Habakuk 1:13 - Yennu Gbouŋ Mɔɔr

¹³ Nlee ki a sii fit be nan kpinkpannii damm nba tee toonbiit damm na? A ninbina na mantik teen kasii nan lii gorii toonbiita, ki a bia kii fit laat niib ki bi tuun toonbiiti. Bee teen ki a ŋmin soon nna, ŋaan ki bi biir niib nba mantik be popeensin binbeŋ ki garib na?

Habakuk 1:13 ပူးပေါင်းရင်းမြစ်များ

2 Samuel 4:11

Li ji sii tee bonbilankante ki tur nibiit nba saa kɔɔ nirɔ nba ki mɔk biit ŋaak ni, ki saa kpiu gɔɔn ni. N saa ŋmat i paake, ki boon i sana tingbouŋ na ni, kimaan yaa kpiiu na paak.”

1 Kpanbara 2:32

Yennu saa dat Joab tubir, niib maŋ kpinu paaka, kimaan u din kpiib, ki n baa Defid ki mi li po. Joab din kpii jab banlee nba ki bi binbeŋ ŋan ki gar u yar. Ŋamme tee Abner, wunba din tee Israel kunkɔnkɔnna saakɔɔ na, nan Amasa, wunba din tee Juda kunkɔnkɔnna saakɔɔ na.

Estaa 4:14

Li-i tee ki a ŋmin ki ki tun siar yoo nba na ki tinnit, ŋaan sommir saa nyi sanpaapo ki tan tinn Juu teeb nawa, ŋaan fan kpo, ki a baa ŋaak n boont. Tɔn, ŋmee mi, li ki kɔɔ bonbiir na booru gɔɔru paake ki a tee kpanbar ŋaapoo.”

JOB labaar 15:15

Yennu ki teen u malaka nba na yada gbaa. Bi mɔŋ ki be kasii u tɔɔnn ni.

JOB labaar 21:7

Bee teen ki Yennu te toonbiit damm be bi manfoa ni, ki tuu tan kpet, ki bia mɔkitiri?

JOB labaar 24:23

Yennu saa fit te ki u be u yamani, ŋaan ki u ninbina paa u paak yoo kur.

Yaŋ 10:15

A biir biit damm nan nɔɔntont damm paŋ na, datir bi tuba, baa tun biit na paak, halii nan baa tan saa nyik biit tumu.

Yaŋ 18:26

A mantik want a yeenu ki teen binba yeen, ŋaan tee tondamm dataak.

Yaŋ 25:3

Sɔɔ ki be ki sii mɔk dindann a paak ki tan di fei. Binba tee mɔyêtuk damm na, ŋamme saa di fei.

Yaŋ 35:17

Yennu, a saa tamm n po ki lin wei nlee? Fatir n manfoor ki nyinnin bi biiru na ni. Fatir n manfoor ki nyinnin yanbɔra na ni.

Yaŋ 35:22

Yennu, a la linba nawa, li paak, a daa ŋmini. Yennu, a daa fɔkitir nanimi.

Yaŋ 35:25

A daa te ki bi yeen ki teen bi leeb a, “Ti nyannɔwa. Taa loon biaŋinbae na.”

Yaŋ 50:21

I tun linba na kurawa, ŋaan n ki yet siari, ki i ji dukin nan n mun tee nan yimm nae. Mɔtana, n saa yakii naniwa, ki kat wanni, i numm ni.

Yaŋ 50:3

Ti Yennu baate, ŋaan u kan baar soon nna, muu sii die ki be u tɔɔnn, ki wonpaaruk da ki lintirɔ.

Yaŋ 73:3

kimaan n bo fumm nan dont-n-mɔŋ damm, yoo nba ki n la nan nɔɔnbiit damm mɔkitir na.

Yaŋ 83:1

Yennu, a daa ŋmini, a daa ŋmin ki taantir.

Aisaya 21:2

Ki yirintu maŋ ni, ki n la bonbiir tun, ki tee fikitu nan biiru. Elam kunkɔnkɔnna, lekin man. Media kunkɔnkɔnna, dɔɔt ki lint doi na. Yennu saa gɔɔr fara nba ki Babilonn te li baar nawa.

Aisaya 24:16

Ti saa gbat yaŋ, ki bi yiin banfɔkir durinya kur po, ki dont Israel digbann nba ki mɔk biit na. Ŋaan n yeen a, “N ki mɔk dindann. N boontiri na. Mɔlanfik damm tukin ki fukitir, ki bi lorbiit na kpaatir yoo kur.

Aisaya 33:1

Ti datai boonta. Bi fate ki bia fikit, ŋaan ki sɔɔ ki fatib koo ki fikitibi. Bi fatu nan bi fikitu yoo maŋ-i gbenn, niib mun saa fatib ki fikitiba.

Aisaya 64:12

Yennu, linba na kur, a par ki lakib li paaki-i? A kan tun siar ki sommit, ŋaan te ki ti di biak nba ki ti kan fit gubin na-a?

Fabinii 3:36

Yoo nba ki barmɔnii ki piak buut boor na, ŋaan u mi li po.

Habakuk 1:14

Nlee ki a sii dia nisaarii nan bi tee janii, koo bi tee bonbubɔkit nba ki mɔk tɔɔndaanɔ na?

Sekaria 8:17

I daa lorin lora nba saa biir i leebi, ki bia daa poor faak mɔpora. N ki loon faak, nan buut nba ki took, nan kpikpiruku.”

Toona 2:23

Ŋaan Yennu mi linba yaa lin tan teen. Li paak ki u dɔŋ lor ki kubinɔ i nuu ni, ki i te ki biitdamm kpaa tabinɔ dapunpunn paak ki u kpo, ki li want nan yimme set kpiiu.

Sennu 23:15

“Li-i tee ki daabir chiar nyii u chanbaa boor ki baar kɔɔ-a sindanti, a daa jiintɔ u chanbaa boori.