Hiibru teeb 11:23 - Yennu Gbouŋ Mɔɔr

²³ Moses baa nan u naa nba din marɔ yoo nba ki la ki u fan bonchiann na, bi yada paake ki bi din bɔrɔ ki tan jaŋ ŋmaarii ŋantaa, ki din ki jee bat sennu na.

Yennu Gbounpaauŋ Mɔɔr

²³ Moses baa nan u naa nba din marɔ yoonba ki la ki u fan bonchiann na, bi yada paak ki bi din bɔrɔ ki tan jaŋ ŋmaarii ŋanntaa, ki din ki jee bat sennu na.

Hiibru teeb 11:23 ပူးပေါင်းရင်းမြစ်များ

Yaŋ 118:6

Yennu be nanin, n ki jee siar; nirɔ saa fit teenin bee?

Yaŋ 56:4

N teen Yennu-e yada ki ki mɔk jaŋmaanii, ki dontir u sann, kimaan u mɔsonn na paak. Nisaarik saa fit teenin bee?

Nyinu 1:16

“Li-i tee ki i somm Israel poo ki u mar, ki bik na tee bonjak, yin kpiu, ŋaan wuu tee bonpooki, yin nyikɔ.”

Nyinu 1:22

Ki li joontu, Ijipt kpanbar na ji din tan senn sennue ki tur u niib kur a, “Jiin Israel bonjabik kur ki lu-u Nail mɔkir ni, ŋaan nyik bonpoi na ki bii be.”

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 51:12

Ki Yennu yet a, “Mine kɔɔnta paŋ. Bee ki a tiin nisaarik nba saa kpo na, nisaarik nba ki yukii nan mɔɔt nba ki yukii na?

Aisaya 51:7

“Gbiintir turin man, yimm nba mi linba ŋan, ki tee binba jii n tumiiu ki teen bi para ni. I daa tiin jaŋmaanii, li-i tee ki niib yisimi ki sukii-i.

Daniel 6:10

Yoo nba ki Daniel gbat nan bi senn sennu na na, ki u fiir kun ŋaak ni. U din tan doo u ŋaak ditɔɔtii paak, ki gbaan, takoru nba loot ki tor Jerusalem po na boor, ki mei Yennu nan waa tuu mei biaŋinba na, taar muntaa daar nɔɔk ni.

Matiu 10:28

I daa tiin binba saa fit kpi i gbanant, ŋaan kan fit kpi i sei; ii tiin man Yennu, wunba saa fit biir i gbanant nan i sei kura muu ni na.

Toona 7:20

“Ŋanne ki bi din tan mar Moses, ki u fan bonchiann, ki be u baa ŋaak ŋmaarii ŋantaa.

Hiibru teeb 13:6

Li paak, ŋaant ki tii mɔk parcheenn ki yet a: “Yennu-e tee n sommtɔɔ, n kan tin jaŋmaanii, nisaarik saa teenin bee?”