Hosea 13:14 - Yennu Gbouŋ Mɔɔr

¹⁴ N kan tinn niib na ki bi daa saa kpeentiŋi, koo ki fatib kuun paŋ ni. Kuun, baat nan a yiaryoonn na. Kpeentiŋ, baat nan a biiru na. N ji kii mɔk ninbatinu nan niib na.

Hosea 13:14 ပူးပေါင်းရင်းမြစ်များ

JOB labaar 33:24

Ki malaka na sii mɔk ninbatinu ki yet a, “Ŋaamɔ, li ki tee wun saan kpeentiŋi. Paatii nba saa pa ki ŋaaue na.”

JOB labaar 41:22

Ki u turu na mantik paar, ki wunba tookɔ, jaŋmaanii tuu soor li daanɔe.

Yaŋ 16:10

kimaan fine nyintin kuun paŋ ni; a kan te ki a kasii nirɔ gbanant n bat, koo wun nyint kpeentiŋi.

Yaŋ 30:3

Yennu, a nyinnin kaauk niwa. N bo paa sɔnue ki siik tinpɔɔr ni, ki a tinn n manfoor.

Yaŋ 49:15

Ŋaan Yennu saa fatin kuun nuu ni, ki saa jiin, ki mii be u boor.

Yaŋ 49:16

Li-i te ki a la ki nirɔ mɔkitir, koo u mɔkint maŋ yabitiri, a daa te ki li daamiia.

Yaŋ 71:20

A lek te daamii nan wahala baa n paak, ŋaan a saa ŋammin ki te min la laafiawa; a kan te ki man sik kaauk ni.

Yaŋ 86:13

A mɔk lomm bonchiann nanin, ki tinnin, ki n ki sik kaauk ni.

Aisaya 25:8

Yabint Yennu saa biir kuun yaayoo siiyoo. U saa fiar sɔɔ kur ninnyuut, ki boon fei nba ki u niib yɔɔ di durinya na ni. Yennu tiɔŋo pak na.

Aisaya 26:19

Ti niib nba kpo na saa fiira. Bi gbanant saa jen manfoor niwa. Binba kur gɔɔnt bi kaat ni na saa fiir ki yin parpeenn yanii. Marin nba tuu pant tingbouŋ na biaŋinba na, nnae ki Yennu saa fiin binba kpo sianyoowa na.

Jeremaya 15:6

Yimm niib na yêtima, ki ŋmant i poor ki turin, ŋanne ki n tant n nuu ki faa mati, kimaan n soor n mɔŋ ki tan baka.

Jeremaya 20:16

Ŋaant ki wuu tee nan doi nba ki Yennu biirir, ki li ki mɔkɔ ninbaauk na. Ŋaant wun gbat tont mɔnii sanyiɔk ni, nan tɔb fuur yonsuuk ni,

Jeremaya 31:35

Yennu-e tur yonnu ki li teent yentu daar ni, ki turit ŋmaarik nan ŋmaabira ki li teen yentu nyiɔk. Ŋɔɔe tuu kut mɔkir ki te ki li fu, u sanne Yabint Yennu.

Esekiel 37:9

Ki Yennu betin a, “Nisaarik, pakin tur wouŋ. Betir wouŋ na nan Yabint Yennu-e yet a wun nyi lokir kur po, ki tan kɔɔ gbanankpeena na ni, ki te bin jen bi manfoa ni.”

Hosea 6:2

Daaŋanlee koo daaŋantaa ni, u saa fiint ki ŋammit, ki ti sii be u tɔɔnn.

Hosea 7:10

Israel teeb dont-n-mɔŋ na pak biiriba. Linba kur lek tun na, ŋaan bi ki ŋmat jen min bi Yomdaanɔ Yennu boori.

Malakai 3:6

“Mine tee Yennu, n ki lebitir. Li paak, yimm Jakɔb yaaboona, i daa ki mantik boont kaa.

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

Rom Teeb 11:15

Yennu nba din yêt Juu teeb na, ki u ji te ki tingbouŋ na teeb soorɔ yɔɔs; Yennu-i ŋmat gaarib ki bi tee u niib, li ji sii tee nlee? Li sii tee manfoore ki tur kpeemm.

Rom Teeb 11:29

kimaan Yennu-i gann niib ki turib piinii, u ji ki lebitir u pari.

2 Korint teeb 5:4

Ŋaan ti sei nba daa woo gbanant na ni na, ti kuriie. Li ki tee a ti ji ki loon gbanant na benu kaa, ŋaan ti loon sanpaapo gbanant na, a li daar manfoor na n tan nak kuun ki lin gbenn.

Filipi teeb 3:21

U tan saa lebit ti gbananchɔkint nba saa kpo na ki li naan u tiɔŋ gbanant nba mɔk baakir nae. U tan saa jii paŋ nba te ki u yen bonsiar kur nae ki tun nna.

1 Tesalonika teeb 4:14

Ti teen yada nan Yiisa din kpo ŋaan bia fiir kuun niwa; li paak ki ti bia teen yada nan Yennu tan saa te Yiisa n jen nan u weira nba kpo na.

Jeems 1:17

Bonŋann kur nyi sanpaapoe ti Baa Yennu boor, wunba din nan sanpaapo yentu kur na. Ŋɔɔ ŋarin ki lebitir nan yentu maŋ nba lebitir biaŋinba na; u bia daa tee ŋɔɔ Yennu-e.

Fiitu 20:13

Ki mɔkgbeŋa nyinn kpeemm nba be nyun ni, ki kuun nan kpeentiŋ mun nyinn binba kpo ki be bi ni na. Ki Yennu bu bi buut nan baa tun biaŋinba na.

Fiitu 21:4

ki saa fiar ninnyuut kur bi numm po; ki kuun, koo parbiir, koo mɔnii, koo tont ji sii kaa, kimaan bonkpera na kur gara.”

Fiitu 6:8

Ŋanne ki n la taanpeenwuwur, ki wunba jakɔ na sann tee Kuun; ki kpeentiŋ mun waa u poor; ki Yennu turib yiikoo a bin kpi tingbouŋ na niib bɔkitu munna yenn, a bin kpib tɔbii ni nan kon nan yiarii, ki bia te tingbouŋ na bonkobibiit n kpib.

1 Samuel 15:29

Yennu nba tee Israel teeb baakir na ki fa faak, u bia ki lebitir u dudukit. U ki tee nisaarik kaa ki saa lebit u dudukiti.”