Hosea 2:3 - Yennu Gbouŋ Mɔɔr

³ Li-i tee ki u ki nyik, n saa yokitɔe, ki wuu be payann, nan daar nba ki bi din marɔ na. N saa te ki u tee nan tinkooŋ nba ki naan jeet nae, ki te wun kpo nyunnyukuru.

Hosea 2:3 ပူးပေါင်းရင်းမြစ်များ

Nyinu 17:3

Ŋaan nyunnyukuru din soorib bonchiann, ki bi ŋamii nyiir Moses. Bi din yeen a, “Bee ki a daan nyinnit Ijipt-i? A loon ki nyunnyukuru n tan kpi timm nan ti waas nan ti bonkobite-e?”

Aisaya 33:9

Tiŋ na dɔɔ yanne, ki sɔɔ kaa leŋ. Lebanonn fɔɔr na koora, ki Saronn baakpiasir na ji tee nan kunkoouk na, ki Basann tiŋ ni nan Kamel kunkonn paak tiinii siir.

Aisaya 47:3

Nisaarii saa la-a yann ni. Bi saa la ki bi sikina tiŋ ni, ki dinna fei. N saa pa pann, ki sɔɔ kaa ki saa gɔɔrin.”

Aisaya 64:10

A kasii doi na tee nan kunkoouk nae. Jerusalem tee langbenchiate,

Jeremaya 12:10

Digbangana yent damm bonchiann biir n daan tiinii kpaaba, bi ŋmaa n kpaant ki biirir, ki kpint n tinŋaŋ na ki teenir kunkoouk.

Jeremaya 13:22

Li-i tee ki a boi linba paak ki na kur tun ki tura, ki bi muka ki liat a tiati, li tee a toonbiit nba yabit paak nii nae.

Jeremaya 13:26

Yennu tiɔŋo saa liat a tiat ki senna yann, ki a di fei.

Jeremaya 14:3

Mɔkita na tun bi daabae nyun po, ki bi saan bunbuna boor, ŋaan bi ki la nyun, ki ŋmat jen nan sɔkoona. Bi yan ŋmate, ki bi ŋaa tama, ki bɔri bi numpo.

Jeremaya 17:6

Li nibooru tee nan tituuk nba pia kunkoouk paak, siaminba ki siar ki kpaatir nae. Bonŋansiar ki baat li nibooru boori.

Jeremaya 2:31

Israel teeb, gbiintir linba ki n piak na. N tee nan kunkoouk nae ki turini-i? N bɔne ki tee nan ninbɔŋ tiŋ na-a? Bee ki i piak a i sii tuun yaa loon linbae, ki kan ban jen n boori?

Jeremaya 2:6

Bi din ki gbiin n po, ŋaan mine din nyinnib Ijipt, ki somm namm kunkoouk paak, siaminba tee tinkokirik nan tanbiiuŋ nan bootit, ki tee tinkooŋ nan daŋ tiŋ nba ki sɔɔ ki kaar leŋ, ki sɔɔ bia ki somm leŋ na,

Jeremaya 22:6

“N boor ni, Juda naan ŋaak na fan nan Gilead tiŋ koo Lebanonn jɔjaana nae, ŋaan n saa teenir tin-yann nba ki sɔɔ kan kar leŋe.

Jeremaya 4:26

Tinkpiasir na kpant tanbiiuŋo, ki li doi na tee langbent, kimaan Yennu wutoor doo bonchiann.

Jeremaya 51:43

Doi na kpant jaŋmaansooruk boore, ki tee nan kunkoouk nba kaa nyun, ki niib ki kɔɔ leŋ, ki bia ki gaar leŋ na.

Jeremaya 51:5

Min Yabint Yennu nba tee Yomdaanɔ na ki nyɔr nyik Israel teeb nan Juda teeb, nan baa lek tun ki biir min nba tee Israel teeb Kasii Yɔɔ na.

Esekiel 16:22

Yoo nba ki a be ki tuun bonchonchonn toonn na, a ki ban tiar a bisin niŋ nba din tee, ki li tee yoo nba ki a din be yann ki birin matsɔn ni na.”

Esekiel 19:13

Ki bi ji saan burɔ tinkokirik nba ki mɔk nyun na ni.

Hosea 13:15

Israel teeb-i lekii bint nan mɔɔt na, ŋaan n saa te ki yonput po wontouŋo n nyi kunkoouk paak, ki koor bi nyuntona nan bunbuna. Wouŋ na saa jii linba kur mɔk nyɔɔt.

Hosea 2:10

N saa yokitɔ ki wuu be yann, u yɔɔsnba numm ni, ki sɔɔ kaa ki saa fit tinnɔ n nuu ni.

Fiitu 17:16

a yina piik nba ki n la na, ŋamm nan bonkobuk na sii nan poochonchonn na, ki fat linba kur ki u mɔk na ki nyikɔ gbananbir, ki pat u gbanant ki ŋman, ki bia joou muu,

Barbuura 15:18

Ki nyunnyukuru soorɔ, ki u yikin ki tur Yennu a, “A tur a daabir nyannuwa, ki mɔtana ki n ji yaa man kpo nyunnyukuru, ki kɔɔ patmannteeb na nuu ni-i?”