Hiibru teeb 13:16 - Yennu Gbouŋ Mɔɔr

¹⁶ I daa nyikit toonŋana tumu, kii chentir yaa mɔk linba nan i leeb. Li maruŋ boorue pent Yennu par.

Yennu Gbounpaauŋ Mɔɔr

¹⁶ I daa nyikit toonŋana tumu, kii chentir ya mɔk linba nan i leeb. Li mannboorue pent Yennu par ni.

Hiibru teeb 13:16 ပူးပေါင်းရင်းမြစ်များ

Yaŋ 37:3

Teent Yennu yada kii tuun linba ŋan, ki li saa te ki a be tiŋ na paak nan laafia.

Yaŋ 51:19

Ki li saa te ki a mɔk parpeenn nan maruŋ nba ŋan, nan mujoonu piinii, ki bi sii kpi naajai ki mann maruŋ, a binbintir na paak.

Barŋanii nba ki LUK din sɔb nae na 18:22

Yiisa nba gbat u jiinu na ki u betɔ a “Bonyennkɔɔe pɔta; kɔin linba kur ki a mɔk ki jii li likirii ki tur talasdamm, kii mɔk mɔkint Yendɔuŋ ni, ki ji kii waan.”

Toona 10:38

I bia poŋ mi biaŋinba ki Yennu nyinn Yiisa maŋ, ki turɔ u Seyeeŋ nan u paŋ, ki u lin tuun toonŋana, ki bia te binba kur ki Sintaanii teemm baatib na la laafia, kimaan Yennu be nanɔ.

Toona 9:36

Poosɔɔ mun din be Jɔpa, ki u sann tee Tabiita, ŋaan Griik maan ni, ki bi yiu Dɔkas, ki li paak tee piarɔ. U din tee Yiisaweirɔe, ki tuun toonŋana bonchiann ki teen niib, ki bia sommit talasdamm.

Rom Teeb 12:13

ki paat linba ki i mɔk ki tur Yennu niib nba ki mɔk na, kii gaan Yennu niib nba tee saamm kii chantirib i ŋei ni.

Galasia teeb 6:10

Li paak, ti-i la yaak, tin tun linba ŋan ki tur sɔɔ kura; ŋaan mantik kii tuun kii teen binba teen Masia yada ki waau na.

Galasia teeb 6:6

Nirɔ nba ki bi wantɔ Yiisa Masia barŋanii na, li ŋan ki li yɔɔ n mun jii linba ki u mɔk kur ki chent nan u wanntɔɔ maŋ.

Efesus teeb 4:28

Wunba tuu jaan u leeb bont na, wun ji nyik jamu, ŋaan yabir tun toona ki dinn u mɔŋ, ki bia fit tur tatimm linba ki bi loon.

Filipi teeb 4:14

Ŋaan i daan tun fanu bonchiann nan yaa daan sommin n fara dinu ni na.

Filipi teeb 4:18

N gaar i piinii na munna ki li jaŋima. Piinii nba ki i daan tun Epafrodaitus nann na te ki n gboowa. Li piinii naan nan mannu nba nubir man nae ki teen Yennu, ki penn u par, ki u gaarir.

1 Tesalonika teeb 5:15

I daa tuun biit ki jiint biit paaki, ŋaan ii te ki lii tee i lor yoo kur nan yin tun linba ŋan ki tur i leeb nan sɔɔ kur.

2 Tesalonika teeb 3:13

Ti naa waas, ii mi ki i bak nan toonŋana tumu man.

1 Timoti 6:18

Bii tuun toonŋana, ki bi toonŋana maŋ-ii yab; ki bi nii-ii yaa nan piinii turu.

Filemonn 1:6

N mei Yennu, a timm nan fin nba taan ki teen Masia yada na, lin te ki tin bann fanu binbenŋaŋ nba tee ti yar u ni na.

Hiibru teeb 6:10

Yennu-e ŋan, ki kan tamm yaa tun linba ki turɔ, koo yaa loonɔ biaŋinba ki somm Masiaweira, ki bia daa sommitib na.

3 Jɔɔnn 1:11

N yɔɔk, daa tokii sɔɔ toonbiiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun toonbiit, u ki bann Yennu.