Jɔɔnn 17:11 - Yennu Gbouŋ Mɔɔr

¹¹ Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa saa biar tingbouŋ na niwa. Tɔn, n Baa, Popeendaanɔ, i diab fanu a sann ni, sann nba ki a din purin na, ki bin taan yomm nan min nan fin nba tee yomm na.

Yennu Gbounpaauŋ Mɔɔr

¹¹ Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa sa biar tingbouŋ na niwa. Tɔn, n Baa, Popeendaanɔ na, i diab fanu nan a sann ni, sann nba ki a din purin na, a bin fit lian taan yomm kaman nan min nan fin nba kpan tee yomm na.

Jɔɔnn 17:11 ပူးပေါင်းရင်းမြစ်များ

Yaŋ 79:9

Yennu, a sommit, ki tinnit. A fatit ki nyik chab ti yanbɔmm, kimaan a mɔŋ sanŋann paak.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 27:3

“N goriir fanu ki maantir nyun yoo kur. N guure yonnu nan nyiɔk, a sɔɔ daa paar daŋ.

Aisaya 64:2

Bi bo sii jekir nan nyun nba tuu yaak muu paak ki daan nae. Baat ki tan fiit a yiikoo ki wann a datai, ki te digbana n jekir a numm ni.

Jeremaya 14:21

Tiat a mɔsonn na po, ki daa yêenti. A daa baat nan fei Jerusalem nba ki a naangbouŋ be na paaki. A daa porii mɔlor nba ki a lor nant na.

Jeremaya 14:7

N niib bui ki fabin turin a, ‘Yennu, ti para ni beerit nan ti biira, ŋaan a sommit nan faa senn mɔsonn na. Ti nyika ki li wei bonchiann, ti tun biirawa.

Esekiel 20:22

Ŋaan n ki boontib. Li-i tee ki n tun nna, li saa biir n sann, digbana niib nba lan ki n nyinn Israel teeb maŋ Ijipt tiŋ ni na boora.

Esekiel 20:44

Ki mi-i taŋi tun siar a lin tur n sann baakir, yimm Israel teeb saa bann nan mine tee Yennu, kimaan n kan dat i tuba nan i tonu nan toonbiit nba jaŋ biaŋinba kaa. Min Yabint Yennu-e pak na.”

Esekiel 20:9

Ŋaan n ki boontib. Li-i tee ki n tun nna, bi saa yiinin faak daanɔe, kimaan n dɔŋ sat mɔb sɔɔ kur numm ni, nan n saa fatib ki nyinnib Ijipt-a.

Matiu 10:16

“Gotir man, n tuumie, ki i sii tee nan pei nba be kinkata sinsuuk ni na. Ii sub man nan wai na, ŋaan kii be soon nna nan ŋmana na.

Matiu 5:48

Li paak, ii be man fanu nan i Baa Yennu nba be sanpaapo na.

Matiu 6:9

Yaa sii mei Yennu biaŋinbae na: ‘Ti Baa Yennu nba be sanpaapo, ŋaant ki a sann n la baakir;

Jɔɔnn 13:1

Yoo nba ki yukitgar tiaru jaamm daa ki piin na, ŋaan ki Yiisa mi nan u yoo baara, ki u saa nyi tingbouŋ na ni, ki ŋmat u Baa peŋ. U din loon u tiɔŋ poorpoweiteeb nba be tingbouŋ na ni na, ki ji yaa wun wannib biaŋinba ki u mantik loomm.

Jɔɔnn 13:3

Ŋaan Yiisa ŋarin din mi nan u Baa Yennu teen bont kur ŋɔɔ Yiisa nuu niwa, ki bia mi nan u nyii u Baa Yennu boore, ki saa ŋmat u peŋa.

Jɔɔnn 14:20

Ki bia jenna, mi-i taŋi jen n manfoor ni yoo nba, i saa bann nan n be n Baa Yennu nie, ki i mun bia be n ni, ki n mun be i ni.

Jɔɔnn 16:28

N din nyii n Baa maŋ peŋe ki baar tingbouŋ na ni, ki mɔtana n ji nyikit tingbouŋ maŋe na, ŋaan ŋmat u peŋ.”

Jɔɔnn 16:33

N beti biak na baaru po a yin tan fit la parmaasire, kimaan yaa gaa n paak na. I tan saa di biak tingbouŋ na ni. Ŋaan yii mɔk parcheenn man, kimaan n nyann tingbouŋ nawa.”

Jɔɔnn 17:23

N be bi ni, ki a mun be n ni, a bin fit lian taan mɔb chib. Ŋanne saa te ki tingbouŋ na ŋaateeb n bann nan fine tumin, ki bi saa bann nan a loonib nan faa loonin biaŋinba na.

Jɔɔnn 17:25

N Baa, Popeendaanɔ, tingbouŋ na ŋaateeb ŋarin ki miani, ŋaan min ŋarin mia, ki n poorpoweiteeb na mi nan fine tumin nna.

