Hiibru teeb 7:15 - Yennu Gbouŋ Mɔɔr

¹⁵ Yoo nba ki manntɔganɔ nba tee nan Melkisedek na din tan baar nae ki ti mantik bann barii maŋ paak.

Yennu Gbounpaauŋ Mɔɔr

¹⁵ Yoo nba ki mantɔganɔ nba naan nan Melkisedek na din tan baar nee ki ti mantik ŋamm bann barii maŋ paak.

Hiibru teeb 7:15 ပူးပေါင်းရင်းမြစ်များ

Yaŋ 110:4

Yennu senn mɔsonjaanne, ki kan ban yakir mɔsonn maŋ paak. U yet a, “A sii yɔɔ tee manntɔɔe, Melkisedek paabu ni.”

Matiu 13:21

ŋaan ki li daa ki sik u par ni fanu, u tuu yabir waaminna; ŋaan biak koo mukisuk-u baarɔ Yennu maan na paak, u tuu foke lu yiama.

Hiibru teeb 5:6

Ki siar po u bia yet a: “A sii yɔɔ tee manntɔɔe, Melkisedek paabu ni.”

Hiibru teeb 7:11

Yennu din tur Juu teeb sennu ki wann Liifai teeb bi mannu toona nba sii tee biaŋinbae. Ki Liifai teeb maŋ toona-i diŋi be fanuie, li din bo kii kpaa talas ki manntɔganɔ, wunba ki nyii Aarɔnn maaru ni ŋaan see Melkisedek setu ni na n baari.

Hiibru teeb 7:14

Sɔɔ kur poŋ mi nan ŋɔɔ Yiisa nyii Juda booru nie, booru nba ki Moses din ki mi pak siar bi po ki jiin mannteeb po.

Hiibru teeb 7:16

Ŋɔɔe tee manntɔɔ, ki nisaarik sennii ni kaa ki u teen manntɔɔ, ŋaan manfoor nba kaa gbennu na paŋ nie ki u teen manntɔɔ.

Hiibru teeb 7:3

Labasiar ki be ki want Melkisedek baa po, koo u naa po, koo u yeejamm po. Labasiar kaa ki want u maru po, koo u kuun po. U naan Yennu Bijae ki yɔɔ tee Yennu manntɔɔ mɔkmɔk nan mɔkmɔk.