Hiibru teeb 5:5 - Yennu Gbouŋ Mɔɔr

⁵ Nnae mun, Masia din ki nyinn u mɔŋ ki donn u mɔŋ a wuu tee manntɔyudaanɔ, ŋaan Yennu-e din yetɔ a: “Fine tee n Bija; dinnae ki n teen a Baa.”

Yennu Gbounpaauŋ Mɔɔr

⁵ Nnee mun, Masia din ki donn u mɔŋ ki gann u mɔŋ a wuu tee mantɔyudaanɔ, ŋaan Yennue din yetɔ a “A tee n Bijae; la nyii dinna ki n wann nan n tee a Baae.”

Hiibru teeb 5:5 ပူးပေါင်းရင်းမြစ်များ

Yaŋ 2:7

Ŋanne ki kpanbar na yet a, “N saa mɔɔnt linba ki Yennu pake. U pakin a, ‘Fine tee n bija, ki dinnae ki n teen a baa.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Jɔɔnn 3:16

Kimaan Yennu mantik loon tingbouŋ na bonchiann; li paak, ki u turit u Biyemmir, ki wunba teen u Bija maŋ yada, u tan kan kɔɔ muu ni, ŋaan u sii mɔk manfoor nba kaa gbennue,

Jɔɔnn 7:18

Daanɔ nba piak u mɔŋ yar, ŋɔɔ loon baakir ki teen u mɔŋe. Ŋaan wunba loon niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Jɔɔnn 8:54

Ki Yiisa jiimm a, “Mi-i bonni dontir n mɔŋie, li bo sii tee yanne, ŋaan wunba dontirin nae tee n Baa. Ŋɔɔe tee daanɔ nba ki i yaa u tee i Yennu na.

Rom Teeb 8:3

Yennu-e tun u mɔŋ Bija tingbouŋ na ni, ki u baar nan gbanant nba naan nan timm biitdamm gbanant na, ki tan gaar ti paak ki kpo. Ki u kuun maŋ paak ki Yennu biir biit nba be timm nisaarii para ni na paŋ. Sennu na ki fit tun nna, kimaan timm nisaarii ki fit diar fanu.

Hiibru teeb 1:1

Yaayoo ni, Yennu din jikit yoo bonchiann nan sɔnii bonchianne ki te ki sɔkiniinba piak teen timm Juu teeb yeejamm;

Hiibru teeb 1:5

Kimaan Yennu daa ki mi yet malakasɔɔ a: “Fine tee n Bija, ki dinnae ki n teen a Baa.” Yennu bia ki mi pak malakasɔɔ po a: “N tan sii tee u Baa, ki u tee n Bija.”

Hiibru teeb 2:17

Linba na want nan li din kpaa talase wuu tee nan u naa waas na u binbeŋ kur ni, ki teen bi manntɔyudaanɔ nba tee ninbatinu daanɔ, ki bia tee barmɔnii daanɔ, ki jii u mɔŋ ki teen maruŋ ki tur nisaarii Yennu boor, ki wun nyik chab bi biit.

Hiibru teeb 3:1

N naa waas nba tee Yennu niib ki u ganni na, ii dukii Yiisa po, wunba ki Yennu din tumɔ a wun teen manntɔyudaanɔ ti Yenjiantu sɔnu ni na.

Hiibru teeb 5:10

Ŋanne ki Yennu yiinɔ mannteeb yudaanɔ, Melkisedek paabu ni.