Hiibru teeb 3:7 - Yennu Gbouŋ Mɔɔr

⁷ Li paak, ii sak man Seyeeŋ nba yet biaŋinba na a: “I-i gbat Yennu kunkɔr dinna,

Yennu Gbounpaauŋ Mɔɔr

⁷ Li paak, i sak man Seyeeŋ nba yet biaŋinba na a “I-i gbat Yennu kunkɔr dinna,

Hiibru teeb 3:7 ပူးပေါင်းရင်းမြစ်များ

2 Samuel 23:2

Yennu Seek te ki n pak, ki u mɔbona be n jerin paak.

Yaŋ 81:11

“Ŋaan n niib na kan gbiint ki turimi. Israel teeb na kan sikin bi mɔŋ ki turin.

Yaŋ 81:13

N niib-i bonni saa gbiint ki turin, Israel teeb maŋ-i bonni saa wei n wannu,

Barjokit 27:1

A daa ban faa parbiir wonn paaki, kimaan a ki mi daar maŋ nba saa baar nan linba.

Banntɔɔ 9:10

Linba kur ki a tuun, a tun nan ninmɔnn, kimaan toonsiar tan sii kaa, koo bannu tan sii kaa, koo yanfoon tan sii kaa kpeentiŋ, siaminba ki a saa na.

Aisaya 55:3

“N niib, gbiintir turin man, ki baar n boor. Baat n boor, ki i saa la manfoor. N saa lor mɔlor kangbennuk nani, ki turi piisin nba ki n din senn mɔsonn ki tur Defid na.

Aisaya 55:6

Jenin Yennu boor, ki miarɔ yoo nba ki u naak na.

Matiu 17:5

Piita mɔb daa ki baa tiŋ kaawa, ki sanpagbounpeeuŋ sik bakin bi paak; ki bi gbat kunkɔsiar nyii sanpagbouŋ na ni, ki yet a “N Bilonkake na, wunba ki n numm gboou, gbiintir u mɔb man.”

Matiu 22:43

Ki u ji boib a “Ki bee ki Defid din yiinɔ a ‘Yomdaanɔ?’ Yennu Seyeeŋ nba din gbee Defid na ki u yet a

Barŋanii nba ki MAK din sɔb nae na 12:36

kimaan Yennu Seyeeŋe din gbee Defid ki u yet a, ‘Yennu din yet n Yomdaanɔ a, Karin n niidiitu po mɔkmɔk nan maa tan saa te fan ŋmaa a datai a taapauŋ ni.’

Jɔɔnn 10:16

Pelei be ki tee n yab, ŋaan ŋamm kaa pelook na ni. See ki n baar nan ŋamm mun biak, ki bi saa sak n mɔb, ki bi kur ji sii tee pebooryeŋ, ki mɔk pekpaaryeŋ kɔɔ.

Jɔɔnn 10:27

N pei saak n mɔb, ki n mib, ki bi waan,

Jɔɔnn 10:3

Wuu taŋi baat a wun kɔɔ, tammɔguurɔ na saa loote, ki wun kɔɔ; ki u yi u mɔŋ pei na sana, ki bi gbia u mɔb, ki u nyintib.

Jɔɔnn 5:25

“Barmɔniie ki n beeri na, yoo baat, ki poŋ baara, ki kpeemm tan saa gbat min Yennu Bija kunkɔr, ki binba gbat n kunkɔr maŋ saa la manfoor nba kaa gbennu.

Toona 1:16

ki yet a, “N naa waas, linba ki Yennu Seyeeŋ din te ki Defid din sint bunt buntir ki jiin Judas po, ki li sɔb Yennu gbouŋ ni na, li kpaa talase ki lin set tan gbee. Judas maŋe tee daanɔ nba daan wann niib ki bi soor Yiisa na.

Toona 28:25

Ki bi jak leeb nan mɔniɔk, ki yaa bin yat. Ŋanne ki Pɔɔl pak bonyennkɔɔ a, “Yoo nba ki Yennu Seyeeŋ din te ki u sɔkinii Aisaya pak tur ti yeejamm na, u din pak mɔniie,

Toona 8:29

Ki Yennu Seyeeŋ yet Filip a, “Ii saa nakin toruk na.”

Hiibru teeb 10:15

Ki Yennu Seyeeŋ mun bia teent u siara a:

Hiibru teeb 3:13

Ŋaan ii sommit leeb man daar n tuu daar, taa daa be ti manfoor ni yoo nba na, ki biit daa kpanni ki i tee tubkangbata.

Hiibru teeb 3:15

Nnae ki bi din sɔb Yennu gbouŋ ni a: “I-i gbat Yennu kunkɔr dinna, yaa daa nyar i tuba nan i yeejamm nba din nyar bi tuba biaŋinba, ki din kɔn nan Yennu ki yêtɔ na.”

Hiibru teeb 4:7

Yennu bia senn daleer ki yi daar maŋ “Dinna.” Ki bina bonchiann din gar, ki Yennu te ki Defid yet li po nan laa poŋ pak biaŋinba na a: “I-i gbat Yennu kunkɔr dinna, yaa daa nyar i tuba.”

Hiibru teeb 9:8

Yennu Seyeeŋ din want Yenjiantu lanbouŋ na po fanu, a siaminba tee kasii yaa kasii boor na daa ki loot, yoo nba ki paklooru maŋ daa be na.

2 Piita 1:21

kimaan Yennu sɔkiniinba sɔɔ din ki mi dukin u mɔŋ loomm ni ki paki, ŋaan Yennu Seyeeŋe din wantib biaŋinba ki bi saa pak labaar nba nyii ŋɔɔ Yennu boor na.

Fiitu 3:20

Nnara, n see tammɔb ni ki kpaan gann; wunba gbat n kunkɔr ki loot gann maŋ, n saa kɔɔ u boor, ki min nan ŋɔɔ saa lakin di.