Hiibru teeb 7:2 - Yennu Gbouŋ Mɔɔr

² ki Abraham nyinn bona piik ni yennkɔɔ, waa kɔn fat bont nba na kur ni ki turɔ. (Melkisedek sann maŋ paak tee a, “Yentinu Bat,” U din tee Salem doo bate; ki Salem paak tee parmaasir, li paak ki u bia tee “Parmaasir Bat.”)

Yennu Gbounpaauŋ Mɔɔr

² ki Abraham din nyinn bona piik ni yennkɔɔ wa din kɔn fat bont nba na kur ni ki turɔ. (Melkisedek, u sann maŋ paak tee a “Yentinu Bat,” ŋaan u din tee Salem bat; ki Salem paak tee parmaasir, li paak, ki u bia tee “Parmaasir Bat.”)

Hiibru teeb 7:2 ပူးပေါင်းရင်းမြစ်များ

Pinpiik 28:22

Tann nba ki n chaan ki li tee tiaru na sii tee a jiantu boor, ki linba kur ki a turin, n tuu saa nyinn li bɔkitu piik niŋ yenn ki tura.”

2 Samuel 23:3

Israel teeb Yennu-e pak, wunba guu Israel teeb nae betin a: “Kpanbar nba dia u niib nan barmɔnii, ki bia diab nan Yentinu

2 Samuel 8:15

Defid din dia Israel teeb kur, ki tuun linba ŋan ki bia took ki teen u niib yoo kur.

1 Barkperii 22:9

ŋaan u turin mɔsonn a, ‘A saa mar bik; ŋɔɔe saa dia doo, ki parmaasir nan foon sii be, kimaan n saa te ki wun la parmaasir nan foon, u datai kur boor. U sann sii tee Solomonn, kimaan n saa te Israel teeb para-ii mei u naan yoo.

Yaŋ 72:7

A te ki popeensin n yabit u manfoor yoo, ki bia te mɔkint-ii yɔɔ kii be nan ŋmaarik nba yɔɔ be biaŋinba na.

Liifai teeb 27:32

Ŋaak ni bonkobuk booru kur kann piik ni yennkɔɔ tee Yennu yare.

Maika 5:5

ki u saa baar nan parmaasir. Li-i taŋi tee ki Asiria teeb lek ti digbann ki biir ti joonkɔɔka, ti saa tun ti tɔɔndamm nba paare ki bin kɔn namm.

Nikant 18:21

Ki Yennu yet a, “N jii Israel teeb bona piik ni yennkɔɔ nba ki bi teenin na ki tur Liifai teeb, ki li sii tee baa tuun toona nba n lanbouŋ ni na paatii.

Matiu 1:23

“Sapaanmunn tan saa soor poor ki mar bonjak, ki bi saa purɔ Imanuel.” Li paak tee a “Yennu be nant.”

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ na ni.”

Rom Teeb 3:26

ŋaan mɔtana u nyik chabit ki loon wun wann nan u set be fanu, ki bia yet a wunba teen Yiisa yada na mun tee niŋanɔe ŋɔɔ Yennu tɔɔnn.

Hiibru teeb 7:1

Melkisedek maŋ din tee Salem doo bate ki bia tee Yabint Yennu manntɔɔ. Abraham nba din tan nyii tɔb nba ki u kɔn nyann batnba banna na, ki Melkisedek chetɔ ki teen piisin u paak;

Hiibru teeb 7:3

Labasiar ki be ki want Melkisedek baa po, koo u naa po, koo u yeejamm po. Labasiar kaa ki want u maru po, koo u kuun po. U naan Yennu Bijae ki yɔɔ tee Yennu manntɔɔ mɔkmɔk nan mɔkmɔk.

1 Samuel 8:15

U saa gaar i jeet nan i tilontii piik ni yennkɔɔ ki tur u ŋaasaakab nan toontunna saakab.

1 Samuel 8:17

U saa gaar i bonkobit piik ni yennkɔɔ, ki i mɔŋ saa teen u daaba.