Hosea 9:7 - Yennu Gbouŋ Mɔɔr

⁷ Tubdatu yoo jaŋa, ki tee yoo nba ki i saa gaar linba jaŋi. Ki li-i taŋi tun nna, i saa bannir. Yimm niib na yaa, “Sɔkinii na tee jatuko, ki tee waatɔ.” I namin bonchiann, kimaan i toonbiit yabita.

Hosea 9:7 ပူးပေါင်းရင်းမြစ်များ

2 Kpanbara 9:11

Jehu din ŋmat u saakaleeb na boor; ki bi boiɔ a, “Labaarii? Waatɔ maŋ yaa bee a boori?” Ki Jehu jiin a, “I mi waa loon linba.”

Aisaya 10:3

I tan saa teen nlee, yoo nba ki Yennu daar i tuba na? I tan saa teen nlee, yoo nba ki u saa jii digbanbanfɔkir niib ki bin baar nan daamii i paak na? I tan saa chiar saan lia nie ki la sommiri? I tan saa bɔr i mɔkint lia nie?

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Aisaya 34:8

Yoo nba nae ki Yennu saa fat Sayɔnn doo, ki kɔn nan li datai.

Aisaya 44:25

N nyint ninnyɔɔn damm nae paanu, ki ŋmat binba cheŋ ŋmaabira na buntaa. N tuu tunn yandamm bannu nae, ki wann nan bi subinii na tee jatiie.

Jeremaya 10:15

Bi ki mɔk nyɔɔt, ki tee bin yisimme. Yennu-i baar bi paak nan wutoor yoo nba, u saa biiriba.

Jeremaya 11:23

N senn yooe ki saa baar nan biak Anatof niib paak. Li yoo-i baar, nan bi yenɔkɔɔwa kan tinni.”

Jeremaya 16:18

N saa te bin pa bi biit, nan bi tonu toona paak taar munlee-e, kimaan bi biir n tiŋ nan bi pata nba ki manfoor kaa bi ni, nan nirɔ nba tuu kpo ki manfoor kaa u gbanant ni nae, ki gbeen n tiŋ na nan tingbana.”

Jeremaya 23:13

N la Samaria sɔkiniinba toonbiita. Bi piak tingbann Baal sann nie ki turin n niib.

Jeremaya 25:14

N saa pa jiin Babilonn teeb linba ki bi tun na paak, ki bi sii tee yommii ki tur digbana bonchiann nan kpanbarjaana.’ ”

Jeremaya 29:26

“Yennu teena manntɔɔ ki senna Jehoyada taar ni, ki mɔtana fine ji tee Yenjiantu ŋasaakak na ni yudaanɔ. Li tee a toonne ki fan te bin soor waatɔ nba kur pur u mɔŋ Yennu sɔkinii, ki baanɔ jaruk, ki jii kut kantu ki lann u turu ni.

Jeremaya 46:21

U jab nba ki u jɔɔmm na gbar nan naabis nae. Bi ki set ki kɔni, bi kur ŋmat chiare. Bi biiru daar baara, bi boontu yoo baara.

Jeremaya 6:14

Bi tee nan n niib danii na tee sankpanpui nae, ki yeen a, ‘Li kur ŋan,’ ŋaan ki li ki ŋani.

Jeremaya 8:11

Bi tee nan n niib danii na tee sankpanpui nae ki yeen a, ‘Li kur ŋan,’ ŋaan ki li ki ŋani.

Fabinii 2:14

A sɔkiniinba na ji ki mɔk siar ki saa beta, see bin faar faak kuukɔɔ. Bi mɔmaan na kpannae, bi ki pak fiit a toonbiit na. Bi te ki a ki mi nan li kpaa talas nan fin lebit a binbeŋi.

Esekiel 13:10

“Sɔkiniinba na kpann n niib ki yeen a parmaasir be, ŋaan ki parmaasir kaa. Sɔkiniinba maŋ tee nan tanmaara nba tuu maa joonkpeeuŋ, ŋaan ki siab n jii pent peeuŋ ki pentir nae.

Esekiel 13:3

“Linba nae ki min Yabint Yennu yeen. Jatit nba tee faak sɔkiniinba na boonta. Bi ki laat yirintu, bi piak bi tiɔŋ mɔmaame.

Esekiel 25:17

N saa donn wutoor ki dat bi tuba fanu, ki bi saa la n wutoor nba tee biaŋinba, ki bann nan mine tee Yennu.”

Esekiel 38:23

N saa tun nna bannue, ki wann digbana na kur nan n mɔk paŋ, ki bia tee kasii, ki bi ji saa bann nan mine tee Yennu.”

Esekiel 9:10

Ŋaan n kan tinib ninbaauku. N saa teenib nan baa tun biaŋinba ki tur leeb nae.”

Hosea 14:1

Israel teeb, jenin man i Yomdaanɔ Yennu boor. I yanbɔmm nae te ki i jarin ki baa.

Hosea 5:9

Tubdatu daar baate, ki Israel tiŋ saa biar dɔɔ yann. Israel teeb, linba set tan saa tume na.

Hosea 8:13

ki mann maruŋ ki teenin, ki bia ŋman maruŋ nant, ŋaan min Yennu par ki mei bi paak. Mɔtana, n ji saa tiar bi toonbiit poe, ki dat bi tuba li paak. N saa te ki bin ŋmat Ijipt-e.

Hosea 9:8

Yennu-e tumin ki n tee sɔkinii, a man kpaan yimm Israel teeb nba tee u niib na, ŋaan siaminba kur ki n saan, ki i koor ki pii barit a lin soorin nan nɔɔŋ na. Yenjiantu ŋasaakak na ni gbaa, i kpant Yennu sɔkiniinba na dataie.

Amos 8:2

Ki Yennu boin a, “Amos, a la bia?” Ki n jiin a, “N la tilɔɔnae be kpanchibuk ni.” Ki Yennu betin a, “N niib Israel teeb yoo gbenna. N ji kan lebit n dudukit nan man dat bi tuba.

Maika 2:11

“Niib na loon sɔkinii boorik nba gbee nan faak, ki lin fa fai ki yeen a, ‘I saa la damuŋ nan dabɔŋ, ki nyu gboo nae.’

Maika 7:4

Ki binba tuu mantik tee niburchimm nan niŋamm bi ni na biir gar mɔmuŋa. Daar baara, ki Yennu saa dat niib tuba, nan waa pak ki tur guuteeb nba tee u sɔkiniinba ki bi wannib biaŋinba na. Mɔtana ki bi ji be ŋmatir ni.

Sefania 3:4

Ki Yennu sɔkiniinba na tee faak nan tondamm, ki mannteeb na kɔɔn Yenjiantu ŋasaakak jakint, ki lebit Yennu sennu na, ki diar baa loon biaŋinba.

Barŋanii nba ki MAK din sɔb nae na 3:21

U ŋaateeb nba din gbat nna, ki bi mi a u waate, ki bi baar a bin soorɔ.

Barŋanii nba ki LUK din sɔb nae na 21:22

kimaan li yoo tan sii tee tubdatu yooe. Linba na kur tan saa teen nan laa sɔb Yennu gbouŋ ni biaŋinba nae.

2 Korint teeb 5:13

Ti-i tee ninkanmaŋit dammiie, Yennu paake ki ti tee nna; ŋaan ti-i munii kii tee ninkanmaŋit dammi, i paake te ki ti ki tee nna.

Fiitu 16:19

Ki dogbeŋir na bɔkit taar muntaa, ki nibooru kur digbana baa, kimaan Yennu-e tiar dogbeŋir Babilonn maŋ niib na biit po, ki u wutogbeŋir nba doo bi paak biaŋinba na, ki u dat bi tuba bonbiir.