Hiibru teeb 2:12 - Yennu Gbouŋ Mɔɔr

¹² U bet Yennu a, “N saa wann n niib faa tun ŋamm nba ki turin, ki saa dont a sann bi lakinn ni.”

Yennu Gbounpaauŋ Mɔɔr

¹² U bet Yennu a “N tan sa mɔɔnt a sann n naa waas boor; n tan sa paka bi lakinn ni.”

Hiibru teeb 2:12 ပူးပေါင်းရင်းမြစ်များ

Yaŋ 111:1

Pakin Yennu man. N saa jii n par kure ki tur Yennu niipoouk, nibur boor.

Yaŋ 22:22

Ki n saa wann n niib faa tun ŋamm nba ki turin, ki saa dont a sann bi tintaanu ni.

Yaŋ 22:25

Nibur tintaanu niŋe ki n saa pak a sann linba ki a tun turin na paak, ki jii n piinii nba ki n senn mɔsonn na, ki mann maruŋ niib nba jiantira na tɔɔnn.

Yaŋ 40:10

N ki woon a tinnu maan na n par ni. N tun piak a barmɔnii binbeŋ nan a sommir poe. N ki ŋmin nan mɔmaan na paku, a niib kur tintaanu ni, ki piak a lomm nan barmɔnii nba tee biaŋinba.

Jɔɔnn 18:20

Ki Yiisa betɔ a, “N poŋ tuu piak yeenin ni ki teen sɔɔ kur, ki ki bɔri n wannu kur nba ki n tuu wanti. N tuu want niib Yenjiantu diit ni nan Yenjiantu ŋasaakak ni, siaminba ki Juu teeb kur tuu baat lakint na. Min ŋarin ki mi pak siar woonin ni.

Hiibru teeb 12:23

Yimm tan baar niib nba ki Yennu teemm u waas, ki bi sana sɔb Yendɔuŋ ni na boore. I baar Yennu nba tee nisaarik kur barbuurɔ na boore, nan popeendamm nba ki Yennu te ki bi sei be fanu na boor.