Hiibru teeb 1:10 - Yennu Gbouŋ Mɔɔr

¹⁰ Yennu gbouŋ bia din yet a “Yennu, pinpiik niwa fine din nan tingbouŋ na, ki nan sanpaak nan a mɔŋ nii.

Yennu Gbounpaauŋ Mɔɔr

¹⁰ Li bia din yet a “N Yomdaanɔ, fine din nan tingbouŋ na pinpiik niwa, ki nan sanpaak nan a mɔŋ nii.

Hiibru teeb 1:10 ပူးပေါင်းရင်းမြစ်များ

Pinpiik 1:1

Pinpiik ni dinn ki Yennu nan sanpaak nan tiŋ.

Yaŋ 19:1

Sanpaak want Yennu baakir nba tee biaŋinbae; ki sanpagbant mɔɔntir u nii nba ŋamm linba.

Barjokit 8:29

nan yoo nba ki u yet nyun nba be mɔkgbeŋir ni na a lii mi ki lin do gar waa wann biaŋinba na. N din be yoo nba ki u bir tingbouŋ na fiakir.

Aisaya 40:12

Sɔɔ saa fit jii mɔkgbeŋir ki bikin u niipant niwa-a? koo sɔɔ saa fit jii u nii ki bikin sanpaaka-a? Sɔɔ saa fit jii tingbouŋ na tant kur ki bikin ŋmanbaŋ niwa-a? koo sɔɔ saa fit jii jɔjaana nan kunkona ki bikin churu paaka-a?

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 48:13

N niie din nan tingbouŋ na fiakir ki jɔnn sanpaak. Mi-i yiin tiŋ nan sanpaak, bi tuu baare yian, ki jii bi mɔŋ ki turin.

Aisaya 51:13

A tamm Yennu nba nama na poe, wunba tant sanpaak, ki bia nan tingbouŋ fiakir na poe-e? Bee ki a yɔɔ be jaŋmaanii ni ki jiin binba mukisa nan wutoor, nan binba teen siir a bin biira na po? Bi wutoor na kan ban siia ni.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Aisaya 64:8

Ŋaan fin Yennu-e tee ti baa. Ti tee nan yɔk nae, ki a mun tee nan yɔkmaarɔ na. Fine nant,

Jeremaya 32:17

“Yabint Yennu, a jii a paŋ nan a yabinte ki nan tiŋ nan sanpaak. Siar kaa ki paar turani.

Sekaria 12:1

Mɔmaan nba na nyii Yennu nba nan sanpaak nan tingbouŋ ki tur nisaarik manfoor na boore, ki teen Israel teeb. U yet a,

Sennu 4:19

I daa te ki sɔɔ kpanni nan yin gbaan ki jiant linba ki i laat sanpaapo na, laa tee yonnu koo ŋmaarik koo ŋmaabira. Ti Yomdaanɔ Yennu jiir ki tur nileeb nba tenn nae, a bii jiantir.

Hiibru teeb 12:27

Mɔbona nba yet a, “N ji” na, li fiit want nan bonnankara kur tan saa nik ki mir bote, ŋaan linba tan kan fit nik na ŋarin tan saa biar be-e.

Fiitu 3:14

Ki wunba ki n lau na bia betin a n sɔb mɔmaan na ki tur u weira nba lakin be Laodisea doo ni na malaka a: “Labaar na nyii wunba sann tee Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nan na yudaanɔ.