Jɔɔnn 16:19 - Yennu Gbouŋ Mɔɔr

¹⁹ Ki Yiisa bann nan bi yaa bin boiɔ buboite. Li paake ki u boib a, “Maa yaa li-i yann waaminna, i kan lami, ki bia yaa li-i bia yann waaminna, i saa lama na, i boi i leeb a yin bann li paake-e?

Yennu Gbounpaauŋ Mɔɔr

¹⁹ Ki Yisa bann nan bi yaa bin boiɔ buboite. Li paake te ki u boib a “Ma yaa a li-i yann waaminna i kan lami, ki bia yaa a li-i bia yann waaminna i sa lama na, i boi i leebe a i bann li paakii?

Jɔɔnn 16:19 ပူးပေါင်းရင်းမြစ်များ

Matiu 6:8

I daa tee nan ŋamm na, kimaan i Baa Yennu poŋ mi linba ki i loon ki i daa ki miarɔ.

Matiu 9:4

Yiisa ŋarin din bann bi dudukit maŋa, ki boib a “Bee teen ki i dukii dudukbiit na i para ni?

Barŋanii nba ki MAK din sɔb nae na 9:32

Ki u poorpoweiteeb maŋ ki bann barii maŋ paaki, ŋaan bia tiin jaŋmaanii nan bin boiɔ.

Jɔɔnn 13:33

“N waas, n ji kan yukir nani bonchianni. I tan saa lomin, ŋaan kan lami, nan maa bet Juu teeb yudamm biaŋinba na, n bia beeri ŋanne na, a i kan fit baar siaminba ki n saa na.

Jɔɔnn 14:19

Ki li-i yann waaminna, tingbouŋ na ŋaateeb ji kan lami, ŋaan yimm ŋarin bia saa lama. Tɔn, maa saa jen n manfoor ni na, i mun tan saa jen i manfoa niwa.

Jɔɔnn 16:16

“Li-i yann waaminna, i ji kan lami, ŋaan li-i biaki yann waaminna, i saa lama.”

Jɔɔnn 16:18

‘Li-i yann waaminna’ paak tee bee? Ti ki bann waa piak linba na paaki.”

Jɔɔnn 16:23

“Li yoo-i taŋi baar, i tan kan boin buboiti. Barmɔniie ki n beeri na, linba kur ki i miar n Baa Yennu n sann ni, u saa turiwa.

Jɔɔnn 16:26

Li yoo-i taŋi baar, i tuu saa miarɔ n sann ni. Li bia tan kan kpaa talas nan ki n gaar i paak ki miarɔ ki turini,

Jɔɔnn 16:30

Mɔtana ti ji bann nan a mi bonsiar kur, ki poŋ bia mi ti buboit ŋaan ki ti daa ki boia. Li paake ki ti teen yada nan a nyii Yennu peŋe.”

Jɔɔnn 21:17

Ki taar muntaa ni ki Yiisa boiɔ a, “Simonn, fin Jɔɔnn bija, a loonimi-i?” Ki Piita par ji biir, kimaan Yiisa nba boiɔ taar muntaa a, “A loonimi-i?” na. Ki u yetɔ a, “N Yomdaanɔ, a mi bonsiar kur. A mi nan n loona.” Ki Yiisa betɔ a, “Ii dint n pei.

Jɔɔnn 6:61

Sɔɔ din ki wann Yiisa ŋarimi, ŋaan u din bann nan u poorpoweiteeb na mɔk bunburimii u wannu maŋ paak. Ki u boib a, “Maan nae te ki i birisimi-i?

Jɔɔnn 7:33

Ŋaan ki Yiisa bet nibur na a, “N sii be nani yoo waaminnae, ki li poorpo ki n ŋmat ki saan wunba tumin na peŋ.

Hiibru teeb 4:13

Bont kur dɔɔ yeenin nie, ki Yennu nba tan saa bu bi buut na ninbina laatir; ki siar kaa ki bɔri.

Fiitu 2:23

ki kpi u weira na kur; ki n weira na saa bann nan mine tee wunba mi niib dudukit nan bi loomm nba tee biaŋinba, ki saa tur sɔɔ kur u toona nyɔɔt nba tee biaŋinba.