Jɔɔnn 17:15 - Yennu Gbouŋ Mɔɔr

¹⁵ N ki meia maa a nyinnib tingbouŋ na ni kaa, ŋaan n meia maa fii baak bi paake fanu, ki bonbiiuk daanɔ Sintaanii daa baat ki biiribi.

Yennu Gbounpaauŋ Mɔɔr

¹⁵ N ki meia ma a nyinnib tingbouŋ na ni kaa, ŋaan n meia ma i baak bi paake fanu, ki bonbiiuk daanɔ Sintaanii daa baat ki biiribi.

Jɔɔnn 17:15 ပူးပေါင်းရင်းမြစ်များ

Pinpiik 48:16

Malaka nba nyinnin ninbɔŋ kur ni, teent piisin waas na paak, ki ŋaan n sann nan n baanba Abraham nan Aisak sana-ii be waas na paak, ki ŋaan bii mɔk waas nan yaaboona bonchiann.”

1 Barkperii 4:10

Ki Jabes miar ŋamm Israel teeb Yennu, ki yet a, “Yennu, teent piisin n paak, ki te n yent-ii yab; ŋaant ki a nuu-ii paa n paak, kii guun, ki bonbiir daa baatin, ki mii fɔk nan tont.” Ki Yennu gat turɔ linba ki u miar na.

Yaŋ 121:7

Yennu saa nyinna ninbɔŋ kura ni; u saa dia-a nan laafia.

Yaŋ 30:9

“Mi-i kpo, nyɔlante ki a saa la? N kaauk ni siku nyɔɔt sii tee bee? Kpeemm fit piak ki dontir a sanni-i? Bi saa fit mɔɔnt a barmɔnii ŋant nba teewa-a?

Banntɔɔ 9:10

Linba kur ki a tuun, a tun nan ninmɔnn, kimaan toonsiar tan sii kaa, koo bannu tan sii kaa, koo yanfoon tan sii kaa kpeentiŋ, siaminba ki a saa na.

Aisaya 57:1

Niŋamm kpenn, ki sɔɔ ki bant li paak, koo ki fiin li po. Ŋaan bi-i kpo, biiru kan paanib daŋi.

Matiu 5:37

ŋaan ŋaant man ki i jiinu-ii tee, ‘Nn,’ koo ‘Aaii.’ Li-i tee ki a yet siar ki pukin linba na paak, li ji nyii Sintaanii boore.

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

Barŋanii nba ki LUK din sɔb nae na 11:4

Nyikin chab ti biit nan taa mun nyikit ki chabit binba tuumit biit biaŋinba na. A daa te ki ti kɔɔ jinjammii ni.”

Barŋanii nba ki LUK din sɔb nae na 22:32

Ŋaan fin Simonn, mine miar Yennu a paak, maa a yada daa baa; ki yoo nba ki a ji jen n boor ni, a tot a naa waas.”

Galasia teeb 1:4

Yiisa Masia-e din sak ti Baa Yennu loomm ki kpo ti biit paak a wun fatit tingbouŋ na biit daabisin ni.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki saa turi paŋ, kii guui, ki biitdaanɔ Sintaanii kan fit teeni siari.

2 Timoti 4:8

Li paak, nyɔɔt nba tee yentinu nyɔɔt dɔɔ guun sanpaapo; ki ti Yomdaanɔ, wunba bu niib buut nan barmɔnii na tan saa turin nyɔɔt maŋ, buut daar. U tan kan tur min kuukɔɔ kaa, ŋaan u tan saa tur binba kur mun loon wun jen nae.

1 Jɔɔnn 5:18

Ki ti mi nan damm nba tee Yennu yab, bi ki tuun biiti, kimaan Yennu Bija Yiisa guub, ki bonbiiuk daanɔ Sintaanii kan fit teemm siari.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu nie.