Jɔɔnn 17:6

“Niib nba ki a din gann ki turin na, n te ki bi bannawa. Bi din tee a yabe, ki a jiib ki turin, ki bi mun sak a maama.

Jɔɔnn 7:33

Ŋaan ki Yiisa bet nibur na a, “N sii be nani yoo waaminnae, ki li poorpo ki n ŋmat ki saan wunba tumin na peŋ.

Toona 3:21

ŋaan Yiisa maŋ lek sii be Yendɔuŋ nie, ki Yennu n tan ŋamm bona kura, nan waa din te ki u popeenn sɔkiniinba nba din be yaayoo ni na yet biaŋinba, ki bi mun pak turit na.

Rom Teeb 12:5

Li mun bia tee nnae nan taa yab bonchiann na, ŋaan timm nan Masia lakin tee gbananyennkɔɔe, ki ti kura na gbanant taan ki ji teen gbananyenn.

Rom Teeb 9:17

Li sɔb Yennu gbouŋ ni ki yet bat Faaro a, “Min Yennu dinna naan linba na paake, a n jiia ki wann n paŋ, ki te ki n sann n mɔɔnt lin tingbouŋ na kur po.”

1 Korint teeb 1:10

N naa waas, n barimie ti Yomdaanɔ Yiisa Masia sann ni, a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

Galasia teeb 3:28

Li paak, bɔkitu ji ki be binba tee Juu teeb nan binba ki tee Juu teeb sinsuuk ni, li bia ki be binba tee daaba nan yent-n-mɔŋ damm sinsuuk ni, li ki be poob nan jab sinsuuk ni; yaa be Yiisa Masia ni na paake ki i kura taan tee yenɔkɔɔ.

Efesus teeb 4:4

Masiaweira tee gbananyenne, ki Yennu Seyeeŋ yenɔkɔɔe be, ki Yennu tinni ki turi dindann yennkɔɔ. Yomdaan-yenɔkɔɔe be, ki ti taan ki teenɔ yada, ki Yennu nyunwuru mun tee yennkɔɔ.

Filipi teeb 2:9

Linba na paake ki Yennu donnɔ ki gar sɔɔ kur, ki turɔ sann nba tee sanjaann ki gar sana kur,

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Hiibru teeb 9:24

Nisaarik nba din ŋamm boor nba tee kasii ki nannir nan Yendɔuŋ ni bont nba tee li barmɔnii na, Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn, ti paak na.

Jeems 4:4

I nyik Yennu-wa, ki waa bonliae. Li-i tee ki i tee tingbouŋ na yɔɔsnbaie, i tee Yennu dataie. I ki mi nna-a? Wunba loon wuu tee tingbouŋ na yɔɔk, li yɔɔ teen u mɔŋ Yennu dataake.

1 Piita 1:5

ki guu yimm nba ki Yennu paŋ dia-i, i yada paak, a yin la i tinnu nyɔɔt nba teen siir ki saa nyi paanu, dajoontii na.

1 Jɔɔnn 3:12

Li ki ŋan ki tii be nan Keenn nba din be biaŋinba na; ŋɔɔ din tee bonbiiuk daanɔ Sintaanii yɔɔe, ki kpii u waarɔ. Bee paake ki u din kpiiu? Kimaan u waarɔ toona din ŋan, ŋaan ki u yar bi.

1 Jɔɔnn 5:19

Ki ti bia mi nan timm Masiaweira tee Yennu yabe, ŋaan tingbouŋ na ŋaateeb kur nba ki tee Masiaweira na be Sintaanii nuu nie.

Juud 1:1

Min Juud nba tee Yiisa Masia toontunnɔ, ki bia tee Jeems naa bik nae sɔbin gbouŋ na, ki teen niib nba ki ti Baa Yennu gannib ki loonib, ki Yiisa Masia guub na.

Juud 1:24

Yennu saa fit guui ki i daa baa, ki saa baar nani u tɔɔnn, yentsaakar ni, ki i ki mɔk biit, ki i sii mɔk parpeenn bonchiann;

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”

Fiitu 19:12

Ki u ninbina naan mupeenu, ki u yir naanfokirii ki li yaba u yur paak, ki sann sɔb u paak, ki sɔɔ ki mi sann maŋ paak see u kuukɔɔ.

Fiitu 4:8

Ki bonfoa banna na kur mɔk kpinkpant ŋanloob-loob, ki bia mɔk ninbina bonchiann bi gbanant kur po. Ki yonnu nan nyiɔk kur bi ki nyikit yanii yinu. Bi yiin a, “Kasii, kasii kasiie tee ti Yomdaanɔ Yennu, wunba mɔk paŋ kura, ki din be, ki bia daa be, ki bia tan sii be mɔkmɔk nan mɔkmɔk.”