bee?” Ki bi jiin a, “Wanntɔɔ, ti loon ki ti bann faa be siame.”

Jɔɔnn 1:49

Ki Natanael yetɔ a, “Wanntɔɔ, a tee Yennu Bijae, ki bia tee Israel teeb kpanbar.”

Jɔɔnn 10:3

Wuu taŋi baat a wun kɔɔ, tammɔguurɔ na saa loote, ki wun kɔɔ; ki u yi u mɔŋ pei na sana, ki bi gbia u mɔb, ki u nyintib.

Jɔɔnn 11:28

Maata yet nna maŋe, ŋaan ŋmat kun, ki saa yiin u waarɔ Meeri soon nna, ki betɔ a, “Wanntɔɔ na be nawa, ŋaan yiia.”

Jɔɔnn 13:13

I yi-n Wanntɔɔe, nan i Yomdaanɔ. Li set ŋan nan yaa yi-n biaŋinba na, kimaan n set tee nnae.

Jɔɔnn 20:28

Ki Tomas yetɔ a, “Fine tee n Yomdaanɔ ki bia tee n Yennu.”

Jɔɔnn 3:2

ki nyɔsiɔk ki u tan baar Yiisa boor, ki yetɔ a, “Chanbaa, ti mi nan a tee wanntɔɔ nba nyii Yennu boore, kimaan sɔɔ kan fit tun toonjaana nba ki a tuun na booru, ki li ki tee Yennu be nanɔ.”

Jɔɔnn 5:2

Leŋe ki kukintuk dɔɔ nan nyun, ki lanbont ŋanŋmu chaan linta, ki Juu teeb maan ni, ki bi yir Bef-sata, ki li kpia pei tammɔb na.

Jɔɔnn 6:25

Niib na nba din poot mɔkgbeŋir maŋ na, ki bi la Yiisa, ki boiɔ a, “Wanntɔɔ, a baar nna nlee yooe?”

Toona 10:3

Li din tan tee yenlekire, ki u la Yennu malaka nan u ninbinn, yirintu ni, ki u kɔɔ ŋɔɔ Kɔnelius diiuk ni ki tan yiin a, “Kɔnelius.”

Toona 9:4

Ki u baa tiŋ ni, ki gbat ki kunkɔr yiu a, “Sɔɔl, Sɔɔl, bee ki a mukisirimi?”

1 Samuel 3:10

Ki Yennu baar ki set leŋ, ki yiin nan waa bo yi biaŋinba na a, “Samuel, Samuel.” Ki Samuel jiin a, “Ii piak, a daabir gbiin.”

1 Samuel 3:6

Ki Yennu ŋamm yiin Samuel, ki Samuel ki bann nan Yennu-e yiu, kimaan Yennu daa ki ban pak nanɔ. Li paak, ki u fiir ki saan Eli boor ki saa yet a, “Faa yiinin na, mine na.” Ki Eli jiin a, “N bik, n ki yiina. Ii ŋmat ki saa dɔɔr.”