Hiibru teeb 5:14 - Yennu Gbouŋ Mɔɔr

¹⁴ Ŋaan jeŋmankat tee saakab yare, ŋamme tuu tumii ki bann bonbiir nan bonŋann bɔkitu.

Yennu Gbounpaauŋ Mɔɔr

¹⁴ Ŋaan jeŋmankat tee saakab yare, ŋamm tuu tumii ki fit bann linba tee bonbiir nan linba tee bonŋann.

Hiibru teeb 5:14 ပူးပေါင်းရင်းမြစ်များ

Pinpiik 3:5

kimaan Yennu mi nan daar nba ki i dii tiik na lɔɔna, i numpo saa yente, ki i ji tee nan Yennu maŋ na, ki sii mɔk yan nba bɔkitir bonŋann nan bonbiir.”

2 Samuel 14:17

N yet n mɔŋ nan a mɔsonn na saa tinnima, kimaan fin kpanbar tee nan Yennu malaka nae, ki fit bant bonŋann nan bonbiir. Yabint daanɔ Yennu-ii be nana.”

1 Kpanbara 3:11

ki u yetɔ a, “Faa ki boi a tiɔŋ manfofoouk po, ki bia ki boi mɔkint po, koo a datai kuun po, ŋaan boi yanfoon nba ki a saa fit dia niib fanu na,

1 Kpanbara 3:9

Li paak, turimin yanfoon nba ki n saa fit dia a niib maŋ nan barmɔnii, ki bia fit bann bonŋann nan bonbiir bɔkitu. Nna-i kaa, n saa teen nlee ki fit dia a niib nba kaa kann na?”

JOB labaar 12:11

A lamm nba bant jeet manu biaŋinba na, nnae ki a tuba gbia maan.

JOB labaar 34:3

I mi jemant yoo nba ki i lemmir, ŋaan i ki fit bant yan maan, yoo nba ki i gbatiri.

JOB labaar 6:30

ŋaan ki i dukii nan n faa faake. I dukii nan n kan fit bɔkit bonŋann nan bonbiiri.

Yaŋ 119:103

A mɔmaan man bonchiann, li man ki gar siata.

Yankpaŋii 1:3

A nubiru man ki tee nan bonnunubit nae; ki a sann tee nan bi kpaar bonnunubit ki mɔɔn na. Li ki tee birisuk kaa nan sapaamm na loona.

Yankpaŋii 2:3

Tilontii nba ŋan ki gar tilei biaŋinba na, nnae ki n yɔɔk fan ki gar jaleeb. N loon ki mii kaar u maasu, ki u lɔɔna na-ii man n mɔb ni.

Aisaya 7:15

Yoo nba ki u tan saa subir ki ji dukii linba ki u saa tun na, niib tan sii nyu naabiime ki di siat.

Matiu 5:48

Li paak, ii be man fanu nan i Baa Yennu nba be sanpaapo na.

Rom Teeb 14:1

Gaat yadkanpɔɔna damm na man, ki daa nɔi namm mɔniɔk bi yada po.

1 Korint teeb 2:6

Mamɔmm, ti piak nan yame ki teen binba ki bi para chee Yiisaweiu ni na. Li ki tee tingbouŋ na niib yan, koo tingbouŋ na paŋ damm nba ki bi panii saa teen yann na kaa.

Efesus teeb 1:18

N bia meiɔ maa wun yent i numpo, ki yin bann dindann nba paak ki u yiini na, ki bia bann nan bona nba ki u tan saa tur u niib na ŋan bonchiann,

Efesus teeb 4:13

Li paak, taa teen Yennu Bija yada ki bannɔ na, ti saa taan yomme kii tee niib nba binbeŋ ŋan, ki tee nan ŋɔɔ Masia yar na.

Filipi teeb 3:15

Li kpaa talase ki timm nba kur tee subirteeb Seyeeŋ ni na-ii mɔk dudukit maŋ booru, ŋaan i siab-i mɔk dudukgantie, Yennu saa te lin yent li damm nunii powa.

1 Tesalonika teeb 5:21

ŋaan ii tuu mintaa ki bikin bonsiar kur, ki gaar linba ŋan,

1 Timoti 4:7

Daa saak faak maan, kimaan li ki tee Yennu yari; li ki mɔk nyɔɔti; ŋaan a tumii yentinu binbeŋ nan ninmɔnn.

Hiibru teeb 6:1

Li paak, ŋaant man ki tii dia saakayan kii tumii Masia barii kii saa tɔɔnn; ki ŋamm tumii u barii bonchiann ki pukin pinpiik ni wannu na po; li ji ki kpaa talas bin ŋamm wanni a, nyikin toonbiit nba tee kuun sɔnu, ki teen Yennu yada,

Jeems 3:2

Ti kur tuun linba ki took sɔnii bonchiann ni, ŋaan wunba ki piak mabiit, li daanɔe set tee wunba chee, ki saa fit soor u mɔŋ.