Hiibru teeb 11:29 - Yennu Gbouŋ Mɔɔr

²⁹ Israel teeb yada paake ki Mɔkmuŋ na din bɔkit ki teen tinkooŋ ki turib ki bi poot, ki Ijipt teeb na mun yabir a bin poot, ŋaan ki mɔkir maŋ nyun jiin mubin ki diib.

Yennu Gbounpaauŋ Mɔɔr

²⁹ Israel teeb yada paake ki mɔkgbenmuŋ na din bɔkit ki teen tinkooŋ ki turib ki bi poot, ŋaan ki Ijipt teeb mun din yabir bi mɔŋ a bin poot, ki mɔkir maŋ nyun na jiin mubin ki diib.

Hiibru teeb 11:29 ပူးပေါင်းရင်းမြစ်များ

Nehemaya 9:11

A din bir sɔnu mɔkgbeŋir na ni ki tur a niib, ki bi somm tinkooŋ paak ki poot, ki binba din waa beerib na dii nyun nan tann nba tuu baa mɔkgbeŋir ni ki kpii biaŋinba na.

Yaŋ 66:6

U te ki mɔkgbeŋir kpant tinkooŋ, ki ti yeejamm somm tiŋ maŋ ni ki poot. Ŋanne ki ti ji kpamm waa tun nna maŋ.

Yaŋ 78:13

Yennu din bɔkit mɔkgbeŋir ki te ki bi somm gar li ni, ki te nyunpana set nan joona na.

Nyinu 14:13

Ki Moses jiin a, “I daa tiin jaŋmaanii. Setir i taajaa paak man, ki la linba ki Yennu saa tun ki tinni dinna. I ji kan ban la Ijipt teeb na.

Nyinu 14:22

ki Israel teeb somm tinkooŋ, mɔkgbeŋir na ni, ki poot, ŋaan ki nyunjoona see gaŋ nan diitu po kura.

Nyinu 14:27

Ki Moses tant nuu mɔkgbeŋir na paak, ki li tan yentir sanyiɔk na, ki sɔɔ nyun gbee ki jen li bannuwa. Ijipt teeb na din loon bin chiar ki nyi nyun na nie, ŋaan ki Yennu te ki nyun na mubimm.

Joosua 2:10

Ti mi gbat Yennu nba din te ki Mɔkmuŋ fɔɔr i numm ni, yoo nba ki i din nyii Ijipt nawa. Ti bia ban gbat biaŋinba ki i din kpii bat Sihonn nan bat Og, Amor teeb batnba banlee nba din be Jɔɔdann mɔkir yondo po nawa.