Hosea 7:16 - Yennu Gbouŋ Mɔɔr

¹⁶ ki ŋamii lekin numm nanin, ki jiantir tingbann nba ki mɔk yiikoo siar na. Bi tee nan tɔrban-kɔɔuŋ nae, a kan fit teemm yada. Bi saakab na saa kpo jat kuume, kimaan baa piak karinbaanmaan na paak, ki Ijipt teeb saa laab.”

Hosea 7:16 ပူးပေါင်းရင်းမြစ်များ

Yaŋ 12:3

Yennu, a te bin ŋmin bi fai mɔi maŋ. Mubint bi dont-n-mɔŋ mɔi nba yeen a,

Yaŋ 12:4

“Ti tuu jii ti mɔbonae ki la linba ki ti loon. Ti sii piak ti yanbɔɔte, ŋaan sɔɔ kaa ki saa te ki tin ŋmini.”

Yaŋ 12:5

Ŋaan Yennu yeen a, “N saa baar mɔtana, kimaan talas damm di biake, ki binba be mabir ni na kurii nan gbananyekitir. N saa turib yandɔɔnn binbeŋ nba ki bi tuu daan nawa.”

Yaŋ 17:10

Bi ki tiin ninbaauku, ŋaan piak ki dont bi mɔŋ.

Yaŋ 52:2

A lorin a fan biir leeb, ki a mɔb di nan bilepaann na, ki a fa fai,

Yaŋ 57:4

N datai lintima, ki naan nan yanbɔra nba so niib na, ki bi nyana tee nan kpana nan tɔrbann peenii na, ki bi jerima di nan jukbanjai na.

Yaŋ 73:9

ki piak bonbiir ki jiint Yennu nba be yendɔuŋ ni na po, ki dia garuk ki want tingbouŋ na niib baa sii tuun biaŋinba,

Yaŋ 78:37

Bi para din ki yeen nanɔ, bi din ki dia bi mɔlor fanu nanɔ.

Yaŋ 78:57

Bi din tee mɔyêtdamme, ki ki mɔk mɔsaku, nan bi baanba nba din ki mɔk na. Bi din tee nan tɔrbanŋmarima nae.

Aisaya 3:8

Barmɔnii, Jerusalem be biiru ni. Juda tiŋ boontire. Linba kur ki bi piak ki bia tuun na tee biite ki tur Yennu. Bi sukii Yennu tiɔŋo yeenin ni.

Jeremaya 18:18

Ŋanne ki niib na yet a, “Ŋaant man ki tin tun siar ki jiin Jeremaya po. Mannteeb sii yɔɔ be-e ki teenit tumiiu, ki subindamm yɔɔ be ki teenit kpaanii, ki Yennu sɔkiniinba yɔɔ be ki mɔɔntir Yennu maan. Ŋaant ki tin paanɔ maan, ki bia nyik waa piak linba na gbiintu.”

Jeremaya 3:10

Linba na kur poor po, ki Israel niipoo chonchonn nba tee Juda na, kpann nan u jent n boore, ŋaan u nunii ki mɔnii. Min Yennu-e pak na.”

Jeremaya 42:18

“Israel teeb Yomdaanɔ Yennu yeen a, ‘Biaŋinba ki n wutochiɔŋ kpaar mɔɔn Jerusalem teeb paak na, nnae ki n wutochiɔŋ maŋ saa mɔɔn i paak, li-i tee ki i saan Ijipt. Sɔɔ-i la linba ki n tun turi na, li sii mɔkɔ jaŋmaanii, ki niib sii dia-i diayoonn, ki dia i sann ki poor mɔi. I ji kan ban la nna na.’ ”

Esekiel 23:32

Min, Yabint Yennu-e tur a niipoo na nyubitik nba yab, ki bia sumii, ki gbee nan n wutoor. Ki li-i tee ki a nyuu nyubitik maŋ ni, bi saa sarika ki bia sukiia;

Esekiel 36:20

Ki siaminba kur ki bi saan, bi tuu dinn n kasii sann nae fei, kimaan boorganu na tuu yeen a, ‘Yennu niibe na, ŋaan ki u mukisib ki bi nyii u tiŋ ni.’

Daniel 7:25

Ki u saa pak biir Yabint Yennu, ŋaan te Yennu niib n di biak. U saa yabir a wun lebit Yenjiantu sennii nan li jaamm. Ki Yennu niib sii be u paŋ ni bina ŋantaa nan ŋmaarii ŋanloob.

Hosea 11:5

“Baa yêt bin jen n boor na paak, see ki bi ŋmat Ijipt, ki Asiria teeb sii diab.

Hosea 11:7

N niib na lor nan bin yêtime. Bi saa bui sanpaapo, kimaan jikir nba be bi paak na, ŋaan sɔɔ kaa ki saa jikitibi.

Hosea 6:4

Ŋaan Yennu yet a, “Israel teeb nan Juda teeb, n saa teeni nlee? I lomm nba ki i tuu mɔk nanin na bote yiama, nan sanyiɔk ni malin na, li tee nan malin nba tuu kpaar yian daar ni nae.

Hosea 7:13

“Bi boonta, kimaan baa nyikin na paak. Biiru saa baarib, kimaan baa yêtin na paak. N bo loon man tinnibe, ŋaan ki bi fa faak ki teenin.

Hosea 9:3

Yimm Israel teeb na kan biar be Yennu tiŋ na ni, ŋaan i tan saa ŋmat saan Ijipt-e, ki saa saan ki saa di jeet nba tee kɔɔr, Asiria tiŋ ni.

Hosea 9:4

Ki boorganu tiŋ maŋ ni, yimm Israel teeb na ji kan fit jii tilɔɔna daan piinii ki tur Yennu, koo ki baar nan i maruŋ ki turɔ. Ki wunba kur dii jeet na, li saa kɔɔnɔ jakint, ki li sii tee nan jeet nba ki bi di kuŋei na. I tuu saa di a lin gbenn kon kɔɔe; i kan jii jeet maŋ siar ki li tee piinii ki saan nann Yenjiantu ŋasaakak ni.

Hosea 9:6

Ki li-i tee biiru baari, ki i yati, Ijipt teeb nae saa tikir i gbanant ki pii, Memfis doo ni. Ki i mɔkint nba tee salimpeena, nan i ŋei nba tuu be siaminba na, mɔɔt nan jagotuko saa pia leŋ.

Malakai 3:13

Yennu yet a, “I pak bonbiir bonchiann ki jiin n po. Ŋaan i bia tuu boie a, ‘Ti pak bee ki jiin a po?’

Malakai 3:14

I yet a, ‘Yenweiu ki mɔk nyɔɔti. Nyɔlante ki ti saa la, li-i tee ki ti tuun waa wann linba, koo li-i tee ki ti yiab a tin wann Yabint Yennu nan ti mɔk biit nan taa tun linba.

Matiu 12:36

“N beerie, barbuut daar Yennu tan saa bu niib buut nan baa pak baryana kur nba paak,

Barŋanii nba ki LUK din sɔb nae na 8:13

Ki linba mun baa tanpuut paak na naan binba gbat n maan nan parpeenn, ŋaan ki li daa ki sik bi para ni fanu, ki bi tuu teenin yada yoo waaminna, ŋaan yoo nba ki jinjammii baarib, bi tuu yêt n weiue.

Jeems 3:5

Jerinn mun tee bonbik nnae, ŋaan mɔk yaak bonchiann. Gotir, mupunpɔɔrik nnae tuu di fɔgbeŋir.

2 Piita 2:8

Lot, jaŋanɔ maŋ, din be, ki laat bi toonbiit, ki gbia baa piak mɔbonbiit biaŋinba. Baa din tuun toonbiit yoo kur biaŋinba na, li din biir u par bonchiann, kimaan u din tee niŋanɔe.

Fiitu 13:5

Ki Yennu chab muuk ni bonkobuk na yaak ki u piak nan karinbaanii ki sukii ŋɔɔ Yennu. Yennu bia chabɔ yiikoo ki saa dian ŋmaarii piinna nan ŋanlee.