Hiibru teeb 6:13 - Yennu Gbouŋ Mɔɔr

¹³ Yennu nba din senn u mɔsonn tur Abraham yoo nba na, u din sat mɔb a u tan saa tun waa senn mɔsonn nba nawa. Sɔɔ ki be ki chee Yennu tiɔŋ; li paak, u din jii u mɔŋ sanne ki sat mɔb.

Yennu Gbounpaauŋ Mɔɔr

¹³ Yennu nba din senn u mɔsonn tur Abraham yoonba na, u din lor mɔlor a u tan sa tun wa din senn mɔsonn nba nawa. Sɔɔ ki be ki chee Yennu tiauŋ; li paak, u din jii u mɔŋ sanne ki lor u mɔlor maŋ.

Hiibru teeb 6:13 ပူးပေါင်းရင်းမြစ်များ

1 Barkperii 16:16

mɔlor nba ki u din lor nan Abraham, nan mɔsonn nba ki u din senn nan Aisak na.

Nyinu 32:13

A tiar a toontunna Abraham nan Aisak nan Jakɔb po. Tiat mɔlor nba ki a lor namm, nan a saa te ki bi yaaboona n pɔt, kii tee nan ŋmaabira nba be sanpaapo na, ki bia yet nan a saa tur bi yaaboona tiŋ na kur, ki lii tee bi faar mɔkmɔk nan mɔkmɔk.”

Aisaya 45:23

N mɔsonn tee barmɔniie, ki kan lebiti. N senn mɔsonne ki turib nan n kpan tee maa tee wunbae, a nisaarik kur saa baar ki gbaan n boor ki por senn nan u sii waan.

Jeremaya 22:5

Ŋaan li-i tee ki i ki sak n sennu, n por turi nan naan ŋaak na saa teen langbenna. Min Yennu-e pak na.

Jeremaya 44:26

Ŋaan gbiintir mɔsonjaann nba ki min Yennu senn n sanjaann ni, ki teen yimm Israel teeb nba be Ijipt na kur. N kan ban te ki yin jii n sann ki senn mɔsonn ki yet a, ‘N por Yabint Daanɔ Yennu nba fo na.’

Jeremaya 49:13

N mɔŋ por nan doo nba tee Bosra saa teen jaŋmaansooruk boor ki sii tee kunkoouk. Niib sii yisin leŋ, ki saa jii li sann ki poor mɔpora. Digbanbis nba kpia leŋ na sii yɔɔ tee langbente. Min Yennu-e pak na.”

Esekiel 32:13

N saa kpi a bonkobit nyuntona kur boor, ki nisaarii koo bonkobit ji sii kaa ki saa gbit nyun na.

Maika 7:20

A saa wann a ŋant nan lomm nba kaa gbennu ki tur a niib, binba tee Abraham nan Jakɔb yaaboona na, nan faa din senn mɔsonn ki tur ti yeejamm sianyoo biaŋinba na.

Barŋanii nba ki LUK din sɔb nae na 1:73

nba ki u din senn ki tur ti yeeja Abraham na.

Galasia teeb 3:15

N naa waas, ŋaant ki n jii nisaarik nan u lɔɔ binbeŋ ki bikin, ki yin bann linba ki n beeri na paak: niib banlee-i sak ki lor lor a bin tun siar, ki sɔb bi sana, bi yenɔ ji kan fit nyi u lɔɔ na poor nan waama.

Galasia teeb 3:18

Kimaan li-i tee sennu dianu paakie ki Yennu teen niib u piinii, ŋann li wann nan u bo kan tur sɔɔ piinii u mɔsonn na paak; ŋaan li din tee Yennu mɔsonn na paake ki u tur Abraham u piinii maŋ.

Sennu 1:8

Gotirii, n jii tiŋ nae ki turi. Ii saa man ki saa kɔɔ yent tiŋ maŋ, tiŋ nba ki min Yennu senn mɔsonn ki tur i baanba Abraham nan Aisak nan Jakɔb nan bi maaru kur nba saa wei bi poor na.’ ”