Hiibru teeb 5:7 - Yennu Gbouŋ Mɔɔr

⁷ Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.

Yennu Gbounpaauŋ Mɔɔr

⁷ Tɔn, Yisa nba din be tingbouŋ na ni yoonba na u din mei Yennu ki barimɔ, ki bui nan ninnyuut Yennu nba sa fit fatɔ kuun ni na boor ni. Ki wa din baakit Yennu na paak ki Yennu din gbat u miaruwa.

Hiibru teeb 5:7 ပူးပေါင်းရင်းမြစ်များ

Yaŋ 22:24

U ki yêen talas damm nba be mukir ni, u ki nyɔr nyikib bi wahala ni; u ki lekin u numm bi paak, ŋaan gbiintir ki teemm, yoo nba ki bi fabin ki turɔ.

Yaŋ 69:1

Yennu, a tinnin, kimaan nyun na dian n yiake.

Yaŋ 88:1

N Yomdaanɔ Yennu, fine tee n tinntɔɔ, n mɔ fabin ki teena yonnu nan nyiɔk kur.

Aisaya 49:8

Yennu yet u niib a, “Yoo-i baar nan man tinni, n saa sommi, ki saa gbat i mɔnii nba jiin sommir po na. N saa guuri ki nyinni, ki i paak, n saa lor mɔlor nan nibooru kur. N saa te ki yin ŋamm kar i tiŋ nba dɔɔ yann na ni.

Aisaya 53:11

U biak dinu poor po ki u saa la parmaasir, ki bann nan u ki dii biak yann kaa. N toontunmɔnɔ nba ki n par mei u paak na saa gaar nisaarii bonchiann tubdatu, ki u paak n saa nyik chabib.

Aisaya 53:3

Ti din yisimɔe ki yêtɔ, ki u gubin gaar biak nan tont, sɔɔ din ki loon wun gotɔ. Ki ti yêtɔ, ki li naan nan u ki tee siar na.

Liifai teeb 2:2

ŋaan ji baar nann mannteeb nba tee Aarɔnn bonjai na boor. Ki manntɔɔ na saa finn yon nba ŋmat kpan na niipuk, ki bia jii bonnunubit na kur, ki joor muu, maruŋ binbintir na paak, ki lin wann nan bi jii li kur ki tur Yennu-wa. Ki jeet Yenpiinii maŋ nubiru saa maŋ Yennu.

Matiu 27:46

Kut muntaa maŋ yooe, ki Yiisa yikin sanpaapowa a “Eli, Eli, lema sabaktani?” Li paak tee a “N Yennu, n Yennu, bee ki a nyikimi?”

Matiu 27:50

Ki Yiisa ŋamm yikin sanpaapowa ŋaan ji kpo.

Barŋanii nba ki MAK din sɔb nae na 15:34

Kut muntaa maŋ yooe, ki Yiisa yikin nan kunkɔsaakar a, “Eloi, Eloi, lema sabaktani?” ki li paak tee a “N Yennu, n Yennu, bee ki a nyikimi?”

Barŋanii nba ki MAK din sɔb nae na 15:37

Ki Yiisa ŋamm yikin nan kunkɔsaakar, ŋaan ji kpo li yoo.

Barŋanii nba ki LUK din sɔb nae na 23:46

Ki Yiisa tan yikin sanpaapo ki yet a “N Baa Yennu, n jikit n seek ki kubint a nuu ni.” U yet nnae ŋaan ji kpo.

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki gbee nan ninbatinu, nan barmɔnii wannu, ki timm nba din be nanɔ na laat u yentsaakar, ki li yentsaakar nyii u Baa Yennu boor, kimaan u tee u Biyemmir.

Jɔɔnn 11:35

Ki Yiisa bui.

Jɔɔnn 11:42

N mi nan yoo kur a saak n miaru, ŋaan n yet nna, kimaan n loon nibur nba be nna na n gbat ki teen yadae nan fine tumin.”

Jɔɔnn 17:1

Yiisa nba din pak nna maŋ, ŋaan gokit got sanpaapo, ki yet a, “N Baa, yoo maŋ baara. Ŋaant ki min a Bija n la dontir, ki lian te ki a mun la dontir,

Rom Teeb 8:3

Yennu-e tun u mɔŋ Bija tingbouŋ na ni, ki u baar nan gbanant nba naan nan timm biitdamm gbanant na, ki tan gaar ti paak ki kpo. Ki u kuun maŋ paak ki Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Galasia teeb 4:4

Ŋaan yoo nba din tan jaŋ na, ki Yennu tun u mɔŋ Bija, ki poo marɔ, ki u sak Juu teeb sennu,

1 Timoti 3:16

Li tee barmɔniie nan Masia labaar nba ki Yennu fiit wannit na sumii bonchiann: U din dɔkit nan gbanante, Yennu Seyeeŋ wann nan u be fanu; ki malakanba din lau. Ki niib din mɔɔnt u labaar ki tur nibooru booru, ki bi teenɔ yada tingbouŋ na ni, ki Yennu tan donnɔ sanpaapo ki u la dontir.

Hiibru teeb 10:10

Yiisa Masia din tun linba ki Yennu loon wun tun nae, ki jii u gbanant ki mann maruŋ yomkɔɔ ki te ki ti teen Yennu niib.

Hiibru teeb 10:5

Li paak, Masia nba din yaa wun sik tingbouŋ na ni yoo nba na, u din bet Yennu a: “A ki loon maruŋ nan piinii kaa, ŋaan a ŋamm gbanante ki turin.

Hiibru teeb 11:7

Nowa yada paake din te ki u gbat Yennu kpaanii ki jiin bona nba ki u daa kan fit lar nan u ninbinn na po. U din sak Yennu mɔb ki kpaa ŋaringbeŋir, ki ŋɔɔ nan u ŋaateeb kɔɔ leŋ ki tinn. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinnɔ.

Hiibru teeb 12:28

Li paak, taa gaar naan nba kan mi ki nik na paak, ii ŋaan ki tii teen Yennu niipoouk man, ki jiantɔ nan baakir nan jaŋmaanii ki u numm n gboo,

Hiibru teeb 13:20

Yennu nba teent parmaasir nae din fiin ti Yomdaanɔ Yiisa kuun ni. Ŋɔɔ Yiisa-e tee ti guutɔjaann, kimaan u din kpo, ki u sɔn ŋamm Yennu mɔlor nba sii see mɔkmɔk nan mɔkmɔk na;

Hiibru teeb 2:14

Tɔn, Yennu waas nba tee nisaarii na paak, Yiisa mun din tee nisaarike nan ŋamm na, a u kuun ni wun tan biir Sintaanii nba mɔk kuun paŋ na,

1 Jɔɔnn 4:3

Ŋaan wunba ki seek piak u ni, ki u yaa u ki teen yada nan bi mar Yiisa nisaarike, ŋɔɔe ki mɔk Yennu Seyeeŋi. Li seek tee Yiisa dataak na yare. Bi din poŋ beti nan Yiisa dataak maŋ saa baara, ki mɔtana u poŋ baar tingbouŋ na niwa.

2 Jɔɔnn 1:7

Tɔn, kpinkpannii damm bonchiann poŋ yat lokir kur po tingbouŋ na niwa, binba ki teen yada nan bi mar Yiisa ki u tee nisaarik na. Li nibooru tee kpinkpannii damme, ki bia tee Yiisa datai.