Habakuk 1:12 - Yennu Gbouŋ Mɔɔr

¹² Yennu, fine tee Yomdaanɔ, durinya na nba piina. Fine tee n Yomdaanɔ, ki tee kasii mɔkmɔk nan mɔkmɔk. Yennu nba tee n Yomdaanɔ ki bia tee n guutɔɔ, fine gann Babilonn teeb, ki turib paŋ, a bin dat ti tuba.

Habakuk 1:12 ပူးပေါင်းရင်းမြစ်များ

Pinpiik 21:33

Li poorpo ki Abraham bur tisiak nna leŋ, ki jiant Yennu, wunba tee yaayoo nan yaayoo Yennu na.

2 Kpanbara 19:25

“A ki mi gbat nan n lor linba na sianyooewa-a? Ki mɔtana ki n ji tumir. Mine tura yiikoo, ki a tunn dojaana ki teenir langbent.

Yaŋ 102:24

Li paak ki n yet a, “Yennu, a daa jikitin ki saa nanin mɔtana, maa daa ki kpet na.” Yennu, a yɔɔ be-e.

Yaŋ 118:17

N kan kpo, n sii foe ki mɔɔntir linba Yennu tun.

Yaŋ 149:2

Israel teeb, ii mɔk parpeenn man, kimaan i naamii daanɔ paak. Sayɔnn teeb, ii kpamm man, kimaan i Kpanbar maŋ paak.

Yaŋ 17:13

Yennu, baat, tookit n datai ki nyannib. Jiin a jukbanjiak ki fatin tondamm nuu ni.

Yaŋ 18:1

Yennu, n loona bonchiann, fine tee wunba kɔn n paak.

Yaŋ 74:12

Yennu, fine tee ti kpanbar pinpiik niwa, ki tinnit nan taar munŋaa nawa tiŋ na ni,

Yaŋ 90:1

N Yomdaanɔ, fine tun tee ti binbeboor.

Yaŋ 90:2

Faa daa din ki nan kunkona nan durinya na, ŋaan sɔɔ ki a poŋ din tee Yennu nba kaa gbennue, ki bia sii tun tee Yennu yaayoo siiyoo.

Yaŋ 93:2

Yennu, a naan binbintir na maa fanue pinpiik niwa, a din be ki sɔɔ durinya daa kaa.

Aisaya 31:1

Binba saa Ijipt ki loon sommir na boonta. Bi maa Ijipt kpanbar kunkɔnkɔnna paŋ paake, li taanii nan taantorit nan li jab, ŋaan bi ki maa Israel teeb kasii Yabint Yennu na paaki, koo ki boiɔ sommir po.

Aisaya 37:23

A dukii a tuu sukii ŋmee ki fiakitɔ na? A ki tur min Israel teeb kasii Yennu baakiri.

Aisaya 37:26

“A ki ban gbat nan n lor linba na sianyooewa-a? Ki mɔtana ki n ji tun. Mine tura yiikoo ki a tunn digbanjaana ki poonir tangbiinkpeka.

Aisaya 40:28

I ki mi-i? I ki gbati-i? Yennu tee Yomdaanɔ nba yɔɔ be-e yaayoo siiyoo; ŋɔɔe nan durinya na kur. U ki bakit koo ki miatiri. Sɔɔ ki bant u dudukit paak.

Aisaya 43:15

Mine tee Yennu nba tee i kasii Yomdaanɔ. Mine nan yimm Israel teeb, ki bia tee i kpanbar.”

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Jeremaya 30:11

N saa baar i boor ki tan tinni. N saa biir digbana nba ki n yati ki saan nani na, ŋaan n kan biir yimmi. N saa dat i tubawa, ŋaan n saa dat i tuba nan lomme. Min Yennu-e pak na.”

Jeremaya 4:27

Yennu poŋ pak nan tingbouŋ na kur saa kpant tanbiiuŋo, ŋaan u kan biirir fasi.

Jeremaya 46:28

N saa baar i boor ki tan tinni. N saa biir digbana nba kur ki n yati ki i saan leŋ na, ŋaan n kan biir i mɔŋi. N saa dat i tubawa, ŋaan mi-i daar yoo nba, n sii daar nan lommo. Min Yennu-e pak na.”

Jeremaya 5:18

Yennu yet a, “Daa maŋ ni, n kan biiri fas fasi.

Fabinii 5:19

Yennu, fine tee kpanbar nba sii yɔɔ be, ki sii diat nan durinya na gbennu.

Esekiel 30:25

Barmɔnii, n saa baŋ Ijipt kpanbar na, ŋaan tur Babilonn kpanbar paŋ. Mi-i turɔ n jukbanjiak, ki u tekin Ijipt paak yoo nba, sɔɔ kur saa bann nan mine tee Yennu.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Habakuk 3:2

Yennu, n gbat linba ki a tun na powa, ki n ji tiina jaŋmaaniie. A bia ŋamm tun toonjaana nba ki a tuu tuun na booru ki turit mɔtana. Ii mɔk ninbatinu, li-i lekii tee yoo nba ki a donn wutoor.

Habakuk 3:6

U-u taŋi set yoo nba, tingbouŋ na tuu damme, u-u lekii got digbana, bi tuu jekire. Ki jɔfɔkit nba tuu be mɔkmɔk nan mɔkmɔk ji bit. Ki kunkona nba tuu yɔɔ be na ji baa tiŋ ni, ki tee kunkona nba ki u tuu somm li paak yaayoo niwa na.

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

Malakai 3:6

“Mine tee Yennu, n ki lebitir. Li paak, yimm Jakɔb yaaboona, i daa ki mantik boont kaa.

Toona 3:14

Ŋɔɔe lek tee Yennu nirɔ, ki jenna tee Popeendaanɔ, ŋaan ki i yêtɔ, ki miar Pailat a wun nyinn nikpiiruk ki turi.

Sennu 32:4

“Yennu-e tee i guutɔɔ nba yab, ki tee kasii nan barmɔnii u sɔnu kur ni. I Yomdaanɔ be fanu nan barmɔnii, ki tuun linba kur ŋan fanu.

Sennu 33:27

Yennu nba tun be na yɔɔ tee i sindant boore, ki u nuu yɔɔ teebi. Ki u saa ber i datai ki bin fɔkit ŋaan nyiki, ki beti a yin biir bi kur.

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.

1 Timoti 6:16

ŋɔɔ kuukɔɔe kan kpo; u be yentchiɔŋ nba ki nirɔ kan fit nakin na ni; ŋɔɔe ki sɔɔ daa ki mi lau koo ki saa fit lau; ŋɔɔe yen paku nan paŋ yoo nba kaa gbennu. Mamɔmm.

Hiibru teeb 13:8

Yiisa Masia nba won tee biaŋinba wonn na, u bia tee nnae dinna, u bia sii tun tee nnae mɔkmɔk nan mɔkmɔk.

Fiitu 1:11

ki betin a n sɔb linba ki n laat na ki teen gbouŋ ni, ki nakin tur Masiaweira nba be digbana ŋanlore na ni, binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 1:8

Ti Yomdaanɔ Yennu, wunba mɔk paŋ kur, ki din be, ki bia daa be, ki bia tan sii be mɔkmɔk nan mɔkmɔk na, ŋɔɔe yeen a “Mine tee bont kur pinpiik nan li joontu.”

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.