Habakuk 2:19 - Yennu Gbouŋ Mɔɔr

¹⁹ I boonta. I piak nan daauk a, “Fiit kar,” ki bia yeen nan tankɔrit a, “Fiit set.” Tingbann saa fit fiit siar ki turiwa-a? Li-i lekii pɔr salimpeena nan salimmɔna, ŋaan manfoor kaa li ni.

Habakuk 2:19 ပူးပေါင်းရင်းမြစ်များ

Yaŋ 135:15

Digbana yenbis na ŋarin, bi jii salimmɔna nan salimpeenae ki namm, niibe jii bi nii ki namm.

Yaŋ 135:17

Bi mɔk tuba ŋaan kan fit gbat, bi poŋ ki foi kaawa.

Yaŋ 97:7

Patmanntɔɔ kur tuu di feie; yenbis kur n gbaan ki jiant Yennu.

Aisaya 26:14

Mɔtana bi kpowa, ki ji kan ban fiiri, bi narimii kan ban fiir, kimaan a dat bi tubae ki biirib, ki sɔɔ ki tian bi po.

Aisaya 40:19

U ki tee nan yenbik nba ki toontunna maa na kaa, u ki tee nan yenbik nba ki saauk damm jii salimmɔna ki pɔr, ki sennir salimpeenboota ni na kaa.

Aisaya 41:26

I ŋmee bunt nan linba na saa tumii, ki tin fit yet nan u mɔk mɔnii? I sɔɔ ki pak mɔbonn ki jiin li po. Sɔɔ ki gbat ki i pak siari.

Aisaya 44:17

Daat nba tenn na, wun jii ki nan patir, ki gbaa jiantir. U tuu mei patir maŋe, ki yeen a, “Fine tee n yennu, a tinnin.”

Aisaya 46:6

Niib tuu sat bi likbɔɔrii ki nyinn salimmɔna, ki bikii salimpeena churu paak. Bi tuu jii saauk daanɔe, wun nan patir, ki bi gbaa ki jiantirir.

Aisaya 57:6

I jikit leŋ tanŋarsa nae, ki tee pata ki jiantirib, ki jikit daan ki mɔ bi paak, ki bia baat nan jeet piinii ki teemm ki mannib. I dukii n par mei linba na paaki-i?

Jeremaya 10:14

Nisaarii laat linba na, ŋaan kaa yan, ki tee jatit. Binba naan pata na dii feie, kimaan pata nba ki bi naan na tee yanne, ki kaa manfoori.

Jeremaya 10:3

Niib maŋ jiantu tee yanne. Tiike ki bi tuu chɔɔ ki lu fɔɔr ni, ki tikpeera n jii bi pai ki kpeerir,

Jeremaya 10:4

ki ŋammir nan salimpeena nan salimmɔna, ki bin jii kpai ki kpaa sennir, a li daa baa.

Jeremaya 10:9

Bi nyii nan salimpeena Speenn tiŋ nie, ki nyii nan salimmɔna Ufas tiŋ ni, ki saauk damm tan taan bi pata maŋ ki pɔrir. Linba na kur tee bonninnant damm toonae. Bi lannib taŋant nba ki taluura luue.

Jeremaya 2:27

Yimm nba yaa tiike tee i baa, ki tann tee i naa na, i kur tan saa di feiwa. Linba na saa tun, kimaan yaa nyikin ŋaan yaat na paak. Li-i tee ki i be daamii ni yoo nba, i tuu yime a man baar ki tinni.

Jeremaya 2:28

“Yennii nba ki i maa ki tur i mɔŋ na be lia? Li-i tee ki i be daamii ni, yin te bin nyinni, li-i tee ki bi saa fit. Juda teeb, i yennii yab nan yaa mɔk doi biaŋinba nae.

Jeremaya 51:17

Nisaarii laat linba na kure, ŋaan tee jatit nan bonliinii. Binba naan pata na dii feie, kimaan baa naan pata nba maŋ tee bonninnanti, ki kaa manfoori.

Jeremaya 51:47

Yoo baate ki n saa dat Babilonn tingbana tuba. Digbann na kur saa di fei, ki bi saa kpi leŋ niib na kur.

Daniel 3:1

Kpanbar Nebukanesar din jii salima ki nan nirɔ, ki li fɔkint tee taabana piintaa, ki yarin taabana ŋantaa, ki te ki bi sennir Dura paanu ni, ki li be Babilonn yent ni.

Daniel 3:18

ŋaan wuu leki kii tinniti, kpanbar, ti sii loon ki a bann nan ti kan jiant a tingbana, koo ki jiant salima nirɔ nba ki a nan senn na.”

Daniel 3:29

“Li paak, mɔtana, n sent sennu nan wunba kur tee digbann nba nurɔ, koo nibooru nba, koo mabooru nba kur ki pak biir Sadrak nan Mesak nan Abednego Yennu, bin patɔ burii burii, ki te ki u ŋaak n set langbouŋ. Yensau ki be ki saa fit tinn nan wunba na na.”

Daniel 3:7

Li paak, digbana kur, nan nibooru kur, nan mabooru kur niib nba gbat bonmumɔɔt na mɔnii yoo nba, ki bi gbaa gbaan ki jiantir salima nirɔ nba ki kpanbar Nebukanesar nan na.

Daniel 5:23

ki tun biir Yennu nba be Yendɔuŋ ni, ki jii nyubitii nan senii nba din tuu be Yenjiantu ŋasaakak ni na; ki fin nan a saakab nan a poob nan a poobis jiir ki nyuu daan, ki ji dont yennii nba ki i jii salimmɔna nan salimpeena nan kutmɔnt nan kutbin nan daat nan tana ki nan, ki bi kan fit la koo ki gbat koo ki bann maan paak na, ŋaan ki i ki baakit Yennu nba senn yaa sii be i manfoor ni, koo yaa saa kpo po. Ŋɔɔe yen linba kur ki i tuun na.

Daniel 5:4

ki ji piak dont tingbana nba ki bi jii salimmɔna nan salimpeena nan kut nan daat nan tana ki nan na.

Jona 1:5

Binba din be ŋaruŋ na ni yan din put bonchiann, ki bi jak wuyikinii ki loon sommir. Sɔɔ kur din yikin ki yi u yenbike. Baa din gbaa baa saa teen biaŋinba ki ŋaruŋ na n fukit na, bi din nyinn jika nba be ŋaruŋ na ni kurae ki lu nyun ni. Li yoo na ki Jona dɔɔ ŋaruŋ na ni ki gɔɔn kpowa.

Toona 17:29

Tɔn, timm nba tee Yennu waas na, li ki ŋan ki tin dukin nan Yennu tee nan siara bonninnauŋ nba tee salima, koo tann nba ki nirɔ jii u yan koo u dudukit ki ŋammiri.

Fiitu 17:4

Ki poo na lia tamɔnt, nan salima tiat, nan tana nba nyirii bonchiann, ki dia salima seŋ nba ki u bonchonchontoonn jakint nan linba nubir Yennu boor na gbee leŋa.