Habakuk 3:2 - Yennu Gbouŋ Mɔɔr

² Yennu, n gbat linba ki a tun na powa, ki n ji tiina jaŋmaaniie. A bia ŋamm tun toonjaana nba ki a tuu tuun na booru ki turit mɔtana. Ii mɔk ninbatinu, li-i lekii tee yoo nba ki a donn wutoor.

Habakuk 3:2 ပူးပေါင်းရင်းမြစ်များ

Esra 9:8

Ti Yomdaanɔ Yennu, a tuu mɔk ninbatinu nant yoo waan, ki te ti siab nyii yommisin ni ki ji be ti yamani, kasii boor na. A te ki ti nyii yommisin ni, ki turit manfopaann.

JOB labaar 42:5

Yoo nba gar, n tuu mi linba ki leeb beerin ki jiin a poe, ŋaan mɔtana n ji la-a nan n mɔŋ ninbinawa.

Yaŋ 119:120

A paake ki n tiin jaŋmaanii, n gbee nan yanputuko kimaan a sennii na paak.

Yaŋ 25:6

Yennu, tiat a ninbatinu nan a lonjaann na po, linba ki a din tur yaayoo niwa na.

Yaŋ 38:1

Yennu, a daa daar n tubir nan wutoori,

Yaŋ 44:1

Yennu, ti gbat nan ti tubawa, ti yeejamm betit faa din tun linba ki turib sianyoo nawa.

Yaŋ 71:20

A lek te daamii nan wahala baa n paak, ŋaan a saa ŋammin ki te min la laafiawa; a kan te ki man sik kaauk ni.

Yaŋ 78:38

Ŋaan Yennu lek bia din mɔk ninbatinu nan u niib na, ki nyik chab bi yanbɔmm, ki din ki biiribi. Yoo n tuu yoo u din tuu gɔɔr u wutoore, ki ki fiint u jati.

Yaŋ 85:6

A ŋammit, ki tii paar, ki timm nba tee a niib na n dont a sann.

Aisaya 53:1

Ki niib na jiin a, “Ŋmee din saa sak linba ki ti tan piak mɔtana na. Ŋmee din saa fit la Yennu yiikoo bont na ni?

Aisaya 54:8

Yoo waaminnae ki n donn wutoor ki nyika, ŋaan n saa wanna n lomm yaayoo siiyoo.” Yennu nba tinta nae pak linba na.

Aisaya 63:15

Yennu, faa be sanpaapo ki tee kasii ki mɔk baakir na, a gotit. A baka nba tuu be ti ni bonchiann na be lia? A paŋ na be lia? A lomm nan a ninkpabauŋ na be lia? A daa nyɔrin nyikinti.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Jeremaya 10:24

Yennu, ŋmakitirit, ŋaan a daa mantik ton nanti, koo ki dat ti tuba yoo nba ki a wutoor doo; fi-i tun nna, ti saa boonte.

Jeremaya 10:7

Ŋmee kan tur fin nba tee digbana kur kpanbar na baakiri? A jaŋ nan niib n tura baakira. Subindamm ni nan kpanbara ni, sɔɔ ki be ki tee nan fin na.

Jeremaya 29:10

“Ki Yennu yet a, ‘Li-i tee ki Babilonia bina piinlore na gar, n saa wanni n baka nba be i po biaŋinba. N saa dia n mɔsonn nba ki n senn nan n saa jen nani na.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Fabinii 3:32

U saa fit te ki parbiir n baarit, ŋaan u lomm nba ki u be nant na tee barmɔniie, ki mɔk paŋ.

Daniel 8:17

Ki Gabriel baar set ki kpianin, ki jaŋmaanii soorin, ki n baa tiŋ ni. Ki u yetin a, “Nisaarik, bant yirintu na paak. Yirintu na jiin durinya na gbennu poe.”

Daniel 9:2

U naan binsinsinn niŋe, ki min Daniel din karin Yennu gbouŋ, ki dukii bina piinlore nba ki Jerusalem saa kpant langbent na po, ki tee nan biaŋinba ki Yennu yet u sɔkinii Jeremaya na.

Habakuk 3:1

Linba nae tee Yennu sɔkinii Habakuk Yenmiaru:

Habakuk 3:16

Ki n gbia linba na kura ki jekir, ki n mɔgbana jekir nan jaŋmaanii, ki n gbanant baŋ, ki n taa ji jekir. N saa guur soon nnae, ki saa tuu yoo nba ki Yennu tan saa dat binba lekint na tuba.

Sekaria 1:12

Yennu malaka na nba gbat linba na yoo nba, ki u yet a, “Yabint Yennu, bina piinlore-e na, ki a wutoor do Jerusalem nan Juda dolia paak. Bia yooe ki a saa timm ninbaauku?”

Jɔɔnn 10:10

Nanyukɔ ŋarin baat a wun tan jan pei nae, ki bia kpib, ki bia biirib. Mine baar a bin la manfoor nba tee manfoor nan barmɔnii.

Rom Teeb 10:16

Ŋaan niib kur kaa sak barŋanii maŋi. Aisaya din sɔb Yennu gbouŋ ni a, “Yennu, ŋmee sak barŋanii na?”

Filipi teeb 1:6

Li paak, n ki mɔk birsuku, Yennu nba din piin toonŋann na i para ni na sii diar nna, mɔkmɔk nan yoo nba ki u tan saa gbenn toonŋann maŋ, Yiisa Masia daar na.

Hiibru teeb 11:7

Nowa yada paake din te ki u gbat Yennu kpaanii ki jiin bona nba ki u daa kan fit lar nan u ninbinn na po. U din sak Yennu mɔb ki kpaa ŋaringbeŋir, ki ŋɔɔ nan u ŋaateeb kɔɔ leŋ ki tinn. Ŋanne din wann nan tingbouŋ na niib mɔk biit; ŋaan ki u yada maŋ paak ki Yennu din purɔ yentinnɔ.

Hiibru teeb 12:21

Li boor din mɔk jaŋmaansooruk bonchiann, ki Moses yet a, “Jaŋmaanii mɔkin, ki n gbanant jekir.”

Fiitu 15:4

Ti Yomdaanɔ, ŋmee be ki kan tina ki bia kan dont a sanni? Kimaan fin kɔɔe tee popeendaanɔ. Nibooru kur tan saa baar ki jianta, kimaan a barmɔnii toona nyii paanuwa.”