Hiibru teeb 4:3 - Yennu Gbouŋ Mɔɔr

³ Li paak, timm nba teen yada na, ti la foon maŋa. Li din tun nan Yennu nba yet biaŋinba nae a: “N wutoore doo, ki n betib a bi kan ban kɔɔ tiŋ nba ni ki n bo yaa n turib foon na.” Ŋaan waa din tan yeen linba na, ki sɔɔ ki u tun u naamii toona ki gbenna.

Yennu Gbounpaauŋ Mɔɔr

³ Li paak, timm nba teen yada na, ti la foon maŋa. Li din tun kaman nan Yennu nba din yet biaŋinba na a “N wutoore doo, ki n por mɔb a ŋamm tan kan kɔɔ foon tiŋ nba ki n din bo sa turib na ni.” Ŋaan wa din tan yet linba na na, ki sɔɔ ki u poŋ tun u naamii toona gbenn pinpiik niwa.

Hiibru teeb 4:3 ပူးပေါင်းရင်းမြစ်များ

Pinpiik 1:31

Ki ŋɔɔ Yennu la linba kur ki u nan na, ki li ŋan bonchiann. Ki nyiɔk bɔnn, ki li yent, daa ŋanloob niŋe na.

Yaŋ 95:11

N wutoor din dooe, ki n por mɔporjaann a, ‘I kan ban kɔɔ tiŋ nba ki n bo yaa man turi foon na ni.’ ”

Nyinu 20:11

Daa ŋanloobe ki min Yennu jii ki nan tingbouŋ nan sanpaak nan mɔkgbeŋa nan linba kur be li ni, ŋaan ki daa ŋanlore daar na ki n foi. Ŋanne ki min Yennu teen piisin foon daar maŋ paak, ki teenir kasii.

Aisaya 28:12

U loon wun turi foon nan parmaasir, ŋaan ki i yêt yin gbiint turɔ.

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Esekiel 20:38

N saa nyinn damm nba be nani, ki tee mɔyêtdamm ki tuun toonbiit na. N saa nyinnib tinii nba ki bi kar mɔtana na ni. Ŋaan n ji kan te bin jen Israel tiŋ na ni. Ki i saa bann nan mine tee Yennu.”

Matiu 13:35

U tun nnae a linba ki Yennu sɔkiniisɔɔ din sɔkin na n gbee a, “N tan saa yaat n mɔb ki yet barjokite, ki pak fiit wann woonin ni bona nba din woon ki ki nyii paanu durinya piinu niwa ki tan tuu mɔtana na.”

Matiu 25:34

Ki min Bat saa yet binba see n niidiitu po na a ‘Yimm nba ki n Baa Yennu teen piisin i paak na, ii saana man ki tan kɔɔ naan nba ki Yennu ŋamm ki guuni durinya piinu niwa na,

Efesus teeb 1:4

Yennu nba poŋ daa din ki nan tingbouŋ yoo nba naewa, ki u gannit a tii tee u niib, Yiisa Masia paak, kii tee popeendamm ki daa mɔk biit u boori.

Hiibru teeb 3:11

N din donn wutoor ki betib a bi kan mi baar maa bo yaa n turib foon tiŋ nba na ni.’ ”

Hiibru teeb 3:14

Kimaan ti-i dia ti sinsinn yada na chib ki saa baar ti manfoor joontu, timm nan Masia sii tee toontunnanleebe.

Hiibru teeb 9:26

Li-i diŋi bonni tee nnaie, ŋann laa din nyii durinya namu pinpiik niwa, u din bo saa di biak taar munŋaaewa. Ŋaan mɔtana, yoo nba per joontu na, ki u dɔkit a wun jii u mɔŋ ki mann maruŋ ki kpeen biit.

1 Piita 1:20

Yennu nba daa din ki nan durinya yoo nba na, ŋaan ki u poŋ gann Masia a wuu tee maruŋ maŋ, ki u tan nyii paanu dajoontii na ni, ti paak.