Hosea 4:3 - Yennu Gbouŋ Mɔɔr

³ Linba na saa te ki tiŋ n koor, ki linba kur be li paak saa kpo. Li bonkobit nan li nɔɔnii, nan janii nba be nyun ni, bi kur saa kpo.”

Hosea 4:3 ပူးပေါင်းရင်းမြစ်များ

Aisaya 33:9

Tiŋ na dɔɔ yanne, ki sɔɔ kaa leŋ. Lebanonn fɔɔr na koora, ki Saronn baakpiasir na ji tee nan kunkoouk na, ki Basann tiŋ ni nan Kamel kunkonn paak tiinii siir.

Jeremaya 12:4

Li saa wei nlee ki ti tiŋ bia daa tee tinkooŋ, ki siar kur boor mɔɔt n koori? Bonkobit nan nɔɔnii kpenne, kimaan ti niib toonbiit paak, niib nba yeen a, “Yennu ki laat linba ki ti tuun na.”

Jeremaya 23:10

Tiŋ na gbee nan niib nba ki waa Yennu-e, ki be yanbɔmm binbeŋ, ki biir bi yiikoo. Yennu mɔtonte te tiŋ na mɔ kpemɔnii, ki mɔɔt koot.

Jeremaya 4:25

N la nan niib kaa, ki nɔɔnii mun bia yukir ki yaata.

Jeremaya 9:10

Ki n yet a, “N saa fabin kunkona paaka, ki mɔ mɔmaatuk paak, kimaan bi koora, ki sɔɔ ji ki gaar bi ni, sɔɔ ji ki gbia nei mɔnii, ki nɔɔnii nan muuk ni bonkobit chiar yaat.”

Jeremaya 9:9

N kan dat bi tuba linba na paaki-i? Koo ki daa dont wutoor nibooru nba na paaki-i? Min Yennu-e pak na.”

Esekiel 38:20

Ki janbooru kur, nan nɔɔnii, nan bonkob-gbeŋa, nan bonbis kur, nan nisaarik kur nba be tingbouŋ na paak, tan saa tinin jaŋmaanii ki jekir. Jɔjaana saa bit, ki tanjagbent saa yakit buri buri, ki joonn kur saa baa tiŋ ni.

Joel 1:18

Ki nei mɔ lin nan parbiir, ki peburuŋ mun bia di wahala, kimaan mɔɔt kaa ki bi saa ŋman.

Amos 1:2

Ki Amos yet a, “Yennu kunkɔr nyi Sayɔnn kunkonn po, ki tantir ki nyi Jerusalem po. Ki bonkobit kpinkpaar boa koor wak wak, ki mɔɔt nba be Kamel kunkonn paak na mɔnn.”

Amos 5:16

Ŋanne ki i Yomdaanɔ Yabint Yennu yet a, “Fabinii nan ninbawuyikinii sii be doo na sɔnjot ni, ki bi tan saa yiin kpaara gbaa, ki te ŋamm nan niib nba ki bi pab a bin bui kpemɔnii na, ki bi saa lakin bui kpeemm paak.

Amos 8:8

ki li saa te tiŋ n damm, ki wunba kur be tiŋ na paak saa di wahala, ki tiŋ na kur saa jekir, ki li saa pukir do ki tan maak, nan Ijipt mɔkir nba tuu pukir ki maakit biaŋinba na.

Nahum 1:4

U yeen mɔkgbeŋir ki li fɔɔt, ki te mɔka fɔɔt, ki te Basann tiŋ koot, ki te Kamel kunkonn mɔɔt koot, ki bia te Lebanonn tiŋ ni tipuuk suur.

Sefania 1:3

li nisaarii kur, nan bonkobit, nan nɔɔnii, nan janii. N saa te ki toonbiit damm na n baa. N saa biir nisaarik kur, ki sɔɔ tan kan biar ki mɔk manfoori. Min Yennu-e pak na.

Sekaria 5:4

Yabint Yennu yet a u saa tun u mɔtont na, ki lin kɔɔ wunba kur tee nanyukɔ ŋaak ni, ki bia kɔɔ wunba kur dia mɔpora ki fa fai na ŋaak ni. Li sii be bi ŋei maŋ ni ki biirib chain chain.”