Hiibru teeb 13:6 - Yennu Gbouŋ Mɔɔr

⁶ Li paak, ŋaant ki tii mɔk parcheenn ki yet a: “Yennu-e tee n sommtɔɔ, n kan tin jaŋmaanii, nisaarik saa teenin bee?”

Yennu Gbounpaauŋ Mɔɔr

⁶ Li paak, ŋaant ki tii mɔk parcheenn ki yet a “Ti Yomdaanɔ tee n sommtɔɔ, n kan tin jaŋmaanii, nisaarik sa teenin bee?”

Hiibru teeb 13:6 ပူးပေါင်းရင်းမြစ်များ

Pinpiik 15:1

Linba na poorpoe ki Yennu mɔmaan baar Abram, yirintu ni. Yennu maŋ din yetɔ a, “Abram, daa tiin jaŋmaanii. N saa nyinna ninmɔnn ni, ki bia tura paab bonchiann.”

1 Kpanbara 17:8

Ŋanne ki Yennu pak Elaija a,

Yaŋ 124:8

Ti sommir nyi Yennu boore, ŋɔɔe nan sanpaak nan tiŋ.

Yaŋ 146:3

Daa jikit a dindann ki tee nisaarii tɔɔndamm ni; nisaarik kaa ki saa fit tinna.

Yaŋ 27:9

A daa bɔrii a numm nanimi, a daa dont wutoor nanin, koo ki beer min a daabiri. N tinntɔɔ Yennu, fine tun ki tee n sommtɔɔ, a daa yêenin ki nyikinimi.

Yaŋ 33:20

Ti dindann maa Yennu paake, ŋɔɔe tee ti guutɔɔ nan ti sommtɔɔ.

Yaŋ 40:17

Yennu, n tee nibutiŋe ki tee tarik, ŋaan a ki tamm n po. Fine tee n tinntɔɔ ki tee n Yennu. Baat yian ki tan sommin.

Yaŋ 54:4

Ŋaan barmɔnii, Yennu-e tee n sommtɔɔ. Ti Yomdaanɔe tee n fat-tɔɔ.

Yaŋ 56:4

N teen Yennu-e yada ki ki mɔk jaŋmaanii, ki dontir u sann, kimaan u mɔsonn na paak. Nisaarik saa fit teenin bee?

Yaŋ 63:7

kimaan a tun tee n sommtɔɔe; ki n sii be a kpinkpant maasu ki yin parpeenn yaŋ.

Yaŋ 94:17

Li-i bonni kii tee ki Yennu sommin, n bo saa saan kpeentiŋe yiama.

Nyinu 18:4

U bia din yet a, “N baa Yennu sommin ki tinnin, ki Ijipt kpanbar ki fit kpiimi,” ki pur bonjaleek na Elieser.

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

Rom Teeb 8:31

Ti-i got linba na kur, ti saa yet a bia? Li-i tee ki Yennu be ti po, ŋmee ji be ki saa biiriti?

Efesus teeb 3:12

Taa teen Masia yada ki be u ni na paake, ki ti mɔk yuugontir ki saa baar Yennu boor nan parcheenn.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.

Hiibru teeb 10:19

N naa waas, Yiisa kuun maŋ paak ti mɔk parcheenn nan tin kɔɔ boor nba tee kasii yaa kasii na ni.

Hiibru teeb 4:16

Li paak, ŋaant man ki tii mɔk parcheenn ki baar Yennu nba tee burchindaanɔ na naangbouŋ boor, ki la ninbatinu nan sommir ki lin sommit yoo nba ki ti loonir.

1 Samuel 23:17

ki beerɔ a, “A daa tiin jaŋmaanii. N baa Sɔɔl kan fit kpiiani, u mi fanu nan fine sii tee Israel teeb kpanbar, ki n sii waa a paak.”