Habakuk 2:18 - Yennu Gbouŋ Mɔɔr

¹⁸ Tingbann nyɔɔt tee bee? Tingbann tee linba ki nirɔ ŋammire, li ki beera siar see faak kuukɔɔ. Nyɔlante ki u teen wunba namɔ na, ki u maa u paaki. Tingbann kan fit pak maan gbaa.

Habakuk 2:18 ပူးပေါင်းရင်းမြစ်များ

Yaŋ 97:7

Patmanntɔɔ kur tuu di feie; yenbis kur n gbaan ki jiant Yennu.

Aisaya 1:31

Paŋ damm na toonbiit saa biirib nan baa tuu kpeer muu ki lu kauk paak ki lin di nae, ki sɔɔ kaa ki saa gɔɔr biiru maŋ.

Aisaya 37:38

Dasiar ki u tan jiantir u tingbann Nisrok jiantu diiuk ni, ki u bonjai banlee nba tee Adra-melek nan Sareser jii bi takoobii ki kpiiu, ŋaan chiar saan Ararat tiŋ ni. Ki u bonjaleek, wunba sann tee Esar-hadonn na, gaar u naan.

Aisaya 40:19

U ki tee nan yenbik nba ki toontunna maa na kaa, u ki tee nan yenbik nba ki saauk damm jii salimmɔna ki pɔr, ki sennir salimpeenboota ni na kaa.

Aisaya 41:26

I ŋmee bunt nan linba na saa tumii, ki tin fit yet nan u mɔk mɔnii? I sɔɔ ki pak mɔbonn ki jiin li po. Sɔɔ ki gbat ki i pak siari.

Aisaya 42:17

Binba kur teen pata yada, ki yi bonninnant bi yennii na saa sik tiŋ ni ki di fei.”

Aisaya 44:12

Saauk daanɔ tuu jii kute ki pur muu ni, ki jii jaar ki boor kut na nan paŋ, nan laa tan saa teen waa loon linba. Waa tuu tuun na, kon nan nyunnyukuru tuu soorɔe, ki wun bia bak.

Aisaya 45:16

Binba maa pata na kur saa di feiwa, bi kur yura saa tibina.

Aisaya 45:20

Ki Yennu yet a, “Lakint man, yimm digbana teeb, yimm nba nyii digbana biiru ni na, baat buut man. Niib nba somm nan bi pata nba tee daat, ki mei pata nba kan fit tinnib na, niib maŋ ki mi siar nan waama.

Jeremaya 10:8

Bi kura tee jatit nan bonliiniie. Bi saa tumii bee, baa jii tiinii ki nan pata nba na boori?

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 2:8

Mannteeb na ki boi a, ‘Yennu be lia?’ N tiɔŋ mannteeb ki bannin. Doo diara kɔn nanime, ki n sɔkiniinba piak tingbann nba tee Baal na sann ni, ki jiantir yenbis.

Jeremaya 50:2

“Pakin maan maŋ ki tur digbana. A mɔɔntir. Turin nyinn ki mɔɔnt maan maŋ. A daa te ki li tee bunbɔr maami. Babilonn baawa. Bi biir u tingbann nba tee Marduk nawa. Babilonn tingbana dii feiwa, u bonninnanbiit na yeera.

Jeremaya 51:17

Nisaarii laat linba na kure, ŋaan tee jatit nan bonliinii. Binba naan pata na dii feie, kimaan baa naan pata nba maŋ tee bonninnanti, ki kaa manfoori.

Daniel 5:23

ki tun biir Yennu nba be Yendɔuŋ ni, ki jii nyubitii nan senii nba din tuu be Yenjiantu ŋasaakak ni na; ki fin nan a saakab nan a poob nan a poobis jiir ki nyuu daan, ki ji dont yennii nba ki i jii salimmɔna nan salimpeena nan kutmɔnt nan kutbin nan daat nan tana ki nan, ki bi kan fit la koo ki gbat koo ki bann maan paak na, ŋaan ki i ki baakit Yennu nba senn yaa sii be i manfoor ni, koo yaa saa kpo po. Ŋɔɔe yen linba kur ki i tuun na.

Amos 2:4

Yennu ŋamm yet a, “Juda teeb tun yanbɔmm ki bia ŋamm tun yanbɔmma, li paak, n saa dat bi tubawa. Bi yêt n wannuwa, ki bia ki dia n sennii na. Kpinkpannii yennii nba ki bi yeejamm din jiantir na kpanniba.

Jona 2:8

Binba jiantir pata na, bi ki laat piisin nba ki a bo sii teemm na.

Sekaria 10:2

Niib tuu boi pata nan ninnyɔdamme, ŋaan baa teen gatu nba tee faak nan fuute. Nisiab kpintir damiit ki want li paak, ŋaan bi boontie, par-kpaŋir nba ki bi teeni na tee yanne. Li paak, ki niib na lin ki yirib nan pei nba tuu bot na. Bi be daamii ni, kimaan bi ki mɔk tɔɔndaanɔ.

Rom Teeb 6:21

Toona nba ki i din tun ki li mɔki fei mɔtana na, li mɔk nyɔlante ki turini? Li toonbooru baat nan kuume.

1 Korint teeb 12:2

I mi nan yoo nba ki i daa din ki teen Masia yada na, i din waa patae, linba ki piak, ki li kɔɔnti bonbiir ni.

Fiitu 19:20

Ki bi soor muuk ni bonkobuk na, nan u faak sɔkinii nba daan tuu tuun bakitnauŋ nyina u tɔɔnn po, ki kpann binba mɔk muuk ni bonkobuk maŋ dɔk na, nan binba daan jiantir u ninnauŋ na, ki lu muuk ni bonkobuk maŋ nan u faak sɔkinii na foot, bootsunsuŋ nba ki muu nan sarwuuta di na ni.

Barbuura 17:4

Ki Maika jii likirii na ki tur u naa, ki u naa jii salima kobii ŋanlee ki tur saauk daanɔ, ki u kpee daauk chicherik, ki nann salimpeena maŋ ki pɔr li kura po, ki bi jii kɔɔn Maika ŋaak.

1 Samuel 12:21

I daa lin kpaan yennii nba ki tee Yenmɔnii na, bi kan fit sommini, ki bia kan fit tinni, kimaan bi ki fo.