Hosea 11:6 - Yennu Gbouŋ Mɔɔr

⁶ Tɔbii saa faa bi doi ni, ki faa jint bi doi gana. Li saa biir n niib, kimaan bi tuun linba ki bi loone.

Hosea 11:6 ပူးပေါင်းရင်းမြစ်များ

Yaŋ 106:39

Bi ji din ki waa Yennu, bi toonbiit na din te ki bi ji ki be kasii.

Yaŋ 106:43

Yennu din yɔɔ nyint u niib daamii nie, ŋaan bi din gann mɔyêtuko ki sik kpii biit ni.

Aisaya 18:5

Ki sɔɔ ki bi daa ki pɔɔr daan tiinii, yoo nba ki daan tipuuk tuu siir ki li lɔɔna mɔnt nae, ki datai saa biir Sudann teeb na yiama, nan baa tuu jii juk ki gbat daan tiyiinii biaŋinba na.

Aisaya 27:10

Digbanpaarir na ji tee langbente. Li dɔɔ yanne nan kunkoouk na. Li ji tee bonkob-kpaaŋe, siaminba ki bi sii di, ki bia foi.

Aisaya 30:1

Yennu yet a, “Binba dia Juda tiŋ na boonta, kimaan bi yêt n mɔba. Bi waa lor nba ki n ki lore, ki taant mɔtaat nba ki tee n loomm, ki lakint bi biit ki birin.

Aisaya 9:14

Dayenn kɔɔe ki u saa dat Israel teeb kur nan bi tɔɔndamm tuba; u saa pot yur nan joor kur.

Jeremaya 5:17

Bi saa di i jeet kur, ki kpi i bonjai nan bonpoi kur, ki ŋman i pei nan nei kur. Bi saa biir i tilontii kur. Bi saa jii banjiake ki biir i doi nba paar ki i maa li paak na kur.”

Jeremaya 50:35

Yennu yet a, “Babilonn tee kuume. U niib nan u kpanbara nan u subindamm kur tee kuume.

Fabinii 2:9

Ki li gana na pii tangbiina ni, ki ganchaata na jint buri buri. Ki leŋ kpanbar nan li nijaana na ji tee yommii digbangann ni. Bi ji ki want Yennu sennii na, ki sɔkiniinba na ji ki laat yirintu ki li nyi Yennu boori.

Esekiel 20:47

Yetir niidiitu po fɔɔr na, ki lin gbiint maan nba ki min Yabint Yennu piak. Gotirii, n yaa n joo muue, ki lin di tiik kur nba be a ni, laa tee timaatik koo tikooŋ, ki sɔɔ sii kaa ki fit kpeenir, ki li saa yat ki nyi niidiitu po, ki saan niigaŋ po, ki sɔɔ kur saa la li muyeruk tonu.

Hosea 10:14

tɔb saa faa i niib, ki i doi nba paar na kur saa biir. Ki li sii tee nan daar nba ki kpanbar Salmann din biir Bef-arbel doo, tɔb ni, ki mat binaanba nan bi waas tiŋ ni na.

Hosea 10:6

Bi saa jii tingbann maŋ ki saan nann Asiria kpanbar jaann boor, ki lii tee naan baakir pukina. Israel teeb saa di fei, kimaan tingbann nba ki bi jiantir na paak.

Hosea 13:16

Samaria teeb saa la tubdatu, kimaan baa yêt min Yennu na paak. Bi saa kpo tɔbii ni. Bi saa yek bi sanpantii nan tiŋ, ki pit poob nba mɔk poa na.”

Hosea 4:16

Israel teeb tee tubkangbatae nan bonii nba tee biaŋinba na. Nlee ki n saa kpaarib nan pebis na mɔpaauŋ ni?

Hosea 4:17

Israel teeb jiantir tingbanae. Daa fiin bi po.

Liifai teeb 26:25

N saa te ki tɔbii n faai ki lin dat i tuba, kimaan i biir min nan yimm mɔlor nawa, ki yi-i taŋi saan doi ni a yin paaki, n saa te yiarkanbant n baa i paak, ki li saa mukisi ki yin jii i mɔŋ ki tur i datai.

Liifai teeb 26:31

N saa te ki i doi n kpant langbent, ki biir i jiantboa, ki yêt i maruŋ.

Liifai teeb 26:33

N saa te ki tɔbii n faai, ki yati, ki yin kɔɔ digbangana ni, ki i tinii n biar yann, ki i doi n kpant langbent.

Amos 6:8

Yomdaanɔ Yabint Yennu-e por u mɔŋ, ki yet a, “N ki loon Israel teeb dont-n-mɔŋ na; n yisin bi ŋaŋanii nba ki bi maa na. N saa jii bi digbansaakar na ki tur bi datai.”

Maika 5:11

N saa biir doi nba be i tiŋ ni na, ki bia yeer joona nba lint i doi na kur.

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Sennu 28:52

Bi saa lek doi kur, tiŋ nba ki Yennu jikit ki teeni na ni, ki i joonjaana nba linti, ki i maa bi paak na saa baa tiŋ ni.

Sennu 32:25

Ki tɔbii saa faa ki kpi niib, doi sɔnjot ni; ki jaŋmaanii saa soor niib, ŋei ni. Naasimm nan sapaamm saa kpo; li sanpantii koo nikpera gbaa kan tenni.