Hosea 2:20 - Yennu Gbouŋ Mɔɔr

²⁰ N sii dia n mɔsonn, ki teena n yɔɔ, ki a saa bann nan mine tee Yennu.

Hosea 2:20 ပူးပေါင်းရင်းမြစ်များ

Pinpiik 9:10

nan bonfoa kur nba be nani, li bon-yuyukit nan bonkobit kur nba nyii ŋaruŋ na ni na,

Aisaya 2:4

U saa ŋamm barii nba be digbanjaana sinsuuk ni na. Bi saa jii bi takoobii ki kur sɔkit, ki jii bi kpana ki kur gɔtit. Digbana ji kan ban saan tɔbu, bi kan ban teen tɔb siiri.

Aisaya 62:4

Sɔɔ ji kan yiina, “Kaadɔuŋ,” koo ki yiin a tiŋ “Pooluukir.” A sanpaanne sii tee “Yennu par mei u paak.” Ki bi sii yi a tiŋ na, “Jakunŋant,” kimaan Yennu par mei a paak, ki u sii tee nan sɔrɔ na ki tur a tiŋ.

Jeremaya 24:7

N saa turib niɔŋ nba ki bi sii loon bin bann nan mine tee Yennu, ki bi sii tee n niib, ki n mun sii tee bi Yennu, kimaan bi saa jen n boor nan bi para kur.

Jeremaya 30:10

N niib, i daa tiin jaŋmaanii. Israel teeb, i yan daa puti. N saa nyinni digbanbanfɔkir na niwa, tiŋ nba ni ki i tee yommii na. I saa jen kpen, ki sii be i yamani. I sii be fanu, ki sɔɔ kan kɔɔni jaŋmaanii.

Jeremaya 32:41

Li sii manin nan mii tuun toonŋana kii teemm, ki n saa kaanib fanu, tiŋ na ni.

Jeremaya 9:24

Li-i tee ki sɔɔ loon wun faa kpinkpant, wun faa nan u min, ki bia bant n maan paak, kimaan n lomm yɔɔ be-e, ki n tuun linba ŋan ki bia took. Ŋanne mei n par. Min Yennu-e pak na.”

Esekiel 16:62

N sii dia ninbinmɔnii mɔlor nae, ki a bann nan mine tee Yennu.

Esekiel 16:8

“Maa bia ŋamm gar a boor yoo nba, ki n la nan a jaŋ jakunta, ki n jii n chinchenn ki dɔkin a payann na, ki sat mɔb nan n saa kɔɔna. Barmɔnii, ki n lor pookɔɔnt mɔlor nana, ki a teen n yɔɔ. Linba nae ki Yabint Yennu yet.

Esekiel 34:25

N sii mɔk mɔlor namm, linba sii guu bi manfoa. N saa boon bonkob-susoot nba be tiŋ na paake, ki lin te n pei n fit kii be bi yamani, tiŋ na ni, kii gɔɔnt fɔɔr ni.

Esekiel 34:27

Ki li tiinii saa lon lɔɔna, ki kpaant saa nan jeet, ki sɔɔ kur sii be u yamani, u tiɔŋ tiŋ ni. Li-i tee ki n cheer jaruk nba boob n niib, ki ŋaab yanni, ki te ki bi nyii damm nba teemm yommii na nuu ni, bi ji saa bann nan mine tee Yennu.

Esekiel 38:23

N saa tun nna bannue, ki wann digbana na kur nan n mɔk paŋ, ki bia tee kasii, ki bi ji saa bann nan mine tee Yennu.”

Hosea 13:4

Yennu ŋamm yet a, “Mine tee i Yomdaanɔ Yennu, wunba nyinni Ijipt tiŋ ni na. I ki mɔk Yensau ki pukin n po, min kuukɔɔe tee i tinntɔɔ.

Hosea 2:19

Israel digbann, n saa teena n poo, ki sii tee barmɔndaanɔ nan burchimɔ. N saa wanna n lomm nba yɔɔ be nana, ki sii mɔk ninbatinu; ki a sii tee n yɔɔ nan yoo nba kaa paak.

Hosea 6:6

N loon lomm nba yɔɔ be nae, n ki loon i bonkobit maruŋ kaa. N loon ki yimm n niib n bannime, ki gar yaa jikit mujoonu maruŋ ki teenin na.

Liifai teeb 26:5

Ki i bonbuburit saa nan bonchiann, ki i kpan sii jaan jeete ki saa tuu tilɔɔna punpɔɔr yoo. Ki i bia sii pɔ tilɔɔna ki saa tuu jeet bunburyoo. Ki i sii laat ki di linba kur ki i loon, ki bia sii be i yamani, i tiŋ ni.

Liifai teeb 26:6

“N saa turi parmaasir i tiŋ ni, ki i sii fit dɔɔ gɔɔnt, ki kii tiin sɔɔ jaŋmaanii. N saa nyinn bonkob-susoot nba be tiŋ na ni, ki tɔbii ji sii kaa.

Maika 4:3

U saa bu niib bonchiann buut, ki bia pat tingbouŋ na kur kunkɔna. Ki bi saa faa mab bi jukbanjai ki lin kpant kubɔnii, ki bia mab bi kpana ki lin kpant gɔtit. Ki digbana ji kan ban saan tɔbi, koo ki ji ban dukin nan bi saa faa tɔbi.

Sekaria 9:10

Yennu yet a, “N saa nyinn tɔb taantorit Israel teeb boor ni, ki nyinn taanii nba be Jerusalem na, ki biir tɔdaat nba ki bi jii kɔn kɔnn na kur. I kpanbar na saa baar nan parmaasir booru kur ni, laa nyi mɔkgbeŋir ki saa tuu mɔkgbeŋir sii be u yent ni, laa nyi Yufrates mɔkir ki saa tuu tingbouŋ na paak, li be u yent nie.”

Matiu 11:27

“Tɔn, n Baa Yennu-e wannin barii na kura; ki sɔɔ ki mi maa tee wunba, see n Baa maŋ; ki sɔɔ mun bia ki mi n Baa maŋi, see min, u Bija na, nan binba ki n loon ki n fiit wannib na.

Barŋanii nba ki LUK din sɔb nae na 10:22

Ki Yiisa ŋamm yet a “N Baa Yennu-e wannin barii na kura; ki sɔɔ ki mi maa tee wunba see n Baa maŋ, ŋaan sɔɔ mun bia ki mi n Baa maŋ nba tee wunba, see min u Bija na, nan binba ki n loon ki n fiit wannib na.”

Jɔɔnn 17:3

Ki manfoor maŋe tee niib n bann fin nba tee Yennu nan barmɔnii, ki sɔɔ ji kaa; ki bia mun saa bann min Yiisa Masia nba ki a tumin na.

Jɔɔnn 8:55

I ki miu, ŋaan min ŋarin miu. Li-i bonni tee ki n yaa n ki miu, n bo saa teen faak daanɔ nan yimm nawa. Ŋaan n miu, ki bia saak u maan.

2 Korint teeb 4:6

Yennu nba din yet a “Yentu n yent bunbɔnn ni na,” ŋɔɔe te ki u yentu na yentir ti para ni, a ti bann u yentsaakar nba tee biaŋinba; li yentue yeen Yiisa Masia numm po.

Filipi teeb 3:8

Li ki tee li kuukɔɔ kaa ki mɔk nyɔɔt turimi; min yiin bonsiar kura linba kaa nyɔɔte; kimaan maa bann n Yomdaanɔ Yiisa Masia, ki li bannu nyɔɔt yab bonchiann na paak, kimaan u paake ki n fok bonsiar kur ki lu; min yi li kur tanpenn paak mɔɔte, maa n tan la Masia nan n ninbinn,

Kolosa teeb 1:10

ki yin fit kii be nan ti Yomdaanɔ nba loon biaŋinba na, ki bia fit kii tuun linba sii pent u par, ki fit kii tuun toonŋana kur, ki ŋammit bant Yennu.

2 Timoti 1:12

Li paake ki n di biak ŋaan ki tiin fei, kimaan n mi maa jii n mɔŋ ki teen wunba nuu ni, n mi ki birsuk kaa nan u saa fit dia linba ki u jii teen n nuu ni na fanu mɔkmɔk nan joontu Daar na ni.

Hiibru teeb 8:11

Li ji kii kpaa talas ki bi sɔɔ n wann u lɔɔ koo u ninja a, ‘Fini, bant Yennu,’ kimaan sɔɔ kur sii min, laa nyii tarik ki saa tuu paarɔ.

1 Jɔɔnn 4:6

Ŋaan timm ŋarin tee Yennu yabe; ki binba mi Yennu, ŋamme fiin ti maan ni. Ŋaan binba ki tee Yennu yabi, bi ki fiin ti po. Ŋanne te ki ti saa bann wunba mɔk Yennu Seyeeŋ nba want barmɔnii wannu, nan wunba mɔk Sintaanii seek nba want faak wannu na.

1 Jɔɔnn 5:20

Ti mi nan Yennu Bija Yiisa din sik tingbouŋ na ni ki tan turit yan a tin bann ŋɔɔ barmɔnii Yennu. Taa gaa nan u Bija Yiisa Masia na paak, ŋanne bia te ki ti gaa nan u Baa Yennu; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.