Fiitu 15:3 - Yennu Gbouŋ Mɔɔr

³ ki bi yiin yaŋ nba ki Yennu toontunnɔ Moses din tuu yiin na, nan Pegann na yaŋ a: “Ti Yomdaanɔ Yennu nba mɔk paŋ kur, a toona tee toonjaana nba yaar litite, a sɔnii took ki bia tee barmɔnii. Fine tee nibooru kur Kpanbar.

Yennu Gbounpaauŋ Mɔɔr

³ ki bi yiin yaŋ nba ki Yennu toontunnɔ Moses din tuu yiin na, nan Pebik na yaŋ a “Ti Yomdaanɔ Yennu nba mɔk paŋ kur, a toona tee toonjaana nba yaar ŋaan litit, a sɔnii took ki bia tee barmɔnii. Fine tee nibooru kur Kpanbar.

Fiitu 15:3 ပူးပေါင်းရင်းမြစ်များ

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

1 Barkperii 6:49

Aarɔnn nan u yaaboonae din tuu jikit bonnunubit Yenpiinii nan mujoonu Yenpiinii ki jokit muu maruŋ binbintir paak. Li din kpaa ŋamme nan bii mann maruŋ kur kasii yaa kasii boor na, nan maruŋ nba saa te Yennu n nyik chab ŋamm Israel teeb yanbɔmm. Bi din tuu tuun linba na nan biaŋinba ki Yennu toontunnɔ Moses wannib nae.

2 Barkperii 24:6

Ŋanne ki u yiin bi tɔɔndaanɔ Jehoyada ki boiɔ a, “Bee teen ki a ki te Liifai teeb na saan Juda nan Jerusalem teeb boor, ki gaar lampo nba ki Yennu toontunnɔ Moses din yaa niib na-ii pa, ki lii ŋamii Yennu lanbouŋ na?”

Nehemaya 9:14

Fine din wannib a bii dia a foon daar na fanu, ki teenir kasii. A din jii a sennii nae ki tur a toontunnɔ Moses, ki u tur a niib.

JOB labaar 36:24

U yɔɔ laat dontire nan toona nba ki u tuun, li ŋan ki a mun pak dontɔ.

JOB labaar 5:9

Ti kan fit bann toonjaana nba ki u tuun na, ki u bakitnauŋ toona na ki mɔk kann.

Yaŋ 100:5

Yennu ŋan, ki u lomm kaa gbennu, ki u barmɔnii binbeŋ be yaayoo nan yaayoo.

Yaŋ 105:5

Yimm nba tee u toontunnɔ Abraham yaaboona na, yimm nba tee Jakɔb nba ki u din gannɔ na yaaboona na, ii tian yaarlituk toona nba ki Yennu tun na, nan buut nba ki u bu na.

Yaŋ 111:2

Yennu toona mɔk bakitnauŋ bonchiann. Binba kur para mei nan u toona maŋ loon bin bann li paake.

Yaŋ 111:7

U ŋane toona nba kur ki u tuun ni, ki dia mamɔmm, ki u sennii tee senn chinchiba.

Yaŋ 139:14

N dontira, kimaan faa namin biaŋinba, li mɔk bakitnauŋ nan yaarlituk, linba ki a tuun kur tee bonsaanne, ki bia tee bakitnauŋ. N mir nan n par kur.

Yaŋ 145:17

Yennu toona kur ŋane, ki u bia mɔk ninbatinu, u toona kur ni.

Yaŋ 145:6

Niib saa pak a toonjaana po, ki man mɔɔnt a yabint po.

Yaŋ 18:30

Yennu, a toona mantik ŋan halii. A mɔbona mantik waa leer. A tee nan naagbankɔŋir nae ki tur sɔɔ kur nba loon a sommir.

Yaŋ 78:12

Bi yeejamm din goriie ki Yennu tun bakitnauŋ toona maŋ, Soann paanu nba be Ijipt tiŋ ni na.

Yaŋ 92:5

Yennu, a toona tee toonjaanae. A dudukit sumii bonchiann.

Yaŋ 99:4

Kpanbar-saakar, a loon linba tee mamɔmme; a baar nan mamɔmme Israel teeb boor; a baar nan kasiie nan ŋant.

Aisaya 33:22

Ŋarint maŋ bona kur tee yanne; li chinchena na kan fit tanti. Ti saa fat jab nba tee ti datai na mɔkint kure, ki li sii yab bonchiann, ki dianii gbaa saa gaar tora. Yennu tiɔŋo sii tee ti kpanbar; ŋɔɔe sii diat, ki guut.

Aisaya 45:21

Baat nan i maan buut boor, ŋaant i sommteeb na n pak nan bi leeb. Yaayoo ni, ŋmee din bunt linba tan saa tumi? Li din ki tee min Yomdaanɔ Yennu nba tint niib na kaa-a? Yensau ji kaa.

Daniel 6:20

Waa saa per yanbɔra bootuk na yoo nba, ki u be nan yanputuk, ŋaan yiin Daniel nan kunkɔpaarir a, “Daniel, Yennu nba fo na toontunnɔ, Yennu nba ki a jiantirɔ fanu na fit fata yanbɔra mɔb niwa-a?”

Daniel 9:11

Israel teeb kur biir a sennii na, ki yêt bin gbiint linba ki a wannib nawa. Ti tun yanbɔmm ki biirawa, ki li te ki a mɔtont nba sɔb a toontunnɔ Moses sennii gbouŋ ni na baa ti paak.

Hosea 14:9

Niib nba tee yandamm na, ŋamme saa bann maan nba sɔb gbouŋ na ni paak, ki bia jiir teen bi para ni. Yennu sɔnii took, ki niib nba tee niŋamm waar, ŋaan toonbiit damm jarime ki baa tiŋ ni, kimaan bi yêt wannu nawa.

Maika 7:20

A saa wann a ŋant nan lomm nba kaa gbennu ki tur a niib, binba tee Abraham nan Jakɔb yaaboona na, nan faa din senn mɔsonn ki tur ti yeejamm sianyoo biaŋinba na.

Sefania 3:5

Ŋaan ki Yennu bia lek daa be doo maŋ ni, ki tuun linba took, ki ki tuun linba bi. Ki sanyiɔk kur, ki u teen u niib na bi mɔnii. Ŋaan ki leŋ niib nba ki tee popeendamm na tuun biit, ki ki tiin fei.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Jɔɔnn 1:17

Moses din turit Yennu sennue, ŋaan Yiisa Masia ŋarin baar nan ninbatinue ki turit, ki bia wannit barmɔnii wannu.

Sennu 31:30

Ki Moses pak yaŋ na mɔbona kur, ki Israel teeb kur gbiin. Li mɔbonae na:

Sennu 32:3

N saa dont Yennu sanne, ki u niib saa wann u yabint nba tee biaŋinba.

Sennu 34:5

Yennu toontunnɔ Moses din kpo Moab tiŋ nie, nan biaŋinba ki Yennu yet a u saa kpo na.

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.

Hiibru teeb 3:5

Moses din tee barmɔnii toontunnɔ Yennu ŋaateeb sinsuuk ni, ki wann linba ki Yennu yaa wun tan pak sianyoo na.

Joosua 22:5

Ii yabir kii dia sennu nba Moses din turi na, kii loon i Yomdaanɔ Yennu, kii tuun u loomm, kii saak u sennu, kii be fanu nanɔ, ki gaarɔ nan i para nan i sei kur.”

Fiitu 1:8

Ti Yomdaanɔ Yennu, wunba mɔk paŋ kur, ki din be, ki bia daa be, ki bia tan sii be mɔkmɔk nan mɔkmɔk na, ŋɔɔe yeen a “Mine tee bont kur pinpiik nan li joontu.”

Fiitu 11:17

ki yeen a “Ti Yomdaanɔ Yennu, fin nba mɔk paŋ kur, ki din yɔɔ be, ki bia daa be na, ti teena niipoouk, kimaan a jii a pangbeŋir ki dii tingbouŋ na naan.

Fiitu 14:3

Ki niib tuskobik, nan tuspiinna, nan tusaa ŋanna maŋ see naangbouŋ, nan bonfoa banna na, nan saakab na tɔɔnn po, ki yiin yanpaaŋ nba ki sɔɔ ki fit tumii, see niib nba ki Yennu gannib tingbouŋ na ŋaateeb ni ki tinnib na kuukɔɔ.

Fiitu 14:8

Ki malaka nba pukin banlee na wei, ki yet a, “Dogbeŋir Babilonn na baawa, u din te ki nibooru kur tun chonchonsin, li paak ki Yennu wutoor doo.”

Fiitu 17:14

ki bi tan saa kɔn nan Pegann na, ki Pegann na saa nyannib, kimaan u tee yomdamm kur Yomdaanɔ, nan kpanbara kur Kpanbare, ki u poorpoweiteeb mun tee binba ki u yiinib ki gannib, ki bi bia tee nimɔmm.

Fiitu 19:16

Ki sansiar sɔb u liatir nan u pann paak a “Kpanbara kur Kpanbar, yomdamm kur Yomdaanɔ.”

Fiitu 19:2

ki u buut ŋan ki bia tee mamɔmm; ki u bu poochonchonbiiuk nba biir tingbouŋ na nan u chonchonsin na buut, ki dat u tubir, waa kpii ŋɔɔ Yennu toontunna na paak.”

Fiitu 4:8

Ki bonfoa banna na kur mɔk kpinkpant ŋanloob-loob, ki bia mɔk ninbina bonchiann bi gbanant kur po. Ki yonnu nan nyiɔk kur bi ki nyikit yanii yinu. Bi yiin a, “Kasii, kasii kasiie tee ti Yomdaanɔ Yennu, wunba mɔk paŋ kura, ki din be, ki bia daa be, ki bia tan sii be mɔkmɔk nan mɔkmɔk.”