Jeremaya 10:9 - Yennu Gbouŋ Mɔɔr

⁹ Bi nyii nan salimpeena Speenn tiŋ nie, ki nyii nan salimmɔna Ufas tiŋ ni, ki saauk damm tan taan bi pata maŋ ki pɔrir. Linba na kur tee bonninnant damm toonae. Bi lannib taŋant nba ki taluura luue.

Jeremaya 10:9 ပူးပေါင်းရင်းမြစ်များ

1 Kpanbara 10:22

U din mɔk ŋarint, ki u ŋarint nan bat Hiram ŋarint lakin tuun. Ki bina ŋantaa kur ŋarint na din tuu jen nan salimmɔna nan salimpeena nan loobnyana nan kpataa nan waaniie.

2 Barkperii 9:21

Kpanbar Solomonn ŋaruŋ nan kpanbar Hiram ŋaruŋ din lakin tuune ki saa banfɔka. Bina ŋantaa kur, ki bi jent nan salimmɔna, nan salimpeena, nan loobnyana, nan kpataa, nan waanii.

Yaŋ 115:4

Digbana na yenbis na ŋarin, bi jii salimmɔna nan salimpeenae ki namm, niibe jii bi nii ki namm.

Yaŋ 72:10

Ki Speenn kpanbara nan binba kɔɔ tinii nba be mɔkgbeŋa sinsuuk ni na saa jiantɔ; ki Sieba nan Seba kpanbara saa baar nan piinii;

Aisaya 23:6

Ii kurii nan yanyêtuk man, yimm Fonisia teeb. Yabit ki chiar saan Speenn tiŋ ni.

Aisaya 40:19

U ki tee nan yenbik nba ki toontunna maa na kaa, u ki tee nan yenbik nba ki saauk damm jii salimmɔna ki pɔr, ki sennir salimpeenboota ni na kaa.

Esekiel 27:12

“Ki a saa Speenn ki kpentir kpinkpouŋ, ki dia salimpeena nan kut booru ŋantaa, ki pa tiat bonchiann nba ki a gaan na paak,

Esekiel 27:7

Ki binba ŋamii na jii chabŋann Ijipt, ki teen jinjɔŋ a fii fit kii somm nann, nyun paak, ki lin te sɔɔ kur-ii laat. Ki bi nyii nan chinchenbɔnwuwur nan chinchenmɔnwuwur Saiprus ki jɔnnir, a lin tur maasu.

Daniel 10:5

ki gokit got ki la nirɔ, ki u lia liatpeennyinyir, ki boob salima gbanŋann.

Hosea 8:6

Israel saauk daanɔe kur tingbann maŋ, li ki ban tee Yenmɔnu nan waama. Salima naajabik nba ki bi jiantirir Samaria na, bi saa yeerire burii burii.

Jona 1:3

Ŋaan Jona din chiar gaar gann poe, a wun bɔr ki Yennu daa laatɔ, ki saan digbansiar ki bi yir Jɔpa, ki saa la ŋaruŋ ki li saa doo nba sann tee Speenn na. Waa din la ŋaruŋ maŋ, ki u pa kɔɔnu likirii ŋaan kɔɔ, ki dukii wun saan Speenn ki saa bɔr.

Habakuk 2:19

I boonta. I piak nan daauk a, “Fiit kar,” ki bia yeen nan tankɔrit a, “Fiit set.” Tingbann saa fit fiit siar ki turiwa-a? Li-i lekii pɔr salimpeena nan salimmɔna, ŋaan manfoor kaa li ni.