Fiitu 7:9 - Yennu Gbouŋ Mɔɔr

⁹ Li poorpoe ki n la nibur ki bi kaa kann, ki nyii tingbouŋ na yent kur ni, nan nibooru kur ni, nan maaru kur ni, nan mabooru kur ni, ki lia liatfopeenii, ki see naangbouŋ nan Pegann na tɔɔnn, ki dia biabfaat bi nii ni, ki yikin nan kunkɔsaakara ki yeen a,

Yennu Gbounpaauŋ Mɔɔr

⁹ Li poorpoe ki n got ki la niburchiauŋ ki bi kaa kanni, ki nyii tingbouŋ na yent kur ni, nan nibooru booru kur ni, nan maaru kur ni, nan mabooru kur ni, ki lia liatfopeenii ki see naangbouŋ na nan Pebik na tɔɔnn po, ki dia dia biabfaat bi nii ni, ki yikin nan kunkɔsaakara ki yeen a,

Fiitu 7:9 ပူးပေါင်းရင်းမြစ်များ

Pinpiik 13:16

N saa te ki a yaaboona sii yab ki tee nan tanbiinii na, ki wunba fit kan tanbiinii, wun mun fit kan a yaaboona.

Pinpiik 49:10

Juda-e saa dia doo dammir, ki u maaru sii yɔɔ dia tingbouŋ. Ki digbana sii jiantirɔ, ki gbaa u tɔɔnn nan mɔsaku.

Yaŋ 2:8

Boimin ki man tura digbana na kur, tingbouŋ na kur sii tee a yare.

Yaŋ 22:27

Digbana kur saa tiar Yennu po. Durinya munn saa ŋmant u paak, ki booru kur saa jiantɔ.

Yaŋ 76:4

Yennu, a gbee nan yentue, ki a yabint ŋan, ki a nyii kunkona tiŋ nba ki a nyann a datai na ni.

Yaŋ 77:2

N wahala yoo, n mei Yennu, ki dont n nii nyɔtunmunn ki meiɔ, ŋaan ki ki laat pardɔɔnni.

Yaŋ 98:3

U dia u mɔsonn nba ki u din senn ki tur Israel teeb na, nan u mamɔmm nan u lonchiɔŋ nba ki u turib. Nisaarii nba be siar kur po la Yennu nyannu nawa.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 3:17

Li yoo-i baar, bi sii yi Jerusalem, ‘Yennu naan binbintire,’ ki digbana kur saa lakin leŋ ki jiantin. Bi ji kii tuun linba ki bi tubkangbatin nan bi yanbɔndudukit wantib na.

Esekiel 47:5

Ki u ŋamm bikin taakaabii kobii ŋanŋmu nan piinloob ki pukin, ki kpenu na ji suŋ, ki n ki fit somm ki tɔkin li ni. Ki li mantik suŋ ki nirɔ kan fit poot, see ki u duk.

Daniel 4:1

Kpanbar Nebukanesar tur mɔmaan nba nae ki bi lin wann digbana kur, nan nibooru kur, nan mabooru kur durinya na ni a: “N foonti.

Daniel 6:25

Ŋanne kpanbar Darius sɔb gbouŋ ki tur digbana kur nan nibooru kur nan mabooru kur nba be tingbouŋ na ni a: “N foonti.

Hosea 1:10

Israel teeb sii tee nan mɔkgbeŋir paak tanbiinii nae, ki sii yab, kaa kann, koo bibuk. Mɔtana, Yennu beerib a, “I ki tee n niib,” ŋaan yoo baat ki u tan saa yetib a, “Yimme tee Yennu nba fo na waas.”

Liifai teeb 23:40

Li sinsinn daar na, ii tuu gann tilɔɔna nba ŋan i tiinii paak, ki bia chɔɔ kaatfaat nan tiik yiinii nba mɔk faat, ki piin kii kpamm nan parpeenn, kii baakit Yennu, ki saa tuu daa ŋanlore.

Sekaria 10:8

“N saa yiin n niib ki taamm. N saa fatib, ki te bin pɔt kii tee nan baa tuu tee biaŋinba na.

Sekaria 2:11

Li yoo maŋ, digbana bonchiann saa baar Yennu boor, ki kpant u niib. U sii be i boor, ki i saa bann nan ŋɔɔe tumin i boor.

Barŋanii nba ki LUK din sɔb nae na 12:1

Li yoo maŋ ki niib tusaa tusaa din lakin leeb ki muk, ki tan ŋmaat leeb taagbina, ki Yiisa din pak nan u poorpoweiteeb sinsinn ki yaa, “Ii mi man Farisiinba binbeŋ po, kimaan bi tee kpinkpannii damme.

Barŋanii nba ki LUK din sɔb nae na 21:36

Ii guu man kii mei Yennu yoo kur ki wun turi paŋ nba saa te ki i nyann bikinu kur nba tan saa baar, ki bia set min nisaarik Bik tɔɔnn.”

Jɔɔnn 12:13

Ki bi ji ŋat biabfaat ki che a bin tookɔ, ki yikin sanpaapowa a, “Hosaana, Piisin-ii be wunba baat Yennu sann ni na paak. Yennu n teen piisin timm Israel teeb kpanbar paak.”

Rom Teeb 11:25

N naa waas, n loon ki yin bann woonin ni bonsiar, ki lin te ki i daa dukii nan i tee yandammi: Ki li tee a Juu tesiab tee tubkangbatae, ki li sii tee nnae ki tan tuu yoo nba ki binba kur ki tee Juu teeb ki Yennu gannib na n tan teen Yiisa yab.

Efesus teeb 6:13

Li paak, ii jii Yennu naagbankɔŋir na ki lia, ki fit kɔn dabiir nba tan saa baar maŋ ni, ki daa nyikiti, ki li poorpo ki i bia see chib.

Hiibru teeb 11:12

Li paak, Abraham nba din ji tan ki fɔk nan kuun na, ŋaan u kuukɔɔ yaaboonae tan yab nan ŋmaabira nba yab biaŋinba na, ki bia yab nan mɔktanbiinii nba yab ki kaa kann biaŋinba na.

Hiibru teeb 12:22

Ŋaan yimm ŋarin baar kunkonn nba sann tee Sayɔnn, linba tee manfodaanɔ Yennu doo, ki tee Yendɔuŋ ni Jerusalem, siaminba ki malakanba tusaa tusaa lakin nan parpeenn nae.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 22:3

Yennu nba por linba mɔb, li ji kii be doo maŋ ni; Yennu nan Pegann na naangbouŋ maŋ sii be doo maŋ ni, ki u toontunna na sii jiantirɔ.

Fiitu 3:18

Li paak, n kpaaniie a ii daa salima nba tee salimmɔna n boor ki set la mɔkint, ki bia daa tapeenii ki dɔkin i fei na, ki bia daa kpan ki baŋ i ninbina kii laat.

Fiitu 4:4

Ki naangbant piinlee nan ŋanna dɔɔ lint naangbouŋ maŋ. Ki saakab piinlee nan banna lia tapeenii ki yir salima fokirii, ki kar naangbant piinlee nan ŋanna maŋ paak.

Fiitu 5:11

Li poorpo biak ki n got la malakanba tusaa tusaa tusaa, ki bia gbat bi kunkɔra, ki bi ŋaa lint bonfoa banna nan saakab nan naangbouŋ na.

Fiitu 5:9

Ki bi yiin yanpaaŋ ki teen Pegann na ki yeen a: “A set jaŋ nan fan gaar gbanpɔɔbir na ki tabit li yiit ŋanlore nawa, kimaan a din kpoe ki jii a sɔn ki daa niib ki tur Yennu; niib maŋ nyii booru kur ni, nan mabooru kur ni, nan maaru kur ni, nan tingbouŋ na yent kur nie.

Fiitu 6:11

Ŋanne ki bi tur bi kur liatfopeenii, ŋaan yetib a “Ii foi waan kii guu yoo nba ki bi tan saa kpi i toontunleeb nan i naa waas ki gbenn, nan baa din kpii-i biaŋinba na.”