Fiitu 3:7 - Yennu Gbouŋ Mɔɔr

⁷ Ki wunba ki n lau na bia betin a n sɔb mɔmaan na ki tur u weira nba lakin be Filadelfia doo ni na malaka a: “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia Defid peenu na, ki li-i tee ki u loot gann, sɔɔ kan fit looni; ki wuu biaki loon, sɔɔ kan fit looti.

Yennu Gbounpaauŋ Mɔɔr

⁷ Ki wunba ki n lau na bia betin a n sɔb labaar na ki tur u weira nba lakin be Filadelfia doo ni na malaka a “Labaar na nyii wunba tee Popeendaanɔ, ki bia tee Barmɔnii daanɔ na boore; ki u dia David peenu na, ki li-i tee ki u loot gann, sɔɔ kan fit loonni; ki li-i biakii tee ki u loonn, sɔɔ kan fit looti:

Fiitu 3:7 ပူးပေါင်းရင်းမြစ်များ

JOB labaar 11:10

Li-i tee Yennu soora, ki saan nana a wun bu a buuti, ŋmee be ki saa fit gɔɔrɔ?

JOB labaar 12:14

Li-i tee ki Yennu bet yoo nba, ŋmee be ki saa fit ŋamm maa? ki ŋmee bia saa fit fat daanɔ nba ki Yennu kɔɔnɔ dansariki?

Yaŋ 145:17

Yennu toona kur ŋane, ki u bia mɔk ninbatinu, u toona kur ni.

Yaŋ 16:10

kimaan fine nyintin kuun paŋ ni; a kan te ki a kasii nirɔ gbanant n bat, koo wun nyint kpeentiŋi.

Yaŋ 89:18

Yennu-e gann ti guutɔɔ, fin nba tee timm Israel teeb kasii Yennu na, fine turit ti kpanbar.

Aisaya 22:22

N saa turɔ yiikoo nan barmɔnii, ki u sii waa kpanbar nba tee Defid yaaboonn na paak. U sii mɔk yiikoo peenii, wuu loot linba, sɔɔ kaa ki saa kpar, u mun-i kpar linba, sɔɔ kaa ki saa looti.

Aisaya 30:11

Bakint leŋ, ki daa loo ti sɔnu. Ti ki loon tin gbat siar ki jiin Israel teeb kasii Yennu na po.”

Aisaya 41:14

Ki Yennu bia yet a, “Yimm Israel teeb nba lek ki yab ki bia ki mɔk paŋ na, ŋaan i daa tiin jaŋmaanii, n saa sommiwa. Min nba tee yimm Israel teeb kasii Yennu nae tee i tinntɔɔ.

Aisaya 41:16

I saa faa donnib sanpaapo, ki wouŋ n pebirib ki yaat, ki wonpaaruk saa yatib. Ki i ji sii mɔk parpeenn, kimaan mine tee i Yennu; ki i saa dont min nba tee yimm Israel teeb kasii Yennu na sann.

Aisaya 41:20

Niib saa la nna, ki bann nan min Yennu-e tumir. Bi saa bann nan Israel teeb kasii Yennu-e te ki li tun.”

Aisaya 47:4

Israel teeb kasii Yennu-e nyinnit. U sanne tee Yabint Daanɔ Yennu.

Aisaya 48:17

Israel teeb kasii Yennu nba tinti na yet a, “Mine tee i Yomdaanɔ Yennu, ki loon man tumii-i, ki lii ŋan turi, ki wanni sɔnu nba ki i sii tɔkii.

Aisaya 49:7

Israel teeb kasii Yennu nba tee bi tinntɔɔ na, yeen wunba ki digbana yisimɔ bonchiann, ki bia namɔ, ŋaan ki u tee doo diara toontunnɔ na a, “Kpanbara saa la ki bi ŋaa-a, ki bi saa fiir ki tura jirima, ki tɔɔndamm mun bia saa lar, ki gbaan jianta.” Linba na saa tun, kimaan Yennu gann u toontunnɔwa, Israel teeb kasii Yennu na dia u mɔsona.

Aisaya 54:5

A nantɔɔ sii tee nan sɔrɔ nae ki tura. U sanne tee Yabint Yennu. Israel teeb kasii Yennu saa tinna, ŋɔɔe tee durinya na munn diatɔɔ.

Aisaya 55:5

I tan saa yiin digbangana niib; sianyoowa bi din ki mi-ini, ŋaan mɔtana bi saa tine baar ki pukini. Min i Yomdaanɔ Yennu nba tee yimm Israel teeb kasii Yennu na saa te linba na kur n tun. N saa te ki yin la baakir nan chɔruŋ.”

Aisaya 6:3

Ki bi yeen bi leeb a: “Kasii, kasii, kasii. Yabint Yennu tee kasiie. U baakir gbee durinyawa.”

Matiu 16:19

N saa tura Yennu naan gann peenii; li paak, linba ki a tan lor ki yaa li kɔɔ tingbouŋ na ni, ŋanne mun bia poŋ kɔɔ Yendɔuŋ ni; ki linba ki a bia yaa li ki kɔɔ, ŋanne mun bia poŋ ki kɔɔ Yendɔuŋ ni.”

Matiu 24:35

Sanpaak nan tiŋ tan saa gara, ŋaan n maan ŋarin kan mi gari.

Barŋanii nba ki MAK din sɔb nae na 1:24

“Fin Yiisa, Nasaref nirɔ na, timm nan fin nlee mantiki? A baar a a tan biirite-e? N mi faa tee wunba; a tee Yennu Popeendaanɔ nae.”

Barŋanii nba ki LUK din sɔb nae na 1:32

U tan sii tee nijaanne, ki bi yiu Yabint Yennu Bija. Ti Yomdaanɔ Yennu saa te ki wun di u yeeja Defid naan,

Barŋanii nba ki LUK din sɔb nae na 4:34

“Fin Yiisa nba tee Nasaref nirɔ na, timm nan fin, nlee mantiki? A baar a a tan biirite-e? N mi faa tee wunba; a tee Yennu popeendaanɔ nae.”

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.

Toona 3:14

Ŋɔɔe lek tee Yennu nirɔ, ki jenna tee Popeendaanɔ, ŋaan ki i yêtɔ, ki miar Pailat a wun nyinn nikpiiruk ki turi.

1 Jɔɔnn 5:20

Ti mi nan Yennu Bija Yiisa din sik tingbouŋ na ni ki tan turit yan a tin bann ŋɔɔ barmɔnii Yennu. Taa gaa nan u Bija Yiisa Masia na paak, ŋanne bia te ki ti gaa nan u Baa Yennu; ki ŋɔɔe set tee barmɔnii Yennu, ki bia tee daanɔ nba teent manfoor nba kaa gbennu.

Fiitu 1:11

ki betin a n sɔb linba ki n laat na ki teen gbouŋ ni, ki nakin tur Masiaweira nba be digbana ŋanlore na ni, binba be Efesus nan Simirna nan Pegamum nan Tiataira nan Saadis nan Filadelfia nan Laodisea na.

Fiitu 1:18

ki bia tee footɔɔ na, ki din kpo, ŋaan mɔtana n fiira, ki sii fo mɔkmɔk nan mɔkmɔk, ki bia mɔk kuun nan kpeentiŋ paŋ;

Fiitu 15:3

ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.

Fiitu 16:7

Ki n bia gbat ki kunkɔr nyii maruŋ binbintir na boor ki yeen a, “Ti Yomdaanɔ Yennu nba mɔk paŋ kur, a buut na tee mamɔmme, ki tee linba took.”

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

Fiitu 2:1

Ki wunba ki n lau na betin a n sɔb mɔmaan na ki tur u weira nba lakin be Efesus doo ni na malaka a: “Labaar na nyii wunba dia ŋmaabira ŋanlore u niidiitu ni, ki bia somm salima fitsenta ŋanlore sinsuuk ni na boore.

Fiitu 21:5

Ki wunba kar naangbouŋ maŋ paak na yet a “Nnara, n tee bont kur bonpaanne.” Ŋanne ki u bia betin a n sɔbir, kimaan mɔbona na tee mɔniie, ki tee linba ki yada be li ni.

Fiitu 3:14

Ki wunba ki n lau na bia betin a n sɔb mɔmaan na ki tur u weira nba lakin be Laodisea doo ni na malaka a: “Labaar na nyii wunba sann tee Mɔnii na boore; ki u tee siara daanɔ nba tee barmɔnii daanɔ ki tee siara fanu; ki bia tee linba kur ki Yennu nan na yudaanɔ.

Fiitu 4:8

Ki bonfoa banna na kur mɔk kpinkpant ŋanloob-loob, ki bia mɔk ninbina bonchiann bi gbanant kur po. Ki yonnu nan nyiɔk kur bi ki nyikit yanii yinu. Bi yiin a, “Kasii, kasii kasiie tee ti Yomdaanɔ Yennu, wunba mɔk paŋ kura, ki din be, ki bia daa be, ki bia tan sii be mɔkmɔk nan mɔkmɔk.”

Fiitu 5:9

Ki bi yiin yanpaaŋ ki teen Pegann na ki yeen a: “A set jaŋ nan fan gaar gbanpɔɔbir na ki tabit li yiit ŋanlore nawa, kimaan a din kpoe ki jii a sɔn ki daa niib ki tur Yennu; niib maŋ nyii booru kur ni, nan mabooru kur ni, nan maaru kur ni, nan tingbouŋ na yent kur nie.

Fiitu 6:10

ki yikin sanpaapo ki yeen a, “Ti Yomdaanɔ Yennu, fin nba tee popeendaanɔ ki bia tee barmɔnii daanɔ, li saa yukir nleewa ki a tan bu tingbouŋ na niib buut ki dat bi tuba, baa kpiit na paaki?”