Hosea 2:21 - Yennu Gbouŋ Mɔɔr

^21-22 Ki daa maŋ ni, n saa gat n niib nba tee Israel teeb na miaru. N saa te saak n baa tiŋ na paak, ki tiŋ na saa nan jeet, ki daan tiinii nan kpan tiinii saa lon lɔɔna.

Hosea 2:21 ပူးပေါင်းရင်းမြစ်များ

Aisaya 55:10

“N mɔmaan tee nan saak nan sakaana nba tuu nyi sanpagbant ni ki baa maant tiŋ nae. Ŋanne tuu te ki bonbuburit kpaatir, ki bia te li naan, ki bi jikit ki buur, ki bia tee jeet ki di.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Aisaya 62:5

Naasimɔ nba tuu ji sapaanmunn ki teenɔ u poo biaŋinba na, nnae ki a naamiidaanɔ saa kɔɔna. Naasimɔ par nba tuu mei u poo paak biaŋinba na, nnae ki Yennu par sii mei a paak.

Aisaya 65:24

Bi tuu tan sii mein ki gbent na, ki n turib gatuwa.

Esekiel 36:29

Ki n saa nyinni linba kur kɔɔni jakint ni. N saa te jeet n nan bonchiann, ki li daa te kon baa-i.

Hosea 14:7

Niib na lek sii be n lɔŋ nie, ki bi saa bur jeet bi kpaant ni, ki lin nan. Ki bi sann saa do nan Lebanonn daan sann nba doo biaŋinba na.

Joel 2:19

ki turib gatu a, “Mɔtana, n ji yaa man turi jeete nan tilɔɔna daan nan olif tiinii kpan, ki te yin gboo, ki digbanlia na ji kan sarikini.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Sekaria 8:12

Bi saa bur bi jeet nan parmaasir. Bi daan tiinii saa lon lɔɔna, ki tiŋ na saa turib jeet, ki saak saa baa bonchiann, ki n saa tur niib nba biar na piisin na kur.

Sekaria 8:8

ki nyi namm li yondo po, nan li yonbaa po, ki jen namm Jerusalem. Ki bi ji sii tee n niib, ki n mun tee bi Yennu, ki diab nan ŋant, nan popeensin.

Malakai 3:10

Baat nan i bona piik kur ni yennkɔɔ, jiantu ŋasaakak na ni, ŋanne saa te ki jeet bonchiann be li ni. Bikintin ki la maa saa teen piisin i paak biaŋinba. N saa loot yendɔuŋ tammɔi ki turi bonŋana booru booru, ki yin tan kɔŋ binbir boor.

Malakai 3:11

N kan te ki bonfoi n biir i bonbuburit nan i jeet, ki i daan tiinii saa lon lɔɔna bonchiann.

Matiu 6:33

Ŋaant man ki i baka-ii be Yennu naan ni nan yentinu labaar ni, ki u saa jii bona nba na kur ki turi.

Rom Teeb 8:32

Yennu ki minnit u mɔŋ Bija na, ŋaan jiiu ki u tee maruŋ ti kur paak. Ŋɔɔ Yennu-e turit u Bija maŋ, ki nlee ki u ji kan turit linba kur biari?