Fabinii 5:6 - Yennu Gbouŋ Mɔɔr

⁶ Ki ti ji ti mɔŋ tur Ijipt teeb nan Asiria teeb, a lin te ki tii laat jeet, kii mɔk manfoor.

Fabinii 5:6 ပူးပေါင်းရင်းမြစ်များ

Pinpiik 24:2

Dasiar ki Abraham tan pak u ŋaatoontunna saakɔɔ, wunba ki u jii u ŋaak nan li bona kur yaak ki teen u nuu ni na, a, “Jiin a nuu ki sakin n pana ni, ŋaan por mɔpor.

2 Kpanbara 10:15

Jehu din ŋamm soor sɔnu ki saa ki saa chet Jonadab, ki u tee Rekab bija. Jehu din foontɔ ŋaan yet a, “Min nan fin dudukit tee yommo. A saa set n poora-a?” Ki Jonadab jiin a, “N saa set a poora.” Ki Jehu ji yet a, “Tantir a nuu.” Ki u tant u nuu, ki Jehu datɔ ki donnɔ toruk na paak,

Aisaya 57:9

I tuu sɔɔr tulaarii nan kpanunubite ki saa jiantir tingbann Molek. I tuun toomiinba ki bi saa banfɔka, ki baat kpeentiŋ gbaa, ki kpaan tingbana a yin jiant.

Jeremaya 2:18

A dukii li-i tee ki a saan Ijipt ki saa nyuu Nail mɔkir ni nyun, a saa la sommlannpoe? A dukii li-i tee ki a saan Asiria ki saa nyuu Yufrates mɔkir ni nyun, a saa la sommlannpoe?

Jeremaya 2:36

I teen i mɔŋ dafur nan yaa jii i mɔŋ ki tur digbangana yennii nawa. Ijipt saa dinni fei nan Asiria nba din dinni fei nae.

Jeremaya 50:15

Ii yikin tɔb wuyikinii doo na kur po man. Mɔtana, Babilonn gaar butinna. Bi yeer u joonjot kur ki bet sikinir tiŋ niwa. N pa pann ki jiint Babilonn teebe na. Li paak, ii pa i pann ki jiimm, ki diab nan baa tuu dia leeb biaŋinba na.

Fabinii 4:17

Ki ti guu sommir nba saa baar tee-e, ŋaan ki li tan ki baari, ki bia guu sommir nba saa nyi digbann nba kan fit sommit na boor.

Esekiel 17:18

Juda kpanbar na biir ki yêt mɔlor nba ki u lor nan Babilonn teeb nawa, li paak, u saa la tubdatu.”

Hosea 12:1

Toona nba kur ki Israel teeb tuun, li sanyiɔk ni ki saa tuu li daajoouk, li ki mɔk nyɔɔt, li tee biirue. Tonu nan toonbiit tumu pukiie bi sinsuuk ni. Bi mɔk lora nan Asiria teeb, ki bia so sooru nan Ijipt teeb.”

Hosea 5:13

“Israel teeb nba tan bann nan bi be daŋ ni yoo nbae, ki Juda teeb mun la bi mɔŋ daamii. Ŋanne ki Israel teeb saan Asiria kpanbar boor, ki saa boiɔ sommir po, ŋaan u ki fit sommibi.

Hosea 7:11

Israel teeb lin yolib nan ŋman liiŋ nae. U niib sint yiin Ijipt teebe ki boi sommir po, ki bia saa Asiria teeb boor.

Hosea 9:3

Yimm Israel teeb na kan biar be Yennu tiŋ na ni, ŋaan i tan saa ŋmat saan Ijipt-e, ki saa saan ki saa di jeet nba tee kɔɔr, Asiria tiŋ ni.