Hosea 14:9 - Yennu Gbouŋ Mɔɔr

⁹ Niib nba tee yandamm na, ŋamme saa bann maan nba sɔb gbouŋ na ni paak, ki bia jiir teen bi para ni. Yennu sɔnii took, ki niib nba tee niŋamm waar, ŋaan toonbiit damm jarime ki baa tiŋ ni, kimaan bi yêt wannu nawa.

Hosea 14:9 ပူးပေါင်းရင်းမြစ်များ

Pinpiik 18:25

A kan sak biir niŋamm nan nibiit kur yommi. Li paar nan ki a tun nna. A kan teen nna. Li-i tee ki a teen nna, niŋamm nan nibiit na kur saa di biak yomme. Li paaka. Tingbouŋ na kur barbuurɔ tee wuu tuun bona fanue.”

JOB labaar 17:9

Binba dukii a bi be fanu na kpan set dukii nan bi mɔk mɔniie.

Yaŋ 107:43

Binba mɔk subinii kur n dukin linba na po; bin dukin Yennu lonchiɔŋ nba kaa gbennu na po.

Yaŋ 119:128

Li paak ki n waa a wannu kur fanu, n ki loon toonbiit tumu.

Yaŋ 119:75

Yennu, n mi nan a sennii tee kasiie, ki a mɔk mɔnii nan faa dat n tubir na.

Yaŋ 84:5

Binba ki bi paŋ nyi a boor na, parpeenn tee bi yare, ki tee binba jii bi para ki teen siir nan bin saan Sayɔnn kunkonn boor na.

Yaŋ 84:7

ki bi saa ki ŋammit laat paŋ tee-e nan baa tan saa baar Yennu boor, Sayɔnn kunkonn na paak.

Barjokit 10:29

Yennu guu binba tee niŋamm nae, ŋaan biir binba tuun bonkpeta na.

Barjokit 16:21

Nirɔ nba tee yandaanɔ, bi bantɔ u maan paku nie. U mɔbona nba man biaŋinba, li bia daak niib nnae.

Barjokit 4:18

Popeenn daanɔ sɔnu tee nan yonmɔnn donu nae, ki yentir nan daar nba tuu yent gbenn na.

Aisaya 1:28

Ŋaan u saa biir wunba kur tuun toonbiit ki yêen u mɔb, ki saa kpi wunba kur yêtɔ.

Aisaya 17:8

Bi ji kan gaan bi mɔŋ maruŋ binbinta nba ki bi maa nan bi nii na paak, koo ki teen bi chicherpook Asera ninnauŋ, nan maruŋ binbinta nba ki bi jokit bonnunubit li paak na yada.

Aisaya 26:7

Yennu, a tuu ŋamm sɔnu nba ki niŋamm tɔkii nae fanu, sɔnu nba ki bi tɔkii naae mur-mur.

Jeremaya 29:12

Ki i saa yiinin. I saa baar ki miarin, ki n saa turi gatu.

Jeremaya 9:12

Ki n boi a, “Yennu, bee ki tiŋ na biir, ki bia koor nan kunkoouk na, ki sɔɔ ki gaar leŋi? Ŋmee sub fanu ki saa bann linba na paaki? A wann ŋmee li paak, ki u mun saa wann leebi?”

Esekiel 11:18

Ki li-i tee ki bi ŋmat jeni, bin lu pata nba kur be tiŋ na ni.

Esekiel 18:25

“Ŋaan ki yimm yeen a, ‘Yennu nba tuun linba na ki took.’ Gbiintirin man, yimm Israel teeb. I dukii nan maa tuun linba nae ki ŋani-i? I binbeŋe ki ŋan.

Esekiel 36:25

N saa mɔɔn nyunŋanin i paak, ki wuur nyinni pata, nan linba kur kɔɔni jakint ni.

Daniel 12:10

Ki niib bonchiann para tan saa ŋamm fanu. Binba tee biit damm kan bann li paaki, bi sii ŋamii tuun toonbiite; ŋaan binba sub, ŋamme saa bann li paak.

Sefania 3:5

Ŋaan ki Yennu bia lek daa be doo maŋ ni, ki tuun linba took, ki ki tuun linba bi. Ki sanyiɔk kur, ki u teen u niib na bi mɔnii. Ŋaan ki leŋ niib nba ki tee popeendamm na tuun biit, ki ki tiin fei.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Matiu 11:19

ki min nisaarik Bik mun tan baar ki di ki nyu, ki i bia yaa ‘Gotir man, a u tee podaanɔ nan danyuuruko, ki bia tee lampogaarteeb nan biitdamm yɔɔk.’ Tɔn, Yennu toona nie want nan u bannu na tee barmɔnii.”

Barŋanii nba ki LUK din sɔb nae na 2:34

Ki Simeonn sat Yennu piisin bi paak, ŋaan bet bik na naa Meeri a, “Nnara, Yennu nyinn bik na ki sennɔ a Israel teeb bonchiann n baa yann u paak; ki leeb bonchiann mun bia tan saa tinn u paake. Ŋɔɔe tan sii tee nyinn nba ki niib bonchiann saa pak ki biir na;

Barŋanii nba ki LUK din sɔb nae na 7:23

Parpeenn be wunba ki birisin na paak.”

Jɔɔnn 15:24

Mi-i bonni kii tuun toonjaana nba ki sɔɔ daa ki mi tun na bi boori, bi bia bo kii mɔk biiti. Bi lek la toonjaana nba ki n tuu tuun nawa, ŋaan nan min nan n Baa Yennu.

Jɔɔnn 18:37

Ki Pailat boiɔ a, “A set tee kpanbare-e?” Ki Yiisa jiin a, “Nn, fine yet a n tee kpanbar. Bi din marin a n wann niib barmɔnii wannue. Li paake ki n baar tingbouŋ na ni; ki sɔɔ kur nba waa barmɔnii wannu maŋ gbia n maan.”

Jɔɔnn 8:47

Wunba nyii Yennu boor, ŋɔɔe gbia Yennu maan; ŋaan yaa ki nyii Yennu boor na, li paake ki i ki gbia Yennu maan maŋi.”

Jɔɔnn 9:39

Ŋanne ki Yiisa yet a, “N baar tingbouŋ na ni a n bu niib buut, ki bia yent binba ki mɔk ninyentir na numm poe, ŋaan dɔkin binba mɔk ninyentir na numm po.”

Toona 13:10

ki tan yetɔ a, “Fin nibiiuk nba gbee nan kpinkpannii na. Fine tee Sintaanii bik, ki bia tee toonŋana kur dataak. Fin ŋarin, yoo kur a jikit Yennu barmɔnii ki kpintir faake.

Rom Teeb 7:12

Sennu nan wannu na tiɔŋ ŋarin yeene, ki tee barmɔnii, ki bia ŋan.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.