Habakuk 2:9 - Yennu Gbouŋ Mɔɔr

⁹ I boonta. I te ki i ŋaateeb mɔkit nan linba ki i jii kpikpiruk ki fat, ki bia yabii a yin ŋamm i ŋei ki li daa biir, ki i bia daa kɔɔ ninbɔŋ ni na.

Habakuk 2:9 ပူးပေါင်းရင်းမြစ်များ

Yaŋ 49:11

Bi kaat saa teen bi ŋei nan yoo nba kaa paak, ki bi sii be leŋ yoo n tuu yoo, ŋaan bo mɔk bi yur paak tiniie.

Yaŋ 52:7

“Gotir, jɔɔ nba nae ki jii u mɔŋ tur Yennu, ŋaan maa u mɔkint paak, ki dukii nan nɔɔnbiite saa sommɔ.”

Aisaya 28:15

I faa kpinkpant a yimm nan kuun lor ki taan mɔba, ki yimm nan kpeentiŋ soor sooruwa. I mɔk dindann nan biak-i baar, ŋaan li saa lɔkit yimma, kimaan i tinnu dindann maa faak nan kpinkpannii paake.

Aisaya 5:8

I boonta. I daa ŋei nan kpaant ki pukii linba ki i mɔk na po. Li kan yukir kaawa ki yiar sii kaa nan niib n kar, ki i kuukɔɔe sii be tiŋ na paak.

Jeremaya 17:11

Daanɔ nba ŋmab likirii ki mɔkit tee nan korik nba wakin jena nba ki u ki ŋaa nae. U manfoor benu ni, see ki u mɔkint na tan boont, ki li joontu ni, u tan sii tee jatuko.

Jeremaya 22:23

I be i yamanie, i ŋei nba ki bi nyii nan kpekii Lebanonn ki maa na ni, ŋaan tont-i baari yoo nba, i sii mɔk ninbaauk bonchiann, ki tont maŋ sii tee nan poo nba tuu mɔ matyiaru nae.

Jeremaya 49:16

A yuwannu na kpannawa. Sɔɔ ki tiina nan faa dukii bi tiina na. A be tanfiat niŋe jɔfɔkit paaka, faa lek be sanpaapo nan baakir na, ŋaan Yennu saa sikina tiŋ niwa. Yennu-e pak na.”

Jeremaya 51:13

Tiŋ maŋ mɔk mɔka nan mɔkint bonchiann, ŋaan li yoo baara, ki li manfoor jiinn cheera.

Jeremaya 51:53

Li-i lekii tee ki Babilonn bo saa fit do ki saa maa ŋacheenn sanpaapo, ŋaan n bia bo saa tun niib leŋ ki bin saan yeer ŋaak maŋa. Min Yennu-e pak na.”

Esekiel 22:27

Israel teeb tɔɔndamm na tee nan kinkata nba tuu kpi bonkobit ki patib nae. Bi kpi niibe a bin mɔkit.

Obadia 1:4

Yaa lek maa i ŋei ki li be sanpaapo nan baakir tiɔk nba be na, ki te ki li tee nan li be ŋmaabira ni na, ŋaan n lek saa dat ki sikiniiwa.

Juud 1:11

Bonbiir be bi paak; kimaan bi wei Keenn sɔnbiiuk nawa; bi bia tee kpinkpannii damme likirii paak, nan Balam nba din tee biaŋinba na; ki bia tuun nan Kora nba din tun ki ki sak Yennu mɔb ki tan kpo na; bi mun tan saa kpo nnae.