Jɔɔnn 10:29 - Yennu Gbouŋ Mɔɔr

²⁹ N Baa nba jiib ki teen n nuu ni na, ŋɔɔe gar sɔɔ kur. Li paak ki sɔɔ kan fit fatib n Baa maŋ nuu ni.

Yennu Gbounpaauŋ Mɔɔr

²⁹ N Baa nba jiib ki teemm n nuu ni na, ŋɔɔe chee gar sɔɔ kur. Li paak teen ki sɔɔ kan fit fatib n Baa maŋ nuu ni.

Jɔɔnn 10:29 ပူးပေါင်းရင်းမြစ်များ

Yaŋ 145:3

Yennu tee Yenjaanne, li ŋan ki tin donnɔ sanpaapo. U yabint na gar nisaarik bannuwa.

Nyinu 18:11

Mɔtana, n mi nan Yennu-e tee Yenjaann ki gar yennii nba kur be, kimaan u tun linba na, yoo nba ki Ijipt teeb dia Israel teeb nan nɔɔntont nae.”

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Malakai 1:14

Mɔtont be daansɔɔ nba senn mɔsonn a wun tur min Yennu pejak nba ŋan, ŋaan ji tan lebit ki jii wunba mɔk daŋ ki mann maruŋ ki turin na paak. Kimaan n tee kpanbarjaanne, ki nibooru kur teenin baakir bonchiann.”

Jɔɔnn 10:28

ki n teemm manfoa nba kaa gbennu, ki bi kan mi kpo, ki sɔɔ bia kaa ki saa fit fatib n nuu ni.

Jɔɔnn 10:30

Min nan n Baa maŋ tee yomme.”

Jɔɔnn 14:28

I poŋ gbat ki n yeti a ‘N nyikitie, ŋaan n bia saa jen i boor niwa.’ I-i set kii loonimie, i sii mɔk parpeenn nan maa saa n Baa Yennu boor na, kimaan u cheen.

Jɔɔnn 17:11

Ki mɔtana n ji baat a boor nie na; n ji kii be tingbouŋ na ni, ŋaan ŋamm ŋarin daa saa biar tingbouŋ na niwa. Tɔn, n Baa, Popeendaanɔ, i diab fanu a sann ni, sann nba ki a din purin na, ki bin taan yomm nan min nan fin nba tee yomm na.

Jɔɔnn 17:2

kimaan fine turin yiikoo niib kur paak, a man fit tur niib kur nba ki a turin maŋ manfoor nba kaa gbennu.

Jɔɔnn 17:6

“Niib nba ki a din gann ki turin na, n te ki bi bannawa. Bi din tee a yabe, ki a jiib ki turin, ki bi mun sak a maama.

Jɔɔnn 17:9

“Tɔn, mɔtana n ji meia bi paake. N ki meia tingbouŋ na niib kur paak kaa, ŋaan n meia binba ki a turin na paake, kimaan bi tee a yabe.

Jɔɔnn 6:37

Ŋaan wunba kur ki n Baa Yennu jiiu ki turin, u saa baar n boor ki teenin yadawa. N kan mi yêt wunba baar n boori,