Habakuk 3:13 - Yennu Gbouŋ Mɔɔr

¹³ Ki a nyii, a fan tinn a niib, ki bia tinn a kpanbar ganntɔɔ na. Fine faa toonbiit damm tɔɔndaanɔ na ki birɔ tiŋ ni, ki bia boont u poorpoweiteeb na fas fas.

Habakuk 3:13 ပူးပေါင်းရင်းမြစ်များ

2 Samuel 5:20

Tɔn, ki Defid saan Baal Perasim, leŋe ki u kɔn nyann Filistia teeb na, ki ji yet a, “Yennu kɔɔ n datai ni nan nyunmɔnn nae.” Li paak ki bi yi leŋ Baal Perasim.

Yaŋ 105:15

“I daa paa n nigannkab na daŋi, i daa siit n sɔkiniinba na.”

Yaŋ 105:26

Ŋanne ki u tun u toontunna Moses nan Aarɔnn ki bi tee binba ki u gannib.

Yaŋ 110:6

U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po.

Yaŋ 137:7

Yennu, tiat Edom teeb nba din tun linba, daar nba ki ti datai nyann Jerusalem na. Tiat baa din yeen a, “Yeetir ki sikinir tiŋ ni.”

Yaŋ 20:6

Mɔtana, n ji bann nan Yennu tint u niganntɔɔ, ki teenɔ gatu, ki tee ki u niganntɔɔ na laat nyannu.

Yaŋ 28:8

Yennu-e guu u niib, ki kɔn u niganntɔɔ paak, ki teenɔ tinnu.

Yaŋ 68:7

Yennu, yoo nba ki a din ŋmakit a niib ki somm gar namm kunkoouk paak na,

Yaŋ 77:20

Ki a ŋmakit a niib nan pekpaarik nba tuu ŋmakit u pei na, ki teemm Moses nan Aarɔnn nii ni.

Yaŋ 99:6

Moses nan Aarɔnn din tee u mannteebe, Samuel-e din miarɔ, bi din fabin tur Yennu, ki u turib gatu.

Aisaya 63:11

Tɔn, ki bi ji tiar Moses nba din be sianyoo na po, wunba din tee Yennu toontunnɔ na, ki boi a, “Yennu nba din tinn u niib tɔɔndamm mɔkgbeŋir ni na, ji be lia? Yennu nba din jii u kasii Seek ki tur Moses na ji be lia?

Aisaya 64:1

Bee ki a kan pat sanpagbouŋ ki siki? Kunkona bo saa la-a, ki jaŋmaanii n jekib.

Esekiel 13:14

Faak sɔkiniinba na koore a bin dɔkin Jerusalem toonbiit, ŋaan n saa biir doo nawa, ki piit li fiakir. Ki li-i baa tiŋ ni yoo nba, li saa kpi sɔkiniinba maŋ, ki sɔɔ kur saa bann nan min Yennu-e tun linba na.

Amos 9:1

N la Yennu see kpia maruŋ binbintir na, ki yet a, “Faan jiantu ŋasaakak na jaantarii na yura paak nan paŋa, ki lin te ŋaak na kur n jek. A jintir ki lin baa niib na paak. Ki niib nba biar na, n saa kpib tɔbii ni, ki bi sɔɔ kan chiar paak, koo ki boti.

Joosua 10:11

Ki Israel teeb kunkɔnkɔnna nba waa Amor teeb, ki bi tiin siik na, ki Yennu te sakaangbeŋa baa ki jaat Amor teeb maŋ nan baa saa baar Aseka. Sakaana na din kpii Amor teeb na ki gar Israel teeb kunkɔnkɔnna nba kpiib biaŋinbawa.

Joosua 10:24

ki saan namm Joosua boor, ki u ji yiin Israel jab na kur, ki bi baar u boor. Ki u yet u kunkɔnkɔnna saakab nba bo weiɔ ki saan tɔb na, a bin baar ki tan jii bi taa ki ŋmaa batnba na turi ni. Ki bi tun nna.

Joosua 10:42

Joosua din nyann batnba na, nan bi tiŋ kur, tɔb yennkɔɔ niŋe, kimaan Israel teeb Yomdaanɔ Yennu-e kɔn ki tur Israel teeb na.

Joosua 11:12

Joosua din nyann doi na kur nan li batnba, ki kpii sɔɔ kur, nan biaŋinba Yennu toontunnɔ Moses din tur mɔb na.

Joosua 11:8

ki Yennu te Israel teeb na nyannib; ki Israel teeb na lekib ki weib, ki bi chiar saan niigaŋ po ki saa baar Misrefof mɔkir, nan Sidonn digbana ni, ki bia chiar fɔkit yondo po ki saa baar Mispa baauk ni. Kɔnn na din tukin nnae nan Israel teeb nba tan kpii bi datai na ki gbenn, ki nan yenɔkɔɔwa ki biari.