Jɔɔnn 15:11 - Yennu Gbouŋ Mɔɔr

¹¹ “N pak na ki turi a n parpeenn na boorue-ii be i ni, ki yin gbee nan parpeenn.

Yennu Gbounpaauŋ Mɔɔr

¹¹ “N pak na ki turi a n parpeenn na boorue mantik-ii be i ni, ki saa yakir.

Jɔɔnn 15:11 ပူးပေါင်းရင်းမြစ်များ

Aisaya 53:11

U biak dinu poor po ki u saa la parmaasir, ki bann nan u ki dii biak yann kaa. N toontunmɔnɔ nba ki n par mei u paak na saa gaar nisaarii bonchiann tubdatu, ki u paak n saa nyik chabib.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Jeremaya 32:41

Li sii manin nan mii tuun toonŋana kii teemm, ki n saa kaanib fanu, tiŋ na ni.

Jeremaya 33:9

Jerusalem sii tee kpinkpammuk nan baakir nan yugontir boore ki turin, ki durinya ŋaak na digbann kur yan saa put, bi-i gbat bonŋana nba ki n tun ki tur Jerusalem teeb, nan maa baar nan nyɔɔt nba ki tur doo maŋ na po.”

Sefania 3:17

I Yomdaanɔ Yennu be nani; u yiikooe teeni nyannu. U par sii peen i paak, ki u saa turi manfopaann, u lomm ni. U sii yiin yanii ki mɔk kpinkpammuk i paak.

Barŋanii nba ki LUK din sɔb nae na 15:23

ŋaan kii saa man ki saa soor naajakpammir na ki kpiu ki tin teen jaamm.

Barŋanii nba ki LUK din sɔb nae na 15:32

Li ŋan nan tin teen jaamm kii mɔk parpeenn, kimaan n tuu mi a a waarɔ na kpoe, ŋaan ki u be; ki bia mi a u bote, ŋaan ki u tan jenna.’ ”

Barŋanii nba ki LUK din sɔb nae na 15:5

Wuu lau yoo nba, ki u ji mɔk parpeenn. Li yoo wun jiiu ki bukɔ bɔpiat paak,

Barŋanii nba ki LUK din sɔb nae na 15:9

Wuu jiki lar yoo nba, wun yiin u yɔɔsnba nan ŋakpiasnba ki lakimm ki yet a ‘Ii mɔk parpeenn man, kimaan n laa n likbinn nawa.’ ”

Jɔɔnn 16:24

Ŋaan nan mɔtana, i daa ki mi miarɔ bonsiar n sann ni. Ii miarɔ, ki i saa la, ki gbee nan parpeenn.

Jɔɔnn 16:33

N beti biak na baaru po a yin tan fit la parmaasire, kimaan yaa gaa n paak na. I tan saa di biak tingbouŋ na ni. Ŋaan yii mɔk parcheenn man, kimaan n nyann tingbouŋ nawa.”

Jɔɔnn 17:13

Ki mɔtana n baat a peŋe; ki maa daa be tingbouŋ na ni na, n piak linba nae ki teemm, a bi para n gbee nan parpeenn nba ki n mɔk na.

Jɔɔnn 3:29

Poosɔrɔe tee wunba yen pooyookir. Wunba tee poosɔrɔ na yɔɔk, ki be u boor ki gbiin na, ŋɔɔe mɔk parpeenn, yoo nba ki u gbat poosɔrɔ na kunkɔr. Nnae ki n mun set mɔk parpeenn bonchiann Masia paak.

Rom Teeb 15:13

Yennu nba turit dindann na, yaa teenɔ yada na paak, u saa turi parmaasir nan parpeenn bonchiann, ki ŋɔɔ Yennu Seyeeŋ paŋ saa te ki i dindann na n ŋamm yabit.

2 Korint teeb 1:24

Ti kan fit mukisi ki wanni yaa saa teen yada biaŋinba, kimaan ti mi nan i mɔk yada ki see fanu, ŋaan ti tuun nani a tii wanti yaa saa teen biaŋinba kii mɔk parpeenne.

Efesus teeb 5:18

Ii daa nyu daan ki yibi; ŋann saa biirie, ŋaan ii yabir i mɔŋ paak kii gbee nan Yennu Seyeeŋ.

Filipi teeb 1:25

N mi nan ŋanne ŋan ki birsuk kaa, li paake ki n mi nan n sii be-e. N sii be i kura boor, ki i sii mɔk parpeenn ki i yada n chee,

1 Tesalonika teeb 5:16

Ii mɔk parpeenn yoo kur man,

1 Piita 1:8

I ki mi lau ŋaan loonɔ; i bia ki laatɔ mɔtana, ŋaan teenɔ yada, ki mɔk parpeenn bonchiann nba ki nirɔ kan fit wann laa tee biaŋinba.

1 Jɔɔnn 1:4

ki ti loon ki ti kur n ŋamm la parpeenn bonchiann. Li paake teen ki n sɔbin teeni na.

2 Jɔɔnn 1:12

N mɔk mɔbona bonchiann ki loon ki n bo turi, ŋaan n ki loon ki n sɔb gbouŋ ni kaa ki turini. N mɔk dindann nan n saa baar ki gɔni, ki tin pak nan leeb, ki li-i tun nna, li saa maŋit bonchiann.