Hiibru teeb 6:14 - Yennu Gbouŋ Mɔɔr

¹⁴ U din yetɔ a, “Li tee barmɔniie, n set saa teen piisin a paak ki bia tura yaaboona bonchiann.”

Yennu Gbounpaauŋ Mɔɔr

¹⁴ U din yetɔ a “Li tee barmɔniie, n senn mɔsonŋann a paak ki bia sa tura yaaboona bonchiann.”

Hiibru teeb 6:14 ပူးပေါင်းရင်းမြစ်များ

Pinpiik 17:2

N saa gbeen min nan fin mɔlor na ki nɔbin a yaaboona.”

Pinpiik 22:16

“N por nan n mɔŋa nan n saa teen piisin bonchiann a paak, kimaan faa tun linba, ki ki minnin a biyemmir na paak,

Pinpiik 22:17

n sent mɔsonn nan n saa tura yaaboona bonchiann, ki bi tan sii tee nan ŋmaabira nba tee biaŋinba sanpaapo nae, koo mɔkgbianu paak tanbiiuŋ nba tee biaŋinba na. A yaaboona tuu tan saa kɔn nyann bi datai.

Pinpiik 48:4

U betin a, ‘N saa tura waas bonchiann, ki te ki a maaru n yabit, kii tee booru bonchiann. N saa jii tiŋ na ki tur a maaru, ki lii tee bi yar mɔkmɔk nan mɔkmɔk.’ ”

Nehemaya 9:23

A turib waas ki bi yab nan ŋmaabira nba be sanpaapo biaŋinba nae, ki te ki bi kɔn nyann ki kɔɔ tiŋ nba ki a din senn nan a saa tur bi yeejamm na ni.

Nyinu 32:13

A tiar a toontunna Abraham nan Aisak nan Jakɔb po. Tiat mɔlor nba ki a lor namm, nan a saa te ki bi yaaboona n pɔt, kii tee nan ŋmaabira nba be sanpaapo na, ki bia yet nan a saa tur bi yaaboona tiŋ na kur, ki lii tee bi faar mɔkmɔk nan mɔkmɔk.”

Galasia teeb 3:18

Kimaan li-i tee sennu dianu paakie ki Yennu teen niib u piinii, ŋann li wann nan u bo kan tur sɔɔ piinii u mɔsonn na paak; ŋaan li din tee Yennu mɔsonn na paake ki u tur Abraham u piinii maŋ.

Sennu 1:10

I Yomdaanɔ Yennu te ki i pɔta, li paak, dinna i yabint tee nan ŋmaabira nba be sanpaapo nae.

Sennu 1:8

Gotirii, n jii tiŋ nae ki turi. Ii saa man ki saa kɔɔ yent tiŋ maŋ, tiŋ nba ki min Yennu senn mɔsonn ki tur i baanba Abraham nan Aisak nan Jakɔb nan bi maaru kur nba saa wei bi poor na.’ ”

1 Piita 3:9

I daa tuun biit ki jiint biit paaki, i bia daa sukii ki jiint wunba sukii-i, ŋaan jiinɔ a “Yennu n teen piisin a paak,” kimaan Yennu din yiini a yin gaar piisime.