Hiibru teeb 4:13 - Yennu Gbouŋ Mɔɔr

¹³ Bont kur dɔɔ yeenin nie, ki Yennu nba tan saa bu bi buut na ninbina laatir; ki siar kaa ki bɔri.

Yennu Gbounpaauŋ Mɔɔr

¹³ Ki bonnankar kur dɔɔ yeenin ni, ki Yennu wunba tan sa bu bi buut na ninbina laatib; ki bonsiar kaa ki bɔri.

Hiibru teeb 4:13 ပူးပေါင်းရင်းမြစ်များ

1 Barkperii 28:9

Ki Defid yet Solomonn a, “N bija Solomonn, n beera nan ii mi a baa Yennu, kii jiantirɔ nan a par munn nan a yan kur. U mi ti dudukit nan taa loon linba kur. Fi-i baar u boor, u saa gaarawa, ŋaan fi-i turɔ kpinkpaar, u saa nyikae fas fas.

2 Barkperii 16:9

Yennu-e laat durinya na niib kur, ki teen binba para be nanɔ fanu na paŋ. I tun jatiiwa, li paak, laa nyii mɔtana ki saa, i sii tun be tɔb nie.”

2 Barkperii 6:30

fan gbat u miaru. Faa be a ŋaak ni, yendɔuŋ ni na, a gbiint bi miaru, ki nyik chabib. Fin kɔɔe mi sɔɔ kur par ni nba tee biaŋinba. A teen sɔɔ kur linba jaŋitɔe,

JOB labaar 26:6

Kpeen tiŋ na loot yaae Yennu boor; ki siar ki dɔɔkir u boori.

JOB labaar 34:21

U laat taaŋmaatir nba kur ki nirɔ ŋmaan.

JOB labaar 38:17

Sɔɔ ban wanna tammɔkɔɔka nba loo kpeentiŋ nba tee bunbɔnn nawa-a?

Yaŋ 139:4

N tuu tan piak na ki poŋ sɔɔ ki a mi maa saa pak linba.

Yaŋ 44:21

a set bo saa banne, kimaan a mi ti dudukit.

Yaŋ 7:9

A tee popeenn Yennu-e, ki bu ti para ni nan ti dudukit ni buut. Potir nɔɔntont damm binbeŋ na, ŋaan tur niŋamm na nyɔɔt.

Yaŋ 90:8

A bir ti yanbɔmm a tɔɔnn po, ki bir ti bunbɔr yanbɔmm yeenin ni, siaminba ki a sii laatir.

Barjokit 15:11

Kpeentiŋ gbaa, ŋaan siar ki dɔɔk Yennu nan wun bann linba be leŋi, ki niib ji saa teen nlee ki bɔrɔ bi dudukiti?

Barjokit 15:3

Yennu laat linba tuun lokir kur po, u gorii linba ki ti tuun kur, laa ŋan koo laa bi.

Barjokit 5:21

Yennu laat faa tuun linba kur. Siaminba kur ki a saan, ŋaan Yennu goriiae.

Banntɔɔ 12:14

Yennu tan saa bu linba kur ki ti tuun na buuta, nan linba ki ti lek tumir bunbɔnn ni, laa lek tee bonŋann koo bonbiiri.

Jeremaya 16:17

N laat linba kur ki bi tuun, siar ki bɔrmi, ki bi biit ki mir bot n tɔɔnn po.

Jeremaya 17:10

Min Yennu-e gorii nirɔ par ni, ki bikii nirɔ yan. N pa nirɔ kur nan u binbeŋ nba tee biaŋinbae, nan waa tuun linba.”

Jeremaya 23:24

Sɔɔ kan fit bɔr siar boor ki n kan lau. I ki mi nan n be siar kur boore sanpaapo nan tiŋ na ni-i?

Jeremaya 29:23

Bi joontu sii tee nnae, kimaan bi tun bonbilankanta, bi tun bonchonchonn toona ki bia faar faak Yennu sann niwa. Yennu din ki loon bin tun linba na, u mi baa tun linba, ki tee siarae li po. Yennu-e pak na.”

Daniel 2:22

Ŋɔɔe fiitir maan nba sumii, ki be bɔr ni. U mi linba bɔr bunbɔnn ni, ŋaan ki u mɔŋ be yentu ni.

Matiu 6:4

Tumin woonin ni, ki a Baa Yennu nba laat woonin ni na saa pa-a ((paanu ni.))

Jɔɔnn 2:24

ŋaan Yiisa din ki jii u mɔŋ ki chabibi, kimaan u mi sɔɔ kur nba tee wunba.

Jɔɔnn 21:17

Ki taar muntaa ni ki Yiisa boiɔ a, “Simonn, fin Jɔɔnn bija, a loonimi-i?” Ki Piita par ji biir, kimaan Yiisa nba boiɔ taar muntaa a, “A loonimi-i?” na. Ki u yetɔ a, “N Yomdaanɔ, a mi bonsiar kur. A mi nan n loona.” Ki Yiisa betɔ a, “Ii dint n pei.

Jɔɔnn 4:16

Ki Yiisa betɔ a, “Ii saa ki yiin a sɔrɔ ki jen nanɔ na.”

Toona 17:31

kimaan ŋɔɔ Yennu poŋ senn daar nba ki u saa bu tingbouŋ na ŋaateeb kur buut chib chiba. U saa te ki wunba ki u gannɔ nae n bu buut maŋ. Waa set fiinɔ kuun ni na, ki li tee nyinn ki tur sɔɔ kur a ŋɔɔe sii tee barbuurɔ.”

Rom Teeb 2:16

Tɔn, li tan sii tee nnae daar nba ki Yennu saa bu niib kur para ni buut Yiisa Masia paak, nan maa mɔɔntir barŋanii maŋ biaŋinba na.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

2 Korint teeb 5:10

Kimaan ti kur binbeŋ tan saa nyi paanu Masia tɔɔnn, buut daar, ki sɔɔ kur tan saa gaar paauk nan u toona nba tuu tee biaŋinba tingbouŋ na ni nae, laa tan ŋani, laa bii, li fan nana.

Fiitu 2:23

ki kpi u weira na kur; ki n weira na saa bann nan mine tee wunba mi niib dudukit nan bi loomm nba tee biaŋinba, ki saa tur sɔɔ kur u toona nyɔɔt nba tee biaŋinba.

1 Samuel 16:7

Ŋaan ki Yennu yet Samuel a, “A daa bikii jɔɔ na ŋant koo u fɔkinti. N ki gannɔ, kimaan n ki gani nan nisaarik na kaa. Nisaarik gorii gbanante, ŋaan min ŋarin gorii nisaarik par nie.”