Jɔɔnn 11:19 - Yennu Gbouŋ Mɔɔr

¹⁹ Li paak teen ki Juu teeb bonchiann din baar Maata nan Meeri peŋ, a bin maan bi para, kimaan bi naa bik na kuun paak.

Yennu Gbounpaauŋ Mɔɔr

¹⁹ Li paak din teen ki Juu teeb bonchiann din baar Maata nan Mari peŋ, a bin maan bi para, kimaan bi ninja na kuun paak.

Jɔɔnn 11:19 ပူးပေါင်းရင်းမြစ်များ

Pinpiik 37:35

Ki u bonjai nan bonpoi kur baar ki tan barimɔ, ki u yêt baruŋ na, ŋaan yetib a, “N tan saa sik ki baar kpeentiŋ, ŋaan bia daa mɔ ki fabin n bik na paak.” Ki u bia ŋammit mɔ ki fabin u bik Joosef paak.

2 Samuel 10:2

Defid din dukin a, “N saa ŋamm wann n naasinyɔɔsire ki tur Hanunn, nan u baa Nahas nba din tun biaŋinba ki turin na.” Tɔn, ki Defid tun toomii a bin saan Hanunn boor ki saa foontɔ u baa kufoontii. Defid tontii nba baar Amonn teeb tiŋ ni yoo nba,

1 Barkperii 10:12

ki bi pardamm fiir saan, ki saa jii Sɔɔl nan u bonjai gbanant, ki baar nann Jabes, ki piib naantiik nyakir, ŋaan lor mɔi daa ŋanlore.

JOB labaar 2:11

Job naasinyɔɔsnba bantaa na din tee Elifas, ki u nyii Temann doo ni, nan Bildad, ki u nyii Sua tiŋ ni, nan Sofar, ki u nyii Naama tiŋ ni. Baa gbat nan Job yiar na, ki bi lor a bin saan ki maan u par.

JOB labaar 42:11

Ki Job ninjamm nan u niipoob nan u yɔkperii na kur baar a bin gɔnɔ, ki tan dii jaamm u ŋaak ni. Bi din wann bi ninbatinu, ki maan u par nan daamii nba kur ki Yennu teenɔ na. Ki sɔɔ kur turɔ likirii nan salima baŋ.

Banntɔɔ 7:2

Li ŋan ki fan saan siaminba ki bi mɔ kpemɔnii ki chee fan saan siaminba ki bi di jaamm, li ŋan nisaarii n tuu tiar bi mɔŋ nan kuun guu ti kurawa.

Aisaya 51:19

Biak munlee baarawa, tɔb biir a tiŋa, ki a niib tun kon. Sɔɔ kaa ki saa tina ninbaauk.

Fabinii 1:16

“Li paake teen ki n ninbina luun ninnyuut yoo kur. Sɔɔ kaa ki saa fit maan n pari. Sɔɔ kaa ki saa fit chee n par. N datai nyannima; n niib na ji ki biar nan siari.

Fabinii 1:2

U tuu bui nyɔtunmunn, ki ninnyuut lɔ siik u kpianii ni, ki u yɔkperii na kur, sɔɔ ki biar ki saa maan u pari. Ki u tɔknanleeb na kur gbii u paak, ki ji tee u datai.

Fabinii 1:21

“Gbiintir n kukura, sɔɔ ki be ki saa maan n pari. N datai na kpamme, kimaan faa te biiru baarin na paak. A tun linba ki a sat mɔb na, ki te n datai na n di biak nan maa dii biaŋinba na.

Fabinii 1:9

U jakint toona na nyɔɔn paanu nie, ŋaan ki u baka kaa nan biiru nba saa baarɔ na po. U baak na yab, ki sɔɔ kaa ki saa fit maan u par. U datai na nyannɔwa, ki u bui fabin ki tur Yennu a wun tinɔ ninbaauk.

Fabinii 2:13

Jerusalem, n mantik loona, n saa pak a bee? Nlee ki n saa maan a pari? Sɔɔ daa ki ban dii biak nan linba na na. A biiru na yab, ki tee nan mɔkgbeŋir nba yab biaŋinba nae. Ki siara dindann ji ki be.

Barŋanii nba ki LUK din sɔb nae na 10:39

U din mɔk u niipowaarik, ki u sann tee Meeri; ki Meeri maŋ baar ki tan kar tiŋ ni, ki nakin Yiisa taa po ki gbiintir u maan.

Barŋanii nba ki LUK din sɔb nae na 10:42

ŋaan bonyennkɔɔe kpaa talas. Meeri ŋarin gann linba ŋane, ki sɔɔ kan nyinnir u ni.”

Jɔɔnn 1:19

Tɔn, Juu teeb yudamm nba din be Jerusalem na tun mannteeb yudamm nan Liifai teeb Jɔɔnn boor, a bin boiɔ a, “A tee ŋmee?”

Jɔɔnn 11:1

Tɔn, jasɔɔ din be Betani, ki u sann tee Lasarus, ki din tan yiar. Betani din tee Meeri nan u yɔɔrɔ Maata dooe.

Jɔɔnn 11:31

Ki Juu teeb nba be nan Meeri ŋaak ni ki maant u par na nba la ki u nyii yian na, ki bi mun wei nyii, kimaan bi mi a u saa kaauk boore a wun saa bui kpemɔnii.

Jɔɔnn 11:33

Ki Yiisa la ki u mɔ, ki Juu teeb nba weiɔ ki baar na mun mɔ, ki ninbaauk soor ŋɔɔ Yiisa bonchiann, ki li daamiiɔ.

Jɔɔnn 11:36

Ki Juu teeb na yet a, “Gotir man waa jia loon Lasarus biaŋinba.”

Jɔɔnn 11:45

Juu teeb bonchiann nba din baar a bin maan Meeri par na nba la linba ki Yiisa tun na, ki bi teenɔ yada.

Jɔɔnn 11:8

Ki bi yetɔ a, “Wanntɔɔ, daa ŋanlelee nae ki Juu teeb yudamm na daan yaa bin jaata tana, ŋaan ki a bia yaa ti ŋmat leŋi-i?”

Rom Teeb 12:15

Nirɔ-i mɔk parpeenn, yii mun-ii mɔk parpeenn nanɔ; ki wunba mɔk parbiir, yii mun-ii mɔk parbiir nanɔ.

2 Korint teeb 1:4

Ŋɔɔe maant ti para ti biak kur ni, a tin mun fit maan binba be biak booru booru ni na para, nan Yennu nba maan ti para biaŋinba na.

1 Tesalonika teeb 4:18

Li paak, ii dia mɔmaan na kii maant i leeb para.

1 Tesalonika teeb 5:11

Li paak, ii kɔɔnt i leeb para kii sommit i leeb nan yaa poŋ tuun biaŋinba mɔtana na.

1 Samuel 31:13

ki jii bi kpaba ki pii naantiik nyakir, ki li see doo na ni, ŋaan lor mɔi daaŋanlore